Assalamu’alaikum warahmatullahi wabarakaatuh,
Mokasih banyak Da Riri, Pak MM jo Da Miko Apo nan Da Miko sabuikkan ko adolah sabana nan rina mukasuik Dan apo nan Da Riri pikiakan tentang boneh disiko bukanlah sebuah penilaian secaro isi tapi labiah ka dalam bentuk tekhnis awak dalam bamilis Da. Milis ko kan adolah sekumpulan mail atau surek kan indak bisa sabarih atau duo barih sajo, iko nan ambo tangkok secaro normal Jikok isi surek nan takanduang mungkin hanyo 3,4 atau 5 barih tapi isinyo padek sangaik misalkan, mungkin bagi ambo iko baharago bahkan mungkin mudah ambo hapalkan. Tapi bagi ambo nan bodoh ko Da, untuak sebuah surek ambo paralu mangaluakan minimal sahalaman untuak mangungkapkan suatu mukasuik. Itupun kadang ambo maraso masih ado juo nan kurang tasampaikan mukasuik topic carito ambo tu. Ambo raso itulah nan namonyo mambuek surek (baco ; mail) dan ikopun nan kito gawe kini ko kan? Ambo maraso basalah jikok mail2 nan masuak ko ambo lansuang delete sajo, ambo maraso urang nan sombong indak maharagoi pandapek urang lain, minimal ambo nio caliak apokah isinyo tu dulu. Memang dengan mandelete sadonyo tu akan aman sajo, who knows??? Kan?? Tapi itu tadi, ambo amat maraso sayang jo ilmu nan dionyokkan saganok kalangan dari salapan panjuru mato angin ko. Dan baharok supayo wakatu nan kito habiskan ko bamanfaat banyak nak no. Kan indak salah ambo baharok doh. Bak kecek Da Miko, secara tekhnisnyo suatu tulisan nan bawawasan nan mungkin sahalaman duo halaman atau labiah mungkin, akan banyak nan mangkritik, manyanjuang, bahkan mangantipati. Tapi alangkah rancaknyo jiko celetukan-celetukan cando : mantaplah tu, rancak tulisannyo, tahniah, ataupun nan negatifpun tapi bersifat bukan materi nan layak dibagi dalam bentuk surek (baco ; mail) apo indak sarancaknyo disampaikan sajo dalam bentuk chatting, mungkin bisa di YM atau di FB. Dan sangaik menggelikan lagi adolah reply nan sabaris duo baris dibawahnyo maikuik lo baliak uraian panjang urang yang mamosting partamo kali….. Ambo jadi ingek surang INyiak di Tabiang nan acok mangingekkan satantangan iko..hehe… Banyak maaf untuak kasadonyo jikok pikiran ambo ko mungkin singkek sajo. Ambo akan tatap taruih manyimak apo nan dipabincangan di milis ko. Walaupun harus mengorbankan waktu yang lumayan, akan tetap ambo simak walaupun kabaa caronyo. Bagi ambo informasi sarato ilmu pengetahuan ko sangaik baharago. Memang sauwek ko ambo lumayan lalai untuak mancek email nan masuak ka inbox ambo dek adolo kesibukan nan lain nan manyita ukatu. Jankan email dari RN bahkan dari MInangnet sajo ambo bacoi juo walaupun antah baa raso hati mambaconyo namun takadang banyak juo pangatahuan nan bisa ambo parambiak disinan tun. Katiko wakatu ambo sabana senggang bukan indak pernah pulo folder folder di inbox ambo barasiah, indak ado angko-angko nan mahitamnyo, bahkan tiok miniknyo ambo takan2 taruih send receivenyo supayo email nan ka ambo baco capek kalua. InsyaAllah lai indak manggaduah bagai bagi ambo bamilis ko doh. Sebab di inbox ambo alah ambo bagi-bagi ciek milis utk ciek folder, walaupun baribu-ribu, masih kuaik juo outlook ambo manyimpannyo. Peace…………. Wassalam Rina, 33, batam -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
