Assalamualaikum Wr Wb, Maafkan ambo MakNgah basarato Dunsanak lainnyo (di r...@ntau-net) kalau di pagi buto ko mancibo sakaki maruok lapeh.
Mantawai memang bagian dari provinsi Sumatara Barat, dan salomoko acok talupo disabuik-sabuik "Si Padang" kalau sadang mampagunjiangkan eksistensi kampuang halamannyo Minangkabau. Sababnyo tantu, antaro lain, sbb : 1=>tampaik awak lalok nan sabana bajauahan, dan dibatasi dek lauik nan laweh. 2=>kultur & adaik istiadaik dan (maaf sabaleh jo kapalo..==>mm).....agamo, samanjak dunia takambang antaro Minangkabau jo Mantawai iyo sabana babedo. Bahkan, dalam ABS-SBK sacaro inplisit & eksplisit dikatokan jo tageh dan kareh soal agamo ko. 3=>dalam sajarah atau tambo Minangkabau indak sakatek pun adoh disabuik-sabuik dek Bundo Kanduang atau "Prasasti Marapalam" ado namo "wilayah kekuasaannyo" nan banamo Mantawai. 4=>soal kebanggaan maso lalu, sarupo wilayah Sumatra Tangah (tamasuak Riau jo Jambi) adolah suatu perjalanan story buek negara Republik Indonesia. Bahkan, sabalun diproklamirkannyo negara kesatuan Republik Indonesia (17-08-1945) dek anak Blitarbaduo anak Aua Kuniang(sebagai wakil bangsa Indonesia), di nusantara panah ado pulo kerajaan Sriwijaya mencakup wilayah nan sabana laweh sampai ka daratan Indo Cina (Kamboja) bagai. 5=>karano MakNgah alah mancibo pulo maniru ramalan model si Gurito Paul, bahaso lamo kalamoan Mantawai ka manjadi ciek provinsi di RI, mako ambo ingek ka kurenah ambo ikuik "work shop" di tahun 2003. Ambo pribadi, sakitar tujuah tahun nan lalu --kutiko provinsi baru mulai taniaik mancogok di barat dan di timur RI, a.l : Ban-Bel (kalua dari Palembang SumSel; Gorontalo (kalua dari Manado SumUt); Sul-Bar (kalua dari Kendari SulTara); Ma-Ut (kalua dari Ambon Maluku), Papua Barat (kalua dari Papua); Banten bakirok dari Banduang Jabar; alah mancibo maangkeknyo ka forum diskusi ukatu itu. Kalau sajo urang-urang nan hadia di ruang Jakarta Media Center (JMC), Jl. Kebun Sirih Jkt Pst (Juni 2003) memori tangkuraknyo kuaik, tantu wanyo indak ka lupo bake garah si mm di muko corong ukatu itu, tantang banyaknyo ka mancogok provinsi di Indonesia nantik. Saingek ambo kutiko "talk show" di JMC tu, ado hadir La Ode Ida, Sarwono Kusumaatmadja, Darmin Damhuri, mantari Kalautan zaman RI-1 Megawati. (Maaf, kalau namo mantari kalautan asli Cirebon ko salah ambo tulih namo aslinyo). 6=>sajalan jo poin 5=> di ateh, ambo raso capek atau lambek provinsi Mantawai pun ka mancogok di nagari (kumpulan para bedebah) kito ko!!!! Ado sakambuik alasan nan kadiangkek "tokoh-2 mantawai" nantik, kutiko wanyo kamancibo pula manjadi "barajo surang mamarintah" di nagarinyo. Atau, alasan nan paliang tapek nantik iyolah : "kalau provinsi Kepri bisa mancogok di provinsi Riau, baa kok kami indak?" Jadi bake "Si Padang" di ateh dunia, jiko nantik mancogok pulo provinsi baru nan banamao provinsi Mantawai di subarang lauik Minangkabau, indak paralu pulo awak "sarupo anduang kahilangan puro". Sarupo nan alah ambo tulih di milis ko babarapo ukatu nan lalu, apo nan tajadi di nagari awak hari ko, bukan timbua sakatiko sajo. Alah jauah-jauah hari dirancang dek "konspirasi Yahudi Dunia" untuak manjadikan nagari hamparan zamrud di khatulistiwa sabagai bantiang taranaknyo. Silakan makan rumpuik ijau di tanah lapang, tapi susu waang den pilin tiok pagi!!!! Nan labiah prinsipil lai dari kasado strategi nan dirancang sacaro sistemik dek Konspirasi Dahsyat tadi, adolah : "samakin rinuaknyo bakapiang-kapiang nagari ko, samakin gampang pangka lihienyo dicakiek supayo patuah mambari kontribusi ka Israel Raya nun jauah di TimTeng....!!!! Antahlah, Yuang. Di saaik waang asyik siku manyiku, tungok manungokan Dunsanak waang masuak jurang (demi kurisi nan "enak tenaannn") di saaik itu pulo waang samakin jauah dari kadar nan hakiki di baliak sakralnyo ABS-SBK nan dipahekkan pandiri Minagkabau tahun saisuak...! Maaf, sabaleh jo kapalo buek Dunsanak (nan alah tacuci utaknyo jo paham sekuler atau pluralis) sakironyo karuntuang miang Sanak alah ambo semba pulo dalam tulisan ko. Salam.............................., mm*** Lk-2, Koto Dt.Tumangguang, >50th, Bks. BUEK NAN INDAK TAU : anduang = iyak, nenek, eyang putri, grand-mother puro = kantuang kain nan dikabekan di pinggang grand-mother Ajo Duta atau anduang Indra Jaya Piliang bantiang = sapi, lembu, cow karuntuang miang = pokok pangka, modal, rahasia manajemen ________________________________ From: sjamsir_sjarif <[email protected]> To: [email protected] Sent: Wed, July 28, 2010 9:55:23 PM Subject: Re: Bls: [...@ntau-net] Hoyak-hoyak Gampo, 4.8SR, Mentawai, Rabu, Jul 28, 2010 pk 05:09:25 Sore WIB Memang dari pandangan awak umumnyo dari daratan pulau, lah tabiaso manganggap nan Propinsi Sumatra Barat tu samo jo apo nan diangok-angkokkan kini ko jo apo nan dinamokan "Propinsi Minangbabau". Awak talupo bahaso Mantawai tu dengan potensi lingkuangan alamnyo tabantang dan punyo kawasan di lauik lepeh kiro satantang jo Sungai Limau sampai-sampai ka Ketahun di Bangkahulu Utara. Mereka tampaknyo lah jadi Karban Karuak awak tanpa banyak dikatahui. Deretan Mentawai dari Utara-Selatan tu tabayang di MakNgah tidua maunjua barampek (Si Berut, Si Pora, Pagai Utara, Pagai Selatan) mampitaruahkan angoknyo membentengi Minangkabau dari serangan Hoyak-hoyak Gampo Minangkabau. http://maps.google.com/maps?client=firefox-a&rls=org.mozilla:en-US:official&hl=en&q=Kabupaten%20Mentawai&um=1&ie=UTF-8&sa=N&tab=wl Kini malahan samantaro para penggagas KKM sibuak manyiapkan kongresnyo di daghek, kalau ambo indak salah, rasonyo indak tabatiak saketek juo tantangan Mantawai doh. Biko kalau Urang Mentawai lah mamintak status propinsi pulo, dan berhasil, baru tambah pana [kok buliah ambo sabuik takangkang :)] awak saroman "awak" [Propinsi Sumatera Tengah] lah kahilangan Riau jo Jambi "patang ko." Propinsi Sumatera Tengah dahulu malintang dari Barat ke Timur di tangah-tangah khatuslistiwa di dunia ko dari Lautan Hinda (Mentawai) ka Lautan Cino Selatan (Natuna), suatu propinsi kayo nan paliang laweh di Indonesia, mungkin di Dunia... (agak labiah laweh saketek dari Piaman ... :) Salam, --MakNgah Sjamsir Sjarif -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
