Assalamu'alaikum w.w. Jum'at kapatang, dari Jakarta ambo turun di Badara MIA. Dek indak ado bagasi ambo lansuang kalua sambia mancari-cari kok ado agen oto travel nan ka Bukittinggi. Ruponyo dilua ado babarapo urang nan tahu bahwa ambo memang paralu tumpangan. Disuruah duduak sabanta sambia manunggu pesawat lain nan sabanta lai ka mandarat. Dek panek duduak ambo bae bakencak di pelataran sambia mancaliak urang nan lalu lalang. Di dakek paga pembatas tampek penumpang kalua, mato ambo talantak jo tigo anak gadih nan penampilannyo agak babeda. Dengan kaus ketat ado duo urang pakai sarawa pendek satangah tiang. Dan nan surang lai pakai rok kambang agak tipih juo satangah tiang. Maksud ambo satangah tiang nan dipakai mereka ko hanyo sarawa jo rok nan hanyo saparo paho. Nan jadi perhatian urang nan ado disekitar mereka anak gadih nan pakai rok tadi. Tiok sabanta rok nan dipakainyo malayang-layang dikisai angin. Ado amak-amak nan sato juo mancaliak pamandangan ko katiko lalu dimuko ambo salintas batanyo," Anak sia tu?" Alun sempat pertanyaan tajawab, tadanga katigo anak gadih tadi basorak-sorak ka arah pintu kalua. Rupo tajawab pertanyaan amak dari Piaman tadi. Duo urang suami istri, nan ibuknyo pakai jilbab model kini dan nan apaknyo pakai kupiah haji kalua sambia maneteng kotak "roti boy". Tadanga di ambo panggilan mami-papi jo celoteh bahaso minang nan kental.
Sadang tarangah mancaliak pamandangan nan agak ganjia tu, ambo dikajuik an dek imbauan agen travel untuak naiak ka oto. "urang alah cukuik da". Jo ato Suzuki APV kami kalua bandara MIA. Pikiran ambo masih penasaran jo peristiwa tadi. Ruponyo oto indak babelok ka arah Bukittinggi. Indak paralu ditanyo sopir maagiah info." Kito ka Jl. Joni Anwar sabanta, maambiak panumpang surang lai." Indak ado penumpang nan mambantah. Mungkin dek alah kapanek an di ateh kapatabang. atau mungkin juo ado nan jago pagi-pagi bana dek kapatabang barangkek pagi bana dari bandara SoeTa. Ambo liek banyak nan mulai talalok. Indak sampai 20 menit oto alah masuak ka jalan Joni Anwar. Sekitar sakilo labiah masuak kadalam oto baranti dimuko kadai pakaian. Nampak apak-apak nan tagak dilua kadai tu mandakek ka oto. Sambia maagiah an kuricih ka supir beliau pun duduk disabalah ambo. Ambo nan sadang ta agua-agua saat mancaliak ka arah kadai pakain tadi mato ambo tapana mambaco merek kadai pakain nan tapampang jaleh dimuko kadai." SEXY SHOP". Mambaco namo kadai tu lansuang pangana ambo ka kadai-kadai nan ado dilua nagari. Dimano judulnyo indak jauah beda. Kalau dilua namonyo " Sex Shop ". Ambo tanyo ka apak nan naiak tadi. "Apo nan dijua dikadai tampek apak naiak tadi?". sambia sibuk manakan nomor HP beliau menjawab." pokoknyo pakaian padusi nan tabukak-bukak, mulai nan tabukai paruik jo pusek, tabukak bahu, tabukak paho sampai nan tabukak ikua. Itu pulo nan model kini di nagari awakko ka manga awak." Jawab apak ko sambia sibuk ma HP. Baliak ambo tarangah mandanga jawaban apak ko. Sambia mamiciang an mato ambo hanyo bisa ba istigfar dan bado'a. Semoga Allah lindungi nagariko dari kehancuran. **** Carito ko kejadian sabananyo nan ambo alami. Kok ado nan panasaran jo curito ambo, silahkan pai ka jalan Joni Anwar. Latak kadai disabalah kiri Jalan. Tulisan namo kadai cukuik jaleh. Pakai neon box. Nan jadi pertanyaan, kama painyo Satpol PP atau aparat nan mangalua an izin kadai ko? Alah sajauah iko moderennyo urang awak? Wassalam, Ibnu 44 th Urang Kamang -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
