Wa'alaikum salam ww, Ndeh..... badasia darah mambaco katam kaji dari mamak. Baa kolah badan diri..... antahlah ka disabuik...... ya Allah,... barikanlah kakuatan hati kami untuak salalu bausao mancari jo mausaoan supayo kami indak talakik babuek nan indak pado tampeknyo. Ya..... Allah.....
Tunjuak i sarato kanaan lah kami kalo lah babuek salah, juo jauahanlah kami dari sipaik ria dari karajo saketek baru nan di pabuek alah pulo disabuik suok kida, atau saindaknyo tasambua juo niaik untuak ka mampacaliak an ka urang lain baso awak alah babuek untuak kampuang jo nagari atau a sen lah nan lah sudah atau baru ka dikarajoan, amiiiiin. Jauahan juolah kami dari sipaik-sipaik nan indak elok manuruik urang lain nan kami indak baitu manyadari walau rancak manuruik awak nyo, amiiiiiin. Wassalamu'alaikum ww Batuduang Ameh (43) From: [email protected] [mailto:[email protected]] On Behalf Of Sutan Sinaro Sent: Wednesday, August 04, 2010 1:55 AM To: [email protected] Subject: [...@ntau-net] Mumbang jatuah kalapo jatuah Assalamu'alaikum. w.w. Dunsanak kasadonyo, kiniko tangah malam aniang (seekor katak melompat "plong" nya bu hanifah). Takana diambo kawan-kawan nan lah pai, mumbang jatuah kalapo jatuah janyo urang. Da Irdamsyah Syair (Tan gala) lah maninggakan kito, alun taraso lamo lai do. Baliau angkatan kakak ambo. Tahun lalu kawan saangkatan jo ambo, Prof. Dr. Ir. Yulman Munaf MSCE, lah pai pulo. Baliau taraso mati mudo, sabak rasonyo ka ulu ati. Lalu saminggu nan lapeh, kawan saumua jo ambo, nan dulu pernah tingga di Puruih ukatu ketek-ketek, Syamsu Kamal (icam), nan biaso bakarajo di samsat jo kantua polisi, lah pai pulo. Tantu tatanyo di dalam hati, bilo pulo giliran awak ?. Urang-urang tu kini lah basuo jo barzah, tampek manunggu samantaro manjalang hari akhir, tantu lah basuo jo Munkar dan Nangkir, lai salamaik ko lah kawan-kawan tu, lai tajawek tanyo duo malaikaik tu ko lah. Kito do'akan sajo mudah-mudahan lai. Tiko di awak isuak baa pulo ko lah. Nan jaleh, tanyo-tanyo tu tajawek sasuai kurenah didunia ko. Kok lai elok manuruik kaco mato Allah swt., tantu lai tajawek. Disikolah latak persoalannyo sabananyo. Baa pirangai awak, ... antahlah. Record ko baru ka tau nantik di dalam kubua, di alam barzah (ndak ado matematika Zul Tan ma ekstrak nyo ko doh). Memang samakin dangka awak, samakin jauah dari nan diarok. Kok lai dalam pengetahuan, baa pulo pengamalannyo ?, disiko pulo persoalannyo. Sabab,.... ... nyo ndak setakat 36 butir doh, indak 16 bab 37 pasal doh, tapi seluruh lini kehidupan, mulai dari masuak wc sampai ka kepala negara. Baitu sabananyo. Dan awak dilarang mati, jangan kamu mati, jaan mati, walaa tamuutun na illa... jangan kamu mati kecuali ?.... sampai bilo tu?. illa wa-antum muslimuun, sampai (kecuali) kamu jadi orang Islam. Jadi urang Islam ko baa ? ... eh kami lah Islam, kami keturunan Islam, sajak dari lahia kami Islam. Islam baa, Islam nan baa ?. Iyo lai Islam ko lah. Eh, suruhannyo baa ?. Suruhannyo, "wahai orang-orang yang percaya, masuklah ke dalam Islam seluruhnya", Seluruhnya ko baa ?, secara keseluruhan, ... eh baa secara keseluruhan tu ?, ... iyo nan tadi tu, mulai dari masuak wc sampai ka kepala negara misti Islam.... ndeeeh. Baa ko lah awak-awak ko ko haa... ?. Lai ka silamaik nantik ndak ehh .. ?. Ndak talok kanai haban dek duo malaikat tu tu do. Kok dibukak pulo buku pitunjuak ko, pitunjuak nan datang sajak 15 abad nan lalu. Aii... tabukak nan sabananyo bana, "Lau anzalna haadzal Qur-aana 'ala jabal". Kok kami turunkan Qur-an ko ka gunuang tu, gunuang nan gadang tu, Singgalang... Marapi....haa... baa ?. "Lau anzalna haadzal qur-ana 'alaa jabal". Kok diturunkan Qur-an ko ka singgalang atau marapi tun... "La ra-aitaHuu khaasyi'an mutasaddi'an" Kalian ka maliek gunuang-gunuang tu pacah, berpecah belah, bayangkan gunuang malatuih, alun pacah kasadonyo lai tu. Iko pacah, bertaburan, batu galodo sagadang-gadang rumah berhamburan. Dek aa tu ?... "khaasyi'an mutasaddi'an, min khas-yatillah". Bapacah balah dek takuik jo Tuhan Allah. Aratinyo, indak tatangguang do dinyo manjujuang Qur-an tu. Berpecah, meledak-ledak dengan dentuman yang tak kan terdengarkan oleh telinga. Dek aa tu ?. ... iyo bana barek Qur-an ko ruponyo. Tapi sayang seribu, sejuta, semiliar, se triliun, se biliun, se triliun, se ziliun kali sayang, "manusia ini bodoh" kata Allah, "mau menerima amanat bumi". Mau menerima Al-Qur-an. Tu kabaa lai, lah tatarimo... eh... namuah takah itu se nyo ?. Baa tu ?. "Wa innaHu ladzikrul laka, waliqaumika, wa saufa tus-aluun". (QS:43:44). And indeed this is the message for thee, and for thy people, and soon shall yee all be brought to account. Dan sesusungguh ia (Qur-an) itu adalah pesan dan kemuliaan bagimu (Muhammad) dan bagi kaummu, dan kelak kamu semua akan dimintai pertanggung jawaban. ..ooii..yayai.., baujuang kato tu sutan,... kelak kamu semua akan diminta pertanggung jawaban. Ruponyo ndak hanya Nabi Muhammad saw. yang diminta pertanggung jawaban urusan Al-Qur-an ko doh, jo awak-awak sato pulo. ... ndeeh,... dek gunuang singgalang jo marapi sin, indak talok doh,... kunun kok kunun... sabana mangaretek badan, hati jo jantuang mainok ranuangi nyo. ... lai bisa juo balimau balunau lai ko (bak kecek buya)... eh, ndak talok do mpuang... ... lai tamakan juo pitih nan indak jaleh ujuang pangkanyo lai ko ?... aii... ndak talok do. ... ujuang-ujuangnyo, lai talok juo demokrasi lai ko... pikia se lah surang... Gunuang singgalang ondeeh,... lai kamanjago hohoho.... aiii yuang, dek singgalang tu bana ndak talok,... kunun lo. Ndeeh, baa raso ati, baa bisuak ko tibo giliran ?, baa bisuak basuo jo malaikat tun ?. Kok lai salamaik, baa bisuak di hari yang tiada pertolongan padanya.. "yauma yaquumur ruuuhu wal malaikatu safal laa yatakalamuuna illa man adina lahur rahmaan" (An-naba) Pada hari dimana Ruh (Jibril) dan malaikat-malaikat berbaris ber saf-saf dan tidak berkata-kata kecuali apa yang diperintahkan Ar-rahmaan kepada mereka. ... Bayangkan... kalau di muko meja hijau sajo lah mangaretek lutuik tu bajalan ka dalam. Kunun pulo di pengadilan Allah swt disaksikan para malaikat, tamasuak Raqib dan Atid nan mancataik sagalo kurenah pirangai awak kini ko di KIDA SUOK AWAK. ... ndeeh, mangaretek ambo dunsanak, sampai ka ulu ati... ari malam tambah laruik... urang bi lalok kasadonyo, ndak bi tau ko lah aa nan katajadi bisuak di Padang (Mahsyar). Wassalam St. Sinaro -- -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
