Assalamualaikum ww Kamanakan ambo ibu Rina Permadi nan bijaksana sarato dunsanak nan bahagia .
Sahabih tahajuik tadi malam, ambo mambaco uraian dan hidangan bandeng presto bu Rina sabana lapeh taragak jo kampuang halaman dan urang gaek dan famili nan lah almarhum kasadono. Ambo indak kagum jo kuliner bandeng presto , tapi ambo marasokan sajuak bana dalam hati, mambaco kato-kato asli di kampuang ambo nan nan sahari-hari dipakai dilingkungan kaluarga ambo samaso ketek . Dima kolah kampuang bu Rina , mangko samo bana kato2 dan kalimat nan bakaluakan jo kato2 dan kalimat harian dikampuang ambo di Jor Sungai Sariak, Nag Kototinggi, Kec Baso, Agam . Kok dapek diterjemahkan dan dimasuakan ka kamus Minang nan sadang disusun urang dapua RN , sahinggo baguno utk generasi nan kadatang . Kato2 dan kalimat asli nan ambo kagumi tu adolah : Pancin , Pupuik, kampuah, Kuah, Angek manggabubu, Puruakan, Diruih, Pinyak, Tokok, Aleh, Ganjie, Amiang, Salang, Sipadeh, Kunik, Katumba. Sambie mambaco baulang2, ambo mambayangkan kurenah urang2 para famili, rumah gadang, sawah, jalan2 dikampuang nan biaso ambo jalani wakatu ketek wakatu mangungsi darurat Bulando manjalang tahun 1950 . Taruihkan bu Rina, anda punyo kesenangan dan kamampuan manulih, pasti baguno bagi urang banyak ... Amin . Wassalam dan maaf, salamat ba puaso Ramadhan 1431 H, Dari : Iniak Lako , L-74, Depok . Sent from my BlackBerry® powered by Sinyal Kuat INDOSAT -----Original Message----- From: "rinapermadi" <[email protected]> Sender: [email protected] Date: Thu, 5 Aug 2010 14:52:22 To: <[email protected]> Reply-To: [email protected] Subject: [...@ntau-net] BANDENG PRESTO ALA RANG BATAM Assalamu'alaikum warahmatullahi wabarakaatuh, Para penguliner Rantaunet nan setia manyanda di lapau ko, Sabtu kapatang ko ado nan agak ganjia dari nan taralah dibuek dek si Ibu muda nan bacokol di Batam tan nah. Ikan bandeng nan biaso no sambuah duri no ko, dibuek no jadi rapuah tulang no kasadono. Indak mampapanjang mukaddimah iko nyo ha: Bahan-bahannyo : 1. Ikan bandeng ukuran sadang elok tamuek di pancin presto 2. Pancin presto ukuran sadang elok tamuek ikan no, buliah disalang ka tetangga, tapi beko kalo lah masak, bari tetangga ko agak duo ikua langkok jo lado plus ulam no. 3. Sipadeh sajari, bawang putiah satangah bungkah, kunik sajari, katumba barandang trus sado no giliang haluih 4. Daun salam sabanyak ikan jo sarai potong sapanjang paruik ikan, labiahan untuak aleh. 5. Garam cukuik-cukuik. Carono : 1. Sarai jo daun salam dipuruakkan ka dalam tiok paruik ikan 2. Bumbu haluih di campua di pancin plastik didiruih jo aia sakiro tabanam ikan kasadono di dalam pariuak, aduak lansuang jo garam no. 3. Aleh pariuak jo daun salam sarato sarai nan lah batokok caia 4. Susun ikan bantuak manyusun kayu api di laman sasudah bakupiak. 5. Diruihan aia bumbu tadi sampai taganang ikan cako du. 6. Angkek ka ateh kompor, jarangan sampai babuni-buni pupuik tutuik pariuak presto 7. Sajam sasudah tun, puduan kompor cako, biaso no alah kariang aia di pariuak ko goh. 8. Alah dingin pariuak baru bisa dicigok ikan cako du, alah kampuah tulang no apo laun, cubiak sangenek. 9. Ikan ko nan alah lunak ko bisa disimpan di kotak tatutuik di bawah frezer di lamari es. Caro mahidangkan : Bandeng presto ko digoreang dulu jo kocok an talua ayam nan diagiah marica jo garam Dipinyakkan saketek trus digulimangan bandeng ko ka dalam talua tu supayo rato Digoreang sadang elok masak no jo minyak banyak dan api nan agak gadang Sudah tu dihidangkan basamo jo samba lado apopun nan jaleh harus padeh. Tapi jo lado kutu bulek sen jadih juo, dek bandeng ko alah samparono lo kameknyo. Ulamnyo tasarah nan ka cinan miang Jan lupo nasi musti nasi angek manggabubuang Salamaik manciboan. Mudah2an di bulan puaso ko bisa jadi hidangan istimewa manyambuik buko puaso Hidangan ko khusus untuak urang nan indak suko bakuah-kuah santan pakek, tapi nan sukopun buliah juo makan hehe.. Salam kuliner Ritrina, 33, batam -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
