Pak Delfiar, Satahu ambo, dari ka ampek jenis transportasi di BIM nan apak tanyokan tu, (Bis, taksi pakai argo, travel resmi, jo travel carteran), nan indak ado hanyolah taksi pakai argo (kkarano buliah dikatokan hampia 100% sopir di sinan indak namuah manggunokan argo).
Pak Delfiar pulang tu tujuannyo kama? Kalau ka kota Padang, ado bis resmi dari BIM, nan ciek DAMRI nan ciek lai TRANEX. Bis DAMRI halte terakhirnyo di Taman Imam Bonjol di tangah kota, sadangkan TRANEX ka Simpang haru. Tarifnyo samo, Rp. 15.000. Bis DAMRI routenyo dari BIM - Jalan Adinegoro - Jalan HAMKA - Jln. Veteran - Jln. Pemuda - Jln. Diponegoro taruih ka Taman Imam Bonjol. Artinyo mirip route dari Bukittinggi ka Padang katiko terminal masih di Liintas Andalas dulu. Lumayan nyaman bisnyo. Ambo sendiri kalau pulang dari dari ma, dan sadang ndak ado nan bisa manjapuik, samantaro barang ndak banyak, labiah sanang manggunokan DAMRI ko, karano kebetulan bisa turun di muko rumah :) Bis TRANEX nan ka Padang routenyo babeda, karano inyo lewat Khatib Sulaiman manuju Simpang Haru, jadi ndak lewat Ulak Karang doh. Schedule standar ka duo bis resmi ko (bia DAMRI atau TRANEX) adolah tiok 30 menit, walaupun kadang-kadang agak melenceng saketek :) Kalau TAKSI resmi banyak, sadonyo pakai stiker BIM. Untuak taksi nan iko rancak langsung reservasi di meja loketnyo bana, posisinyo di ruang tunggu bandara pas kito kalua ruangan pengambilan bagasi. Taksi nan iko pakai antrian, dan tarif standarnyo ado. Misal standar tarif ka Bukittinggi sekian, tapi kalau lah ka Kamang, ado tukuaknyo. Ado juo taksi nan ndak ikut antrian, inyo mancari penumpang sambia 'gentayangan', sahinggo rancak hati-hati juo kalau tawar-menawar jo sopir. Travel Resmi, untuk route-route tertentu, ambo raso ado loket-loket khususnyo, tapi agak di lua bandara. Tapi tergantung juo, pak Delfiar tujuannyo kama. Kalau ndak salah nan ka Bukittinggi juo ado Travel Resminyo. Kalau travel tak resmi, lumayan banyak di BIM. misalnyo ka Bukittinggi, ado travel jenis-jenis kijang, innova, dll, Manuruik kawan-kawan nan pernah manggunokan travel jenis iko (ambo kebetulan alun pernah), rasonyo agak kurang nyaman, apolai kalau baranak ketek. Sabab mereka mancari panumpang manunggu panuah dulu, baru barangkek, sahinggo ndak ado kepastian bara lamo ka manunggu. Tapi ado juo keuntungan travel jenis iko, karano mereka biasonyo ado nan antar alamat (ado pulo nan indak), sahinggo labiah rancak pastikan dulu apo fasilitas nan ditawarkan. Mungkin hanyo itu info nan ambo tahu pak Pak Delfiar, kok ado dunsanak nan lain ka manambahkan. Salamaik pulang kampung, Salam, Rita D. lukman ------------------------------------------------------- Pada 12 Agustus 2010 23.51, Delfiar S <[email protected]> menulis: > Catatan : Maaf, ambo kirim ulang, tadi tanggal komputer agak sasek .... > > > Ambo ado rencana pulang batigo jo rang rumah jo anak ... dek lah ampia 5 > taun ndak pulang, agak gamang juo rasonyo kalau lah sampai di Bandara > International Minangkabau (BIM) ... baa ndak ka gamang, lataknyo jauah dari > kota, jauah pulo dari jalan gadang ... > Sudah tu, pernah pulo mambaco di salah satu milis rang awak, kalau ndak > salah di siko (antah di milis nan lain) ... katonyo di BIM tu ado tukang > pakuak, tukang paso atau istilah siko servis nan semena-mena/memaksa ... > > Dalam rangko pulang kampuang ko, ambo mintak informasi ka uda-uda, uni-uni > jo dunsanak kasadonyo satantang angkutan nan tasadio di BIM tu jo > remeh-temeh di BIM bia awak ndak kanai pakuak gai dek tukang pakuak tu ... > Pertanyaan partamo ambo, kiro-kiro alternatif angkutan apo nan tasadio di > BIM tu ? > Apokah ado : > 1. Bis resmi, semacam bis Damri dari Jakarta/Bandung (Blok M/Ps > Minggu/Bekasi/dll) ke Bandara Soetta > 2. Taksi resmi nan pakai argo > 3. Travel resmi > 4. Angkot/taksi/travel carteran (ndak resmi) > Dari nomor 1-4 di ateh, nan ma kiro-kiro nan tasadio? > > Sudah tu, bara kiro-kiro tarifnyo ? > Samisal : > 1. Dari BIM ka tangah kota Padang, anggaplah tangah kota tu kantua Gubernur > 2. Dari BIM ka Lubuk Begalung/Indarung > 3. Dari BIM ka Pd. Panjang > 4. Dari BIM ka Bukiktinggi > > Baliak ka carito tukang pakuak tadi, apo ado uda-uda, uni-uni atau > dunsanak di RN ko nan pernah mangalami carito samacam tu? Atau paliang indak > pernah mandanga/tau carito tukang pakuak tu ... ? > Sudah tu, baa caro awak mainda dari tukang pakuak tu ? Atau apo nan paralu > dipareso baitu awak turun di BIM tu? > Ambo agak cameh saketek dek mambaok anak, kalau ambo baduo sajo jo urang > rumah rasonyo ndak ka cameh bagai doh ... > > Uda-uda, uni-uni jo dunsanak, kalau ado nan tau jawaban dari pertanyaan > ambo di ateh mako ambo mintak tolong dijawek, tarimo kasih banyak sabalunnyo > dari ambo, semoga Allah pulo nan ka mambaleh jaso baiak dunsanak tu ... > Mudah-mudahan pulo jawek dari dunsanak tu bisa pulo jadi bahan untuak > hati-hati di dunsanak lain nan ka pulang kampuang ... > > > * Maaf lahir bathin, semoga puaso awak kasadonyo bisa lancar dan dapek > pahala nan terbaik ... kok ado nan sakik, mudah-mudahan capek cegak ... > > > Wassalam, > > > Delfiar Sutan Bagindo Rajo ... > > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
