Jepe,
Ndak usah lah ambo mancarikan link ka gambar cindua. Ba a kalau awak cubo makan cindua urang bogor di sampiang terminal baranang siang? Riri 48/l/bekasi From: [email protected] [mailto:[email protected]] On Behalf Of Jupardi Sent: Saturday, August 14, 2010 11:22 AM To: [email protected] Subject: [...@ntau-net] CINDUA TAKACAU HARI HUJAN CINDUA TAKACAU HARI HUJAN By : Jepe CINDUA TAKACAU HARI HUJAN ungkapan atau istilah ko tantu ndak asiang lai dek awak urang minang, artinyo kiro-kiro kalau dalam kontek manggaleh "cindua bana" sagalo sesuatu bahan pambuek cindua alah siap mulai dari cindua nan dari sagu, cindua nan dari tapuang bareh nan santan lah bamasak pulo, dicaliak hari lai rancak panehnyo. Balango lah siap lo manampuang cindua sagu/bareh nan kadikacau jo santan nan alah dimasak tadi. Tapi apo nan tajadi katiko cindua jo santan ko sadang takacau di balango ka digaleh lai tibo sakali hujan, si tukang cindua tantu agak tarumuak hatinyo mancaliak cuaca nan tadi angek baharok galeh laku nan labo lah tabayang tapi hari hujan mambuek cuaca lambok dingin tantu cindua nan diagiah es ko manjadi kurang minat urang mambalinyo lansuang tabayang rugi dimuko mato. Cindua jo santan lah takacau ndak kamungkin dipisahkan baliak, kok disimpan untuak kadigaleh bisuak tantu lah masam rasonyo dan alun tantu juo cuaca angek. Bisa juo kiro-kiro aratinyo suatu kondisi nan indak dinginkan tarutamo bagi masyarakat badarai nan mancari nafkah dari manggaleh makanan atau minuman jaan ka maharok labo nan ka diraih maharok pulang pokok sajo jauh rasonyo malah bisa jadi jo pokok galeh habih tandeh dek kondisi nan mambuek galehnyo indak laku. Kondisi "Cindua Takacau Hari Hujan" ko ambo amati bana masuak hari ka 3 bapuaso di bulan Ramadhan 1431 H tapeknyo hari Jum'at kapatang (13/8) di Kota Pekanbaru. Sakiro dari pagi sampai lapeh shalat Jum'at cuaca masih paneh indak ado nampaknyo tando-tando ka hujan labek tapi tibo-tibo sekitar jam 3 manjalang sore barubah sakali cuaca ko nan tadi angek garang lalu mendung dan hujan labek sampai manjalang masuak wakatu babuko di kota Pekanbaru. Sakiro jam 5 sore ambo pulang dari kantua ambo nan talatak dakek bantaran Sungai Siak (Sei Duku) bajarak 8 Km dari rumah ambo, hari masih hujan labek tapi nampaknyo ka mulai taduah, sapanjang kiri kanan jalan manuju rumah ditampek-tampek urang manggaleh makanan, minuman (juadah dan takjil) mulai dari emperan pelataran ruko, tanah lapang (area terbuka maupun nan dipasang tenda biru) sarato tampek strategis lainnyo nampaknyo panggaleh aneka minuman segar nan sakiro pakai es (dingin) yo baibo hati mancaliak galehnyo indak ado nan mambali. Mulai dari Es Cindua, Es Buah, Es Cincau Salasiah, Es Timun serut nan menggiurkan, es karambia mudo, Es Teler, Es Tabu sampai nan sadang mode kini Es Sop buah , nan tampeknyo di wadah plastik transparan, tabuang aia, termos aia sampai galeh plastik nan batutuik (nan cindua takacau jo santan dalam balango yo ndak ado lai kini kebanyakan dalam wadah plastik transparan cindua ko di kacau jo santan). Aneka minuman dingin itu ambo paratikan indak laku , hari lah tinggi juo manjalang babuko nan tabuang aia dari plastik transparan tu masih juo panuah indak ado catuak catak panggaleh malayani urang mambali katiko cuaca angek baitu juo nan didalam kemasan galeh plastik masih bederet juo tasusun diateh meja. Itulah kondisi nan dialami dek rakyaik badarai nan mancubo mancari nafkah dikesempatan bulan puaso ko tarutamo nan manggaleh aneka minuman dingin katiko aneka bahan minuman dingin ko takacau hari masih angek tapi pas galeh talatak ka dijua tibo-tibo hari hujan labek yo gak taibo juo hati mancaliak kondisi bantuak iko nan kadiarok labo dibaok pulang, jaankan pulang pokok tapi modal-modal ikuik tandeh. Ambo (kito) hanyo bisa badoa sajo semoga mereka yang meraih rejeki dengan cara-cara yang halal ini diberi kesabaran oleh Allah SWT dalam menghadapi situasi yang membuat mereka rugi dalam berjualan, sasuai jo pengajian nan ambo pahami, sabar adalah pilar kebahagiaan seorang hamba, orang-orang yang sabar itu adalah orang-orang yang dicintai Allah sebagaimana firman-Nya. "Artinya : Dan, Allah mencintai orang-orang yang sabar". (Ali Imran : 146) Semoga para panggaleh aneka minuman yang menghadapi "cindua takacau hari hujan " dengan segala kesabaran kalaupun tidak memberikan laba bahkan modalpun ikut tandeh ada balasan dari Allah SWT yang lebih baik dari pada amalnya dan melipat gandakannya tanpa terhitung Amin YRA. Pekanbaru, 14 Agustus 2010/4 Ramadhan 1431 H ***** Ambo sapo lah Pak TR..nan ka maagiah baju rayo ambo gak salai batik kalimantan tu he he, gara2 waktu di BB kecek Reni talampau maju kecek Pak TR ndak saba ambo ka mamakai baju baru di hari rayo bisuak, baa kiro2 Pak lai ado pengalaman Pak TR kondisi "Cindua takacau hari hujan" ko ndak didanga lo kucindan dari Pak TR ko, sasuai pasan Pak TR diposting terakhir "jaan sarius bana beko bakunang pulo incek mato sudah sujuik sumbayang luhua " Baitu juo sanak Suryadi nan alah duduak di lapau, baa carito e tu sanak Yuang Sa'u nan pai manggaleh ko, jaan kalabo diarok, pulang pokok sajo payah malah jo pokok padang tu bana nan tandeh. Si Sutan Mancayo kama we e, dulu lah maagiah carito "cindua takacau hari hujan" pulo kan, sadang sibuk manggaleh babelok pulo, mudah2an lai gadang labo nan dapek yo, jaan pulo pas ari lah angek cindua takacau sadang laku-lakunyo, ehhh garobak cindua pulo dikaja2 apak2 basiragam, lah badabuak pulo balango cindua tu nan garabok naik oto kompong petugas J Rita kama pulo sajak maluncukan pinukuik, kaba-kaba ka malewakan cindua pulo...ditunggu bana tahidang dilapau ko Da Riri nan santiang mancari Link dilapau maya, cubo carikan ambolah Pic..cindua balango nan gadang mangango ko lubang tampek manyanduaknyo, kalau jadul dulu di muko atau pelataran stadion Imam Bonjol Padang terkenal Cindua Mak Katik nan cindua sagu jo santannyo di kacau dalam balango, nan ambo selalu bayangkan jampang kok badabuak bin balambin katanah balango tu dek indak stabil lataknyo dalam garobak atau dek huru hara bacakak banyak suporter bola talendo garobak ko, ondee bara lah buruak pacah jo tatunggangnyo cindua mak katik tu, tantu ibo hatinyo karano jo pokok2 tande Kini nampaknyo lah gak jarang cindua sagu digaleh urang nan banyak cindua dari tapuang bareh nan bawarna hijau pandan tu nan digaleh urang apokah dalam bantuak bahan atau lah jadi minuman. Silahkan kok ado resep2 nan manyipak dari sanak (Rina jo Rita) es cindua ko di katangahkan ka palanta, hujan ndak hujan hari nan cindua jo santan tetap awak kacau JP . -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
