"Baruak Sportif" Sanak Suryadi sambia lapeh sahur ambo gili juo kompor ketek saganggam tangan ko, mambaco babarapo postingan sanak yo mambuek ambo galak_galak ketek jo senyum2 sajo, sampai urang rumah ambo batanyo "aa juo lai nan lucu buek galak Abang"
Banyak istilah2 lamo nan sanak sampaikan sarupo "duduak barapak tagak bapusu, bakurisi sice etc Lalu kok satantang baruak ko iyo..iyo oiii sanak, kok mancibia awak sangaik sportifnyo ndak amuah main balakang "head to head" bana awak di cibiakannyo Sarupo nan ambo caritokan dulu dipalanta ko, di kampuang ambo, Pak Etek ambo punyo baruak mamanjek karambia ko, bara lah kaelok ambo satiok pulang dari pakan ado kue nan lamak, kacang, jaguang abuih dll di paro diambua juo ka baruak nan tabauik di balakang rumah Pak Etek ambo ko, tapi baa lah nan cibia tetap juo balehnyo ka ambo, yo sportif we e, "face to face" bana baruak ko mancibia ambo ha ha ha Yo ndak ado dibae mambaliak kapalo we e lalu sambia galak mancibia "qik qik qik..1eekkk si jepe den cibiakan sambia malengong gak salayang" Jadi bia ndak paneh bana hati ambo satalah ambo loncekan kue tu, baruak ko ambo cibia an lansuang "weeekkkk" sabalun we e mancibiaan ambo ...ha ha ha Pengalaman ambo manuruikan pak etek ambo pai manambang jo baruak ko mamanjek karambia Lah tibo baruak ko diateh batang karambia, kok tibo parangai buruak wee alias parangai Cingkahak urang eh salah "cingkahak baruak" lah panek pak etek ambo mangecek jo bahaso "gaul" mereka baduo, nan baruak ko masih cigin sajo duduak sambia mancibia ndak juo diputanyo karambia tuo nan ka dijatuahkan tu do Lah malaruik bana parangai "cingkahak baruak" nyo paneh hati pak etek ambo, dirangguikannyo tali baruak ko, disentak abih lai, nan baruak diateh tagagau ndak ado lai samakin naik tensi baruak marabo sambia mamakiak jo mancibia onjak onjak raso karuntuah batang karambia tu :-) Biasonyo ko lah saliang bapaneh hati Pak Etek ambo jo baruak ko "cooling down" lu, inyo palapeh sajo kandak hati apo nan suko dipabuek dek baruak tu di ateh karambia, Pak Etek ambo santai sejenak sambia mamlintiang rokok daun anau jo timbakau tu, Ahaaiii yo bana nyeh sanak, baruak ko asli sportif, yo tetap mancibia kontan ka muko pak etek ambo jo ambo nan dituju satiok awak tatap muko e, ha ha Lah dingin suasana, rokok anau lah salosai lo diisok dek pak etek ambo, mulai liak pak etek maumbuak2 "sayang" jo bahaso komunikasi mreka baduo, lah lupo baruak ko jo kalakuan cingkahaknyo, ndak do lai basumangai we e mamuta karambia jo manghantan karambia jo kakinyo..kalau lah tibo "slah" hati baruak ko sadang lamak yo ndak bagarah karambia nan di puta jo ditunjanyo, sabana lincah pindah dari pohon ka pohon Lah salasoi turun we e lai, yo damai bana induak samang jo anak buah, (baa kecek sanak dulu kok auih baruak ko diagiah aia karambia ko gak sagaluak) samantaro pak etek ambo manyulo karambia baruak rehat sejenak malapeh panek Terakhir Nan ambo asyik juo "face to face" kanai cibia baruak nan sportif ko Sekian dulu, ambo tunggu bana minang saisuak seri "baruak nan sportif" ko sanak, nggak sabaran pulo ambo jadi e manunggu artikel sanak Wass-Jepe Lapeh sahur Sent from my AXIS Worry Free BlackBerry® smartphone -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
