Sanak Jepe Mambaco Palantiang/katapel, takana lo parangai/karajo katu ketek2.
Dek ambo jo kawan2 katu ketek2 awal tahun 60-an, dibelakang tangsi Padang (lai tau Jepe jo tampekko?) Palantiangko/katapel dipakai untuak main parang2an. Kalau di kampuang biasonyo digunokan untuak ma katapel unggeh/buah2an jo batu. Sabagai pangganti batu (pelor)) dipakai batang tumbuhan nan marambat dipotong pendek2. Batangnyo mirip2 batang kacang2an nan marambat, diameternyo sagadang kacang panjang. Katu tu batangko banyak di balakang Bank Nasional disampiang kantua CPM Padang. Dibalakang Bank Nasional ko tanahnyo lapang (Bank Nasional barado di area tanah ko), di dalamnyo udo ciek rumah rang Kaliang dan tanah ko dijadikannyo kabun, dikabunko lah tumbuah tumbuhan nan kami pakai untuak pelor. Untuak mandapek-an batang tanaman ko biasonyo kami maambiak mandok-mandok (sacaro diam2) supayo indak ka tahuan dek rang kaliang ko. Bilo katahuan dikaja nyo kami, mungkin dikironyo kami mancilok hasil kabunnyo padohal nan kami ambiak tanaman nan indak bamanfaat. Bilo kami rami, indak barani inyo mangaja, tapi dibaenyo kami jo batu. Sakali waktu batu ko mandarat diateh kapalo ambo, iyo tabedo ambo katu tu dek sakiknyo kapalo tatimpo batu. Karano batunyo lai ndak gadang bangkak sajo kapalo nan tatimpok batuko. Walaupun nan kami alami dikaja-kaja dikiro mancilok hasil kabunnyo bahkan ado nan kanai bae batu (kapalo dan badan) namun kami indak jaran2 dek nyo. Sabananyo permainan ko agak barasiko, bilo kanai katapel katu main parang2an tu, bilo kulik ndak bangkak2 iyo merah2 kulik dek nyo. Apolai bilo kanai mato. Katu tu ado juo permainan nan barasiko, antara lain musuah dangkuang dan gasiang. Musuah dangkuangko cindo mancido, bilo pangguang indak talindauang dek salah satu tangan bakal kanai dangkuang awak dek lawan. Kalau gasiang meleset maampehkannyo, bisa2 paku gasiang manambuah kulik panonton. Nan dek ambo masih ado bekas nyo di kaki sampai kini. Ondeh...ondeh ... Lah maleba lo carito pangalaman katu ketek ko. Wassalam, Zalmahdi Powered by Telkomsel BlackBerry® -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
