Assalam'ualaikum WW sanak sidang palanta nan terhormat;
Niniak Mamak nan gadang Basa Batuah, Alim Ulama sarato Nan Cadiak Pandai nan
Arif Candikio
Salam jo sambah ambo unjuak ka bakeh karapatan Sidang Palanta RN nangko,
gadang nan indak baimbau kan gala, ketek nan indak basabuikan namo.
A nan isi panyambahan ambo nangko adolah nak mintak ijin ka bakeh kito nan
basamo
Ambo mohon ijin ma ulang ulang kaji lamo, ma urak urak langkah satantang ilimu
iduik.
Ditulih sado nan dapek, kok nyampang salah jo gawa, maaf di mintak banyak2,
kok singkek minta di uleh, kok kurang minta di tukuak
Niaik nan dari pado itu adolah Tulus dan ikhlas untuak memperkenal kan masalah
ko ka anak kamanakan nan sempat mambuka RN,
sakaligus manganakan ka kito nan basamo baraso nan ilimu bisa hilang , nan
kaji bisa lupo, nan garak bisa ragu kalau indak di ulang ulang
Tukuak jo Tambah sarato saran dari kito nan basamo sangaik di harap kan, kok
ketek tapak tangan jo niru ambo tampuangkan
Kok ado cimeeh jo samiua ambo tarimo jo lapang dado, maaf jo ampun nan ambo
pinto, kok ka untuang cimeeh jo samiua
jadi cahayo pambimbiang ambo di akhiraik nanti
kok lah buliah ambo mulai, Bismillahirrahmanirrahim...
Sakadar pambuka dari ambo; Ilimu iduik nan paralu di pakai dek anak minang
dimulai dari
1. Tau tampek tagak , tau di diri.
Sacaro sederhana mukasuik no satiok saat, satiok waktu kito harus sadar
"situasi" dan "kondisi" dima kito sadang barado.
Surang laki laki Minang, bisa sadang dalam posisi sebagai ANAK, KAMANAKAN,
AYAH, MAMAK, SUMANDO dll, dan dalam situasi
di PASA, di rumah, sadang RAPEK keluarga, sadang rapek NAGARI atau sadang
di palanta RN.
Jan lah kito salah batindak, salah bertingkah ,salah bersikap .....tetap
tau
di diri dan tau tampek tagak...
Mainkan peran / BERSIKAP lah sesuai posisi dan situasi saat itu. kalau
indak, bisa terjadi kesalah pahaman dan hal hal buruak lainnyo.
2. Manyauak di bawah bawah, mandi di ilia ilia
Mukasuik no... pandai mambawo kan diri secaro merendah... Humble, low
profile.
Indak usah mandareh, manyombong , arogan, sok.
Tagak jan sampai talantuang, bajalan jan sampai malendo, bakato jan sampai
manggadang
Di kiro kiro baa nan indak buruak di nilai urang.
3. Jauhi Ma ajan TUAH, mangapik daun kunyik.
Manyabuik kan Rasaki nan kito dapek, kalabiahan kito, kalabiahan keluarga,
kalabihan kawan awak, biaso di hindari dalam pergaulan
karano bisa manimbuakan berbagai hal antaro lain; riya/sombong, timbua
jarak jo nan mandanga, kesedihan dari pihak nan indak dapek
atau mamanciang cimeeh ...
Sakian dulu , kami manunggu tambahan dan koreksi dari kito nan basamo
Wassalam
Erinos Muslim Tanjung Bgd Rajo (52)
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
