Sanak Kahar (antah di ma lah wanyo barado, ah..) Kutiko Sanak manyabuik kato Anting (Clifford Pier) atau Hunting (istilah pelaut Bule Greek) ambo jadi takana ka nostalgia bugih lamo. Ambo partamo kali manginjakkan kaki di Anting (tampaik bakumpuanyo pelaut seluruh Indonesia) adolah Maret 1977. Kutiko itu ambo sabana rinuak di dunia lauik. Maklumlah baru jadi asisten engineer junior.
Periode tahun 1983 s/d 1992 Anting tu alah manjadi tampaik ka duo buek ambo satalah Sampur (asa kato : Sand Poor) di Tanjuangpariuak. Ampiang satiok bulan kapa minyak kami mabaok BBM dari P.Bukom (Shell) atau Ayer Cawan (British Petroleum) untuak dibaok ka Tanjuangpariuak, Jakarta, atau Tanjuangperak (Surabaya) atau Belawan (Medan). Sasudah tu, ambo alah duduak di balakang meja, mauruih & mamantau "kurenah" kawan-kawanmbo nan mambaok kargo dari dermga ka dermaga, dari palabuhan ka pealabuhan.. Anam bulan nan lalu, kutiko ambo datang baliak ka Singapura dalam kondisi job nan babedo jo tahun-tahun sabalun 1982, ambo sabana-bana pangling maliek bantuak Anting, tampek batamunyo saluruah pelaut Indonesia nan bakarajo di kapa-kapa lintas benua atau lintas samudra tu. Alah barubah total kondisinyo, Sanak. Dapek dikatokan alah sabana langang, indak sarami kutiko kito jadi "duta bangsa" lintas samudra doleloe. Lamo ambo malamun duduak di paga (railling) Anting tu dan maliek ka tangah lauik Clifford Pier nan dikelola PSA (Port of Singapore Administration). Dulu, era 1983-1992 ambo jo kawan-kawan pelaut (ado nan basubang platina di sabalah kida talingonyo, ado nan bagalang aka baha di tangan suoknyo, ado pulo nan bakabek kapalo jo destar ala si Rony Raffael "tukang pukau" di TV tu) satiok jam 22.00 bacirabuik naiak mooring (crew boat) nan ka maantaan kami ka kapa-kapa nan sadang balabuah (anchoraging) di PSA. Kini, kapatangko, ambo datang baliak ka Singapura tu pakai jas jo dasi (katantuan harus sarupo tu), bahkan disambuik mitra kami dari Clarkson (ship broker). Habis rapek jo urang Cino dan Inggirih di Clarkson Building, Lt-23, ambo lai mayempatkan ukatu baliak manciguak ka Anting, kantor pos gadang di subarang Anting atau makan nasi Malayu di resto nan banyak tatagak di tapi banda gadang (Singapore River) dakek Columbo Court tu. Kasimpulan ambo, Sanak Kahar. Kok baitu capeknyo rasonyo ukatu tu balalu, yo? Dulu ambo (kito?) bakarajo di lauik, mambaok kargo (barang, minyak) dari palabuhan ka palabuhan. Bahkan dari benua satu ka benua lain. Hari ko kito di Singapura, pakan di muko alah barado di Batangas, Filipina. Bulan bisuak alah mancogok pulo di Portdiksson, Malaysia, bulan di muko alah marapek pulo di Takoma, San Fransisco (AS), atau alah sanda pulo di Aramco, Ras Tanura (Saudi Arabia) atau di Kuwait. Kadang alah mayubarang pulo dari lauik merah (Yaman) masuak Terusan Suez manuju Tri Poli (Libya). Antah lah Yuang....... (Kalau indak mangana hiduik ko musti mangikuti sunnah rasul, yaitu barumah tanggo dan bainduak bareh sacaro hiduik normal, mungkin namuah rasonyo kito hiduik taruih "mambuang umua" dari samudra satu ka samudra lain.... Baitu kan Sanakmbo, Kahar? He he he heeee.......... Salam................, Ir. H. Muchwardi Muchtar, Mar-Eng Sutan Rangkayo Kaciek Laki-2, >50thn, tingga di Bekasi. ________________________________ From: Zulkarnain Kahar <[email protected]> To: [email protected] Sent: Thu, August 26, 2010 2:14:36 AM Subject: Re: [...@ntau-net] Komentar2 : Ada yang Ingin Gagalkan KKM Assalamualaikum wr wb Kalau istilah kami dulu sekitar th 1982 para pelaut yang nongkrong di anting Singapura. "YANG BESALAHAN SAJA LAH KAU" Entak kemana mana larinya komentar tentang KKM. KKM bertujuan baik : Menyatukan pendapat mencari kesepakatan bersama akan kemana kita apa visi kita kedepan sebagai orang minangkabau yang lebih setengahnya hidup berhamburan diluar Ranah Minang. Membangun jembatan kebersamaan rantau dan ranah serta mencari kata sepakat bagaimana mana:. Menghentikan yang salah Memperkuat yang lemah Menambah kekurangan Membantu Ranah dengan jelasagar tidak sama dengan membuang air kelaut. ========== be. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
