Maa Jo Buyuang jo Angku ZulTan, MakNgah pun takulinjang-kulinjang agak paniang lo pulo mancaliak jo maeja caro Jo Buyuang manulih tu. Komentar MakNgah bukan untuak mangulinjangkan Jo Buyang pulo cuma sakadar mancubo-cubo manjalehkan baa mangko baitu. Ambo raso bukan karano "uzur" doh Jo Buang. Manuruik agak-agak ambo go eh, mungkin dek karano:
1. Jo Buyang manulih di Lapau ko tampaknyo tapangaruah mampagunokan caro-caro dan bahaso nan acok dipakai anak-anak mudo manggunokan HP mangirim SMS dengan huruf-huruf kapendekan-kapendekan khusus ciptaan pribadi nan kadang-kadang sarik dilulua pambaco umum. Ambo raso iko dapek dihindari dengan manulih luruih-luruih sajo saroman biaso untuak konsumsi umum. 2. Tampaknyo Jo Buyang manggunokan "Sent from my AXIS Worry Free BlackBerry® smartphone". Ambo caliak sabagian adidunsanak nan nan manggunokan BB -- BlackBerry® -- acok pulo kanai imbas caro "nan indak batitiak indak bakoma" tu. Contoh nan terakhir ambo katangahkan patang ko wakatu mancubo mambaco sabuah postiang Angku Dr.Suehimi sahinggo ambo ragukan apokoh memang postiang itu dari baliau. HP BB ko kibornyo huruf-hurufnyo ketek-ketek, jadi agak sarik mancaliak atau nan maa nan ka dipencet. Memang uzur mato ado sangkuik-pauiknyo saketek dalam hal iko. Numun, ambo raso misti ado kiliknyo untuak manulih agak jaleh saketek, agak saba batanang saketek, karano tujuan kito mamostiang di Lapau ko bukan untuak kito baco sandiri tapi untuak dibaco Rang Lapau nan Basamo. 3. Mancaliak postiang-postiang lain nan umum dikirim malalui BB ko, tampak satu masalah nan acok mangganggu -- ikua postiang bajelo-jelo. Masalah ko lah lamo manjadi pamaniangan jo sakik paruik kito basamo, tapi ka baa lah. Mudah-mudahan suatu kutiko nanti, ado adidunssalan nan dapek kilik-kilik untuak manganakan baa caronyo maapuih ikua postiang nan bajelo-jelo tu. Kok ado nan manamukan caronyo nanti, rancak invention tu, di bagi-bagi untuak kito nan basamo. Sakitu lah dahulu dari ambo. Salam jo Maaf manjalang Rayo. --MakNgah Sjamsir Sjarif Di Tapi Riak nan Badabua --- In [email protected], zubir.a...@... wrote: > > Dinda ZulTan nn di Rahmati Allah npanghuni palanta RN. Banyak tarimo kasih dinda jo caro Jo Buyuang manulih.mak lum lah uzur. Kok paniang npusiang kapalo dd.dek spasi dan susunan kali mat Jo Buyuang,ndak ado kasa ngajoan tuk itu,nmaaf disam-paikan ka dd atau di delete sa jo posting Jo Buyuang tu. Jo Buyuang,71thn,Bonjer. > Sent from my AXIS Worry Free BlackBerry® smartphone > > -----Original Message----- > From: "ZulTan" zul_...@... > Sender: [email protected] > Date: Sat, 4 Sep 2010 17:02:55 > To: [email protected] > Reply-To: [email protected] > Subject: Re: [...@ntau-net] KKM SEPAKAT DITOLAK . > > > Tiok mambaco tulisan Ajo Buyuang ko agak paniang kapalo ambo. Hampia ndak panah ado spasi satalah titiak atau koma. Nan dak paralu di spasi baagiah dek baliau spasi. Contoh: "Bu yuang". > Ado duo kato antah baa bajadikan dek baliau ciek kato. Contoh: "johuruf". > Nan paralau spasi tapi ndak baagiah dek baliau. Contoh 1: "lkaam(ambo", contoh 2: "ke-nek)tu". > Nan ndak paralu tando kurang sabagai pamisah kato baagiah dek baliau. Contoh: "ti-dak". > Seharusnya tanda kutip didahului dengan spasi, tapi baliau tidak. > Contoh: 'RN"mancaci"'. > > Dek lah acok bana Ajo co iko, yo tapaso jadinyo ambo manulih ko. > Banyak maaf mbo...Jo. > > Wassalam, > > Sent from my BlackBerry®Bold powered by ZulTan, L, 49+, Bogor > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
