Assalamualaikum Alim Ulama, Niniak Mamak, Cadiak Pandai, Bundo Kanduang, jo Dunsanak kasadonyo nan salingka Bumi Allah
Salamaik manyambuik hari kemenangan Idul Fithri samoga dapek mampatahankannyo sabaleh bulan nan kamuko dengan samangaik Mujahadatunnafsi nan didapek salamo bulan puaso nan marupokan perang nan paliang gadang dan hebat hatta dibandiang jo perang Badar. Dan marilah kito manambah arekkan tali silaturrahim sasamo kito karena alun bariman diantaro kito kalau alun sanggup manyayangi saudaronyo/dunsanaknyo, sebagaimano inyo manyayangi dirinyo sendiri sadangkan sasamo urang bariman itu kan baadunsanak. Kok ada salah jo jangga marilah kito samo bamaafan agar indak ado hijab di hati dan tahapuih sagalo,iri, dengki, banci jo dandam nan akan mamakan amal baik kito seperti daun kariang nan dimakan api manjadi sio2. Manyo sanak Andiko jo Kanda Jepe, Ambo baru hariko ka maurak langkah ka ranah Bundo, manjajak tampek bamain ukatu ketek mulai baraja pai ka surau disinan lah tau asa muasa. Payokumbuah namo kotanyo di Luhak 50 Koto. Kok lai sanang badan diri dicubo lacuik si kudo bendi dijalang alek sanak Andiko nan Aqiqah malah namonyo dek lah lahia si gadih ketek nan banamo Amirah anak nan jolong sabagai pawarih pananti rumah gadang, walau lah talambek sabananyo, itupun kok lai talakik dek sanak Andiko mananti. Sambia bajalan sapanjang kampuang jo nagari mainok kanangan dimaso daulu samaso ketek jo nenek di kampuang dicaliak juo suasana terkini kok lai ka panambah catatan perjalanan disinan langkah perubahan ka dimuloi. Sakitu dulu sanak, Wassalam Sadang pulkam from AnwarJambak42-KL/Pyk BlackBerry® wireless device via Vodafone-Celcom Mobile. -----Original Message----- From: andiko <[email protected]> Sender: [email protected] Date: Mon, 13 Sep 2010 21:33:26 To: rantaunet<[email protected]> Reply-To: [email protected] Subject: [...@ntau-net] Catatan Perjalanan Pulang 2: Kedatangan Da Jepe. Catatan Perjalanan Pulang 2: Kedatangan Da Jepe. Sanak Palanta Kok mambaco apo aratinyo setia, batanyolah ka kabuik nan jo gunuang, baa bana paneh mahampeh, bacarai kasiah sadang tapalun, namun jo sanjo badan batamu juo, kok pai indak ka hilang, hanyuik nan pasti bapintehi. Baitu pulo sanak, kabuik turun di Tanjuang Jomba, sabak-sabak malakik malam. Haniang bakatuik alam nangko. Di sanjo rayo sanak, malakik basalam langau jo rangik, nan hati rusuah-rusuah tangguang, mananti azan mugarik maminteh raso. Disinan dating durian runtuah sanak !. Disinan sanak, badacik rem bendi hitam, bajajak manggarih jalan, kutiko tali kakang di elo kusia. Kusia nan bakilek-kilek tangguang, tuo alun mudo talampau, pati santan karambia tuo, karambia manuoa urang imbauan. Disampiang duduak urang rumah, bantuak elok kucindan murah, basarato jo anak kanduang, pa ubek jariah palarai damam. Oi sanak, iko rupo garik nan tibo, iko pulo tando-tando nan ampia, Da Jepe nan mahampia. Singkek curito sanak, alah di kambang sopra putiah, putiah barasiah bak cando hati, hati barasiah mananti sanak dari jauah. Baitu pulo urang dapua, jo suko cito manatiang piriang, pinggan basusun sagalo jamba. Nan partamo sanak, iko bana pokok galeh, gulai kambiang pilihan, basyaraik mako rabah, batuka gigi jo rancak rupo. Alah bakumpua sagalo mamak, langkok sarato jo tungganai, basusun urang sumando, disinan kambiang mangko rabah. ka manjadi pintu anak manyonsong dunia, itulah kambiang aqiqah. Itu bana nan bahidang. Alah duduak si kusia bendi, duduak badampiang jo anak daro, galak bakulum sajo mamandang jamba. Jamba basusun timpo batimpo, kilek bakaluak si sayua bunci, mahao baun si sambalado tulang. Manggilo pulo gulai kapalo lauak, nan randang alah sato pulo. Nan di kapalo jamba, lamak tatonggok gulai cubadak, kuniang gadiang bamandi minyak, syarat wajib baralek angku palo. Datang pulo panutuik rombongan, putiah bak cando mego-mego, babatuang sunsang mako baku, baracik bawang ba siriahi, itulah dadiah sanak, dadiah, makanan kabasaran rajo-rajo. Disinan sanak, babateh deretan kue Loyang, mayarato kue karambia, sato pulo pisang buai. Disinan silaturrahmi tarantang, bak cando banang jalin-bajalin, takambang lapeh ka daerah rantau, disinan rajo mancukam kuku. Baitu bana sanak, kadatangan Da Jepe ka pondok ambo. Salam Andiko Sutan Mancayo Sungai Tarab Salapan Batua, Nan Ba Kapak-Ba Radai, Ba Katitiran, di unjuang tunjuak. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
