Iyo Angku Zul, tabawo dek salak ketik Sungai Tarab tasabuik Padang Tarab (Cara Alas dari Padang Tarok?). Lah bapeloki dalam postiang barikuiknyo. Kini mampaluruih tanyo baa lo Sungai Tarab tu, elok batanyo awak ka Angku Andiko, apokoh itu Caro Awak atau Cara Alas pulo?
--- In [email protected], zul amri <amry1...@...> wrote: > > Mak Ngah , kok bacaro alaskan pulo namo nagari dek mamak . Padang Tarok manjadi Padang Tarab . Lamo kalamoan bisa pulo Magek manjadi Megat , mati wak dek nyo , salam , zul amry piliang . > > Pada Sel, 14 Sep 2010 06:52 ICT sjamsir_sjarif menulis: > > >Sanangnyo ambo mambaco, dendang andai Angku Andiko, batanyo ka kabuik > >nan jo gunuang, namun di sanjo badan basuo juo. Ambo piciangkan mato > >mambaconyo takana Laruik Sanjo Maso Dahulu katu bajalan > >marangkak-rangkak samalam samalam suntuak di batang aia di bateh > >Salimpauang jo Tabek Patah. > > > >Kenangan lamo Satangah Abad nan lalu, iyo lah Limopuluah Tahun sampai > >kini, pado akhir tahun 1960, kami Long March dari Timur ke Barat, dari > >Ampalu Halaban di Subarang Batang Sinamar, malintehi daerah Gunuang Sago > >manuju Daerah Gunuang Marapi dalam pajalanan anam malam jo limo hari. > >Sabalun malintehi jambatan nan tasabuik di ateh tu masih di tapi rimbo > >Salimpauang, rombongan kami bapisah bacabang duo, satu ka Lereng Selatan > >satu ka Lereng Utara Gunuang Marapi. Dalam pasimpangan pajalanan tu, > >rombongan nan ciek manuju ka kida, manuju ka arah Padang Tarab. [salah sabuik tadi, lah bapeloki manjadi Sungai Tarab] > >Rombongan kaduo rombongan MakNgah taruih manuju kateh Batang Aia tu > >manuju jauah di ateh Labuah Pancang malinteh Lurah Jabua ka arah > >Canduang jo Ampek Angkek. Panjang carito kok dikana. Tapi inggo ko lah > >dahulu, sakadar panjapuik lokasi Padang Tarab. > > > >Dipiciangkan mato kini nangko, dikana-kana peta dalam ingatan, Peta > >Lokasi Sungai Tarab, tatakok di ambo Angku Jepe lah salah sabuik, > >Gunuang Marapi tasabuik Gunuang Singgalang nan iyobana jauah lai di > >bulakang. Sakitu sakadar takok ambo karano Tasingguang Per Pangana Lamo. > > > >Salam, > >--MakNgah > >Sjamsir Sjarif > > > >--- In [email protected], jupardi_jp@ wrote: > >> > >> Andiko > >> > >> Tarimo kasih jo dendang kedatangan ambo ka kamopuang Andiko sungai > >tarab nan elok pemandangannyo, nagari di kaki gunuang singgalang kama > >mato dilayangkan sabana sajuak hati jo mato mamandangnyo, hamparan sawah > >nan hijau batinggkek tinggkek disalo padi jo hamparan padi nan > >mabguniang, manggabubu asok jerami nan dibaka di tanga sawah, sayuik2 > >sampai malayang ka langik sungai tarab ikolah kampuang/jorong > >mandahiliang tampek urang tuo amira lahia. Disiko mande manggadangkan > >anak sabalun dilapeh karantau mancari iduik jo paruntungan. > >> > >> Sajauh-jauh anak tabang nan tapian mandi indak kalupo dikampuang, > >rindu ndak indak bisa diago sahabih2 pitih pancarian d(THR)di rantau nan > >kampuang kok lah tibo rayo yo wajib disilau, > >> > >> Oppss itu dulu mantaro..beko ambo lanjuik liak..carito duduak maselo > >dimuko sepra putiah nan takambang.. > >> > >> > >> Bersambung.. > >> > >> Jepe > >> Sadang menikmati suasana dingin dan sajuak lubuak jantau lintau lapeh > >subuah ko > >> > >> Sent from my AXIS Worry Free BlackBerry® smartphone > >> > >> -----Original Message----- > >> From: andiko andi.ko.ko@ > >> Sender: [email protected] > >> Date: Mon, 13 Sep 2010 21:33:26 > >> To: [email protected] > >> Reply-To: [email protected] > >> Subject: [...@ntau-net] Catatan Perjalanan Pulang 2: Kedatangan Da Jepe. > >> > >> Catatan Perjalanan Pulang 2: Kedatangan Da Jepe. > >> > >> Sanak Palanta > >> > >> Kok mambaco apo aratinyo setia, batanyolah ka kabuik nan jo gunuang, > >baa bana paneh mahampeh, bacarai kasiah sadang tapalun, namun jo sanjo > >badan batamu juo, kok pai indak ka hilang, hanyuik nan pasti bapintehi. > >> > >> Baitu pulo sanak, kabuik turun di Tanjuang Jomba, sabak-sabak malakik > >malam. Haniang bakatuik alam nangko. Di sanjo rayo sanak, malakik > >basalam langau jo rangik, nan hati rusuah-rusuah tangguang, mananti azan > >mugarik maminteh raso. Disinan dating durian runtuah sanak !. > >> > >> Disinan sanak, badacik rem bendi hitam, bajajak manggarih jalan, > >kutiko tali kakang di elo kusia. Kusia nan bakilek-kilek tangguang, tuo > >alun mudo talampau, pati santan karambia tuo, karambia manuoa urang > >imbauan. Disampiang duduak urang rumah, bantuak elok kucindan murah, > >basarato jo anak kanduang, pa ubek jariah palarai damam. Oi sanak, iko > >rupo garik nan tibo, iko pulo tando-tando nan ampia, Da Jepe nan > >mahampia. > >> > >> Singkek curito sanak, alah di kambang sopra putiah, putiah barasiah > >bak cando hati, hati barasiah mananti sanak dari jauah. Baitu pulo urang > >dapua, jo suko cito manatiang piriang, pinggan basusun sagalo jamba. Nan > >partamo sanak, iko bana pokok galeh, gulai kambiang pilihan, basyaraik > >mako rabah, batuka gigi jo rancak rupo. Alah bakumpua sagalo mamak, > >langkok sarato jo tungganai, basusun urang sumando, disinan kambiang > >mangko rabah. ka manjadi pintu anak manyonsong dunia, itulah kambiang > >aqiqah. Itu bana nan bahidang. > >> > >> Alah duduak si kusia bendi, duduak badampiang jo anak daro, galak > >bakulum sajo mamandang jamba. Jamba basusun timpo batimpo, kilek > >bakaluak si sayua bunci, mahao baun si sambalado tulang. Manggilo pulo > >gulai kapalo lauak, nan randang alah sato pulo. Nan di kapalo jamba, > >lamak tatonggok gulai cubadak, kuniang gadiang bamandi minyak, syarat > >wajib baralek angku palo. Datang pulo panutuik rombongan, putiah bak > >cando mego-mego, babatuang sunsang mako baku, baracik bawang ba siriahi, > >itulah dadiah sanak, dadiah, makanan kabasaran rajo-rajo. > >> > >> Disinan sanak, babateh deretan kue Loyang, mayarato kue karambia, sato > >pulo pisang buai. Disinan silaturrahmi tarantang, bak cando banang > >jalin-bajalin, takambang lapeh ka daerah rantau, disinan rajo mancukam > >kuku. Baitu bana sanak, kadatangan Da Jepe ka pondok ambo. > >> > >> Salam > >> > >> > >> Andiko Sutan Mancayo > >> Sungai Tarab Salapan Batua, Nan Ba Kapak-Ba Radai, Ba Katitiran, di > >unjuang tunjuak. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
