Wassalamualaikum Wr Wb. Tarimo kasi banyak Sutan Lembang Alam. Tarimo kasi Dunsanak lainnyo nan babarapo urang lain acok masuk kaja.pri ambo mambari komentar tantang tulisan si mm di r...@ntau-net ko nan (dianggap) cipeh, kasa dan bangih taruih.
Kulik sabuah "karya tulis" (ingek..!, sapendek a pun sabuah surek, inyo tetap banamo "karya tulis"...===>mm) nan Tan Lembang patanyokan, ambo jaok jo muko janiah. 1.Tangkurak, tu bahaso sopannyo memang kapalo, atau sandi tangkurak bisa disamokan jo saluaruah isi kapalo. Kalau ambo manulih kapalo jo kato tangkurak ambo raso indak kasa bana. 2.Karengkang, bahaso sopannyo adolah kareh kapalo, atau nio manang sorang. 3.Mangikih abih, bahaso sopannyo adolah mahilangkan atau maapuih dalam pangana. Tigo kato nan Tan Lembang merahkan hanyo samato-mato gaya bahasa dari ambo si mm kalau manulih. Kalau Sanak acok mambaco kolom nan dibuek (alm) Mahbub Djunaidi di TEMPO atau di KOMando PAStur era tahun 70-80an, mako Sanak kamanamui pulo gaya bahaso Mahbub nan kocak tapi mandalam isinyo. Ambo katuju mode panulisan nan dibuek anak Batawi ko. Ambo lai acok maikuainyo kutiko ambo baru marantau di Jakarta dek sari. Pamintaan ambo ka Tan Lembang, indak paralu bana diambiak asi kulik dari surek elektrik nan ambo tulis di r...@ntau-net ko. Itu hanyo samato-mato gaya manulis (style of writer) dari si mm. Nan pantiang Sanak paambiak, adolah isi nan ambo tulis. Laikoh boneh nan takanduang di dalamnyo? Kalau cuma bungo-bungo cik ayam nan banyak tahidang di tulisan-tulisan ambo dalam bantuak e-mail salomo di r...@ntau-net duo tahun tarakhir ko, tantu ambo paralu mampaeloki literatur. Jadi, pabiakan sajolah si mm manulih jo gaya mode urang pamburansang tu. Padohal hatinyo elok lho, Tan Lembang...(He he hee..) Paralu juo untuak dipahami. Ambo (kutiko umua baru jalan 15 tahun) era tahun 1970an s/d patangahan tahun 1980 sangaik rajin manulih di koran-koran daerah (Singgalang, Haluan, Aman Makmur atau Padang Pos), dan pindah ka Jakarta di 28 Okt 1970 (ikuik Papa nan pindah Jakarta) ambo samakin aktif manulih di harian Merdeka, Kompas, Suara Karya, Berita Buana, Buana Minggu, Pelita, Media Indonesia dan Republika. Cuma saaik itu, alun ado lai Oom Google sarupo zaman kini. Jadi namo si mm itu indak bara bana ditamui di www.google.com doh. Bakaik manulis pado diri ambo mungkin DIBARIKAN DEK ALLAH SWT. Dari tujuah badunsanak saayah sainduak, hanyo si mm kolah nan pandai manulih, dan "alah panah mainjakan kaki di tujuah banua dan malayari tujuah samudra" (karano ambo era 1976-1992 bakarajo di kapa tanker). Dan, ijan lupo back-ground ambo aslinyo adolah Engineer. Ambo 5 tahun jadi Asisten Engineer d tanker, dan 12 tahun jadi Marine Engineer di tanker-tanker. Kamudian 18 tahun jadi urang kantua, baik di Jl. Yos Sudarso tanjungpariuak mau pun di sabuah Kantua Tanamo nan talaatak di subarang Selatan Tugu Munumen Nasional (Monas) Jakarta. Kini, satalah 35 tahun makan gaji di BUMN, ambo mulai masuak ka hari-hari istirahat dari kehidupan kantua nan sabana "serba neka problemnyo". Ambo mancibo baliak maasah pena nan alah sabana lamo indak diasah. Mudah-2an pena nan bakarek tu, karano diasah dan diasah jo ampaleh basi bisa baliak tajam. Nan ambo risaukan nantik, kalau pena si mm ko alah tajam baliak sarupa kutiko mudo dulu, ambo takuik....indak talakik beko doh manciguak r...@ntau-net ko. Saaik ko sajo, tigo buku nan sadang ambo tulih di duo bulan tarakhie ko alun ciek jua lai nan salasai karano banyak bana kurenah (bamasayrakaik) nan lain, indak dapek indak, paralu pulo ambo karajoi (padohal kantua alah malapeh awak "bapai batinggalah". Mudah-mudahan "capak-capak baruak' nan ambo sampaikan di Minggu siang (WIB) ko dapek Sanak maklumi. Salam kompak taruih buek Si Padang nan saakidah dan sacito-cito. mm*** Lk-2; >50th, Bks suku : Koto Datuak Tumangguang gala : Sutan Rangkayo Kaciak ________________________________ From: Muhammad Dafiq Saib <[email protected]> To: [email protected] Sent: Sun, September 26, 2010 8:03:17 AM Subject: Re: PAKUAIK PAGA, DAN SAMAKIN DIASAH NALURI.....!!===>Re: [...@ntau-net] Posting Muhammad Syahrereza menyesatkan Assalaamu'alaikum wa rahmatullaahi wa barakaatuhu ........... ambo acok tacaguik-caguik mambaco tulisan angku mm ko nan acok mampagunoan kato-kato sarupo nan ambo sirah-an dibawah. Mukasuik no, apokoh iyo paralu kato-kato itu bana nan ditulih untuak manyampaian mukasuik hati.... Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: muchwardi muchtar <[email protected]> To: [email protected] Sent: Sat, September 25, 2010 9:09:53 PM Subject: PAKUAIK PAGA, DAN SAMAKIN DIASAH NALURI.....!!===>Re: [...@ntau-net] Posting Muhammad Syahrereza menyesatkan Alhamudillahi Rabbal Alamin. Tarimo kasi Tuhan. Tanyato ambo indak surang di alam maya r...@ntau-net ko. Tanyato masih banyak lai "Si Padang" nan tipih talingonyo kalau paham JIL (ijan dibaco : Jaringan Iblis Laknatullah!!!.....He he==>mm) mulai masuak sacaro aluih atau sacaro batarang-tarangan ka sandi tangkurak wanyo. ................................... -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
