Assalamualaikum ww Kisanak AS sarato mamak 'n dunsanak yang dirahmati Allah, Alhamdulillah ruponyo sanak AS lai pernah pulo berinteraksi di liqo tu, sayang hanyo sakadar pernah dan indak lanjuik ka level berikutnyo jadi memang paralu pemahaman sedikit lagiiii saja, arati'e bana ibarat rumah paralu finishing sajo nyeh lai
Halaqoh atau populer disabuik liqo atau duduak baselo dilantai mangaji dalam formasi melingkar sebagaimana yang dicontohkan Rasulullah memang beda jo ta'lim, karena ta'lim itu kito lakukan untuk skala lebih besar dan lebih bersifat monolog seorang pembicara dengan begitu banyak pendengar, eh.. bukankan kalau diartikan ta'lim itukan maklumat atau pemberian tahu mirip ceramah2 agamo nan biaso2 kito hadiri tu, kalau halaqoh jumlah harus dibatasi maksimum salusin minimum barompek tujuan supayo berdaya hasil efektif, itu mako murik saketek indak buliah rami beda sekali dengan ceramah atau ta'lim bayangkan kalau pendengar 100 urang bahkan sajuta umat bantuak ust Zainuddin MZ tu, salasai taklim salasai pulo kaji, kadang masuak suok kalua talingo kida, sampai dirumah kaji tingga kaji kok tadanga azan ba-pakak2 talingo tanpa basugiro ka musajik, kalau paralu wakatu subuah naiakkan salimuik baliak, pakok talingo jo banta, kecek ati "jago den biaso satangah tujuah mah, alun ari lai" Liqo atau halaqoh ko hanya satu dari sekian materi tarbiyah dan tentu saja tidak bisa disamakan dengan universitas kok kamampadalam ilimu tauhid, fiqih, hadist dll tantu tampeknyo S2 atau S3 Al Azhar Mesir misalnyo namun materi tauhid, fiqih, hadist, bahaso Arab, muraja'ah, mem-perbaiki bacaan Alquran, ibadah, muamalah, akhlaq, sirrah nabawiah, memahami liku2 perjuangan Islam, memahami tonggak perjuangan Islam, harokah al Islamiyah (pergerakan Islam), menyikapi perbedaan mahzab, pandangan ekonomi Islam, ghazwl fiqri, pandangan politik Islam dan banyak deh yang lain sesuai jo tingkek atau kelas awak masing2, tantu ajo kok masih kelas pemula tantu nan dasar2 sajo dulu, labiah tinggi juo kaji awak tantu labiah dalam lo kaji'e, makonyo masuak bana lah baliak buliah labiah jaleh Halaqoh ko gunonyo untuak mambina awak supayo 1. Saliimul Aqidah (aqidah nan barasiah) - materi2 ilmu tauhid 2. Shohihul Ibadah (ibadah nan benar sasuai contoh Rasulullah, bukan contoh ulama2 sufi misalnyo) 3. Matinul Khuluq (akhlaq nan kokoh dan Islami, jan dipabiaan juo anak bini pamer aurat misalnyo) 4. Qowiyyul jismi (jasmani kuat, indak maroko, indak minum alkohol, olah raga ado programnyo) 5. Mutsaqqoful Fiqri (wawasan pemikiran) 6. Mujahatul Linafsihi (nafsu terkendali, indak tapikia ka maracak kudo putiah misalnyo) 7. Harishun Ala Waqtihi (waktu terjadwal, indak lalai wakatu namun mangaji sajuih sahari lai takao-an) 8. Munazhzhamun fi Syuunihi (uransan terorganisir) 9. Qodirun Alal Kasbi (Ekonomi mandiri, usahakan tangan diateh, jan dibawah, zakat lunas, infaq ok) 10 Nafiun Lighoirihi (bermanfaat untuk sesama, gampo Sumbar lah dulu awak tibo, tsunami Aceh lah dulu tagak posko awak disinan, dibunuah israel dunsanak awak lah sato lo awak berpartisisapi) Jadi kisanak Andre Sucitra, halaqoh tu indak tampek resmi sarupo universitas untuak mampadalam ilimu2 agamo doh kok itu kan alah ado juo tampeknyo dikampus, soal text book disamping buku wajib tentang Risalah Pergerakan - Imam Hasan Al Bana, maupun kitab2 DR Yusuf Al Qaradhawi, Ust. Fathi Yakan, Shaikh Ramadhan, Ibnul Taimiyah dll tantu sajo banyak juo nan lain, biasonyo kan kito ko bak kecek Rasulullah suko panggageh alun salasai kaji nan dibawah nandak kaji nan labiah tinggi pulo, namun kok memang sumangaik kito lai sadang tabudua silahkan sajo bulak baliak text book tu karano memang sangat dianjurkan bana tumah sabagai bekal dan wa2san seorang kader aktifis da'wah, cumo nan harus di-ingek ado tugas dasar nan musti di stor ka murabbi (ustadz) tiok minggu yaitu murajaah atau hafalan Alquran, kok tingkek pemula seorang peserta liqo harus hapa kuraan minimum 1 juz, biasonyo jus 30 atau ayat2 pendek juz amma, kalau tingket 2 atau muda harus hapa jus 29 plus sebagian jus 28, asali lai disiplin ma-atur waktu bacolah text book tu jan beko hafalan ayat keteteran pulo beko dek lah latiah saraf utak tu mambaco text book Sanak Andre, disiko kito memang jarang2 juo ma-undang ustad2 kondang karano di internal kito ustad lai balabiah, nio S2 atau S3 ado sadonyo, nio tamatan Timur Tengah atau made in dalam negeri sambuah alah, namun sakali2 lai kok kito undang ustad lua misal pernah juo ustadzah Irene nan mantan biarawati katolik tu yang populer dengan julukan ustadzah mantan kafir tu, biasonyo ta'lim beliau ko kito expose untuk dan bersama masyarakat umum sekitar kito Jadi liqo atau halaqoh jo ta'lim tu babeda sanak, bukan ta'lim sajo ado dikito dalam bentuk lain yang lebih luas seperti seminar, diskusi panel, Tabligh Akbar, Pengobatan Massal terhadap gangguan Jin dan Kesurupan (Ruqyah) pun kito taja karano banyak masyarakat nan indak mangarati kalau ado kasus kesurupan anggota keluarga atau siswa smp/smu nan didatangkan dek kepsek "orang pintar" alias dukun atau paranormal, jadi agar mayarakat tahu agar tidak lagi mengusir jin dengan jin maka kita sosialisaskan juga Ruqyah secara Islami ko Mudah2an kisanak Andre semakin memahami, apolagi dinagari awak urusan jihin2 ka jihin ko santiang bana sahinggo masih begitu banyak urang awak Sumbar beriteraksi jo karajo nan syirik ko, jadi mari kito berbimbing tangan meluruskannyo sahinggo cito2 kito ABSSBK tagak tegar handaknyo di Ranah Bundo kito ko, suaiii kito tuu? wasalam abp58 ________________________________ Dari: Andre Suchitra <[email protected]> Kepada: "[email protected]" <[email protected]> Terkirim: Rab, 29 September, 2010 07:52:24 Judul: Re: Bls: Bls: [...@ntau-net] Risau, Siapa Pelanjut Ulama Besar Menarik penjelasan dari metek fitr jo Pak Arman, kebetulan Ambo dulu pernah pulo ikuik halaqah atau liqo tu. Tapi sarupo nan disabuikan metek fitr, taraso dek ambo alun banyak bana ilmu nan ambo dapek. Memang kurikulumnyo terstruktur, namun bukan materi nan ambo arok an. Sapangatahuan ambo, jarang membahas tauhid, fiqih, dan ilmu hadith. Mgkn bbrp murobbi ado nan ma aja an fiqih tp kok kurang mandalam dek ambo. dam ambo liek filosofi tarbiyah tu ndak menekankan menuntut ilmu, terlihat dari ndak banyak bana textbook karangan ulama2 nan dipakai. Mereka lebih sering membahas buku pendiri apt Hasan AL banna. Siap tu, klo ditanyo kok jarang kegiatan ta'lim, mereka biasonyo ba alasan spt materi dasar tu lah banyak diketahu dek jamaah, atau kurang ustadz, dsb. Tp walaupun spt itu, ambo liek jarang bana liqonyo berbentuk spt taklim yg mengundang ustadz yg berkompeten, atau mereka ndak nio pergi ke Pengajian2 nan diisi dek alim ulama. Ambo herannyo kok mancukuik an jo liqo sajo, walau mereka tahu liqo jaran mendatangkan alim ulama. Mgkn itu sajo dari ambo. Mohon maaf jikok ado nan salah. On Sep 29, 2010, at 8:14 AM, Arman Bahar <[email protected]> wrote: Assalamualaikum ww >Kisanak FT sarato mamak 'n dunsanak nan dirahmati Allah >Alhamdulillah, tanyato sanak FT lai ba-baua2 juo jo ikhwah2 jamaah tarbiyah ko >..... cut ....... > > >________________________________ Bayangkanlah kalau di tiok musajik kito dapek baimam2 jo nan salevel >HNW atau IP tiok sumbayang, bisa batanyo kapan sajo tiok adoh masalah >dll. >Minimal di ciek nagari (nan wajib punyo ciek musajik kan?) kito punyo >imam tatap nan salevel itu. >Baru lah bisa disabuik cukuik ulama di Minangkabau. >baitu bayangan ambo, pak... > >Wassalam >fitr tanjuang > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
