"Yo de la coga abih potong rambuik" Iko carito ringan sajo diakhir pekan, jadi bia "de la cogah" bana ambo bareben yo paralu ambo potong rambuik nan alah gondorong ndak betah ambo do kok lah panjang ado nan gak bareh dikapalo rasonyo
Kok mode potong rambuik ambo yo baliak ka mode standar ambo sajak awal 90 an nan lah maninggakan mode rambuik saketek gondorong yaitu di potong samo panjang rato 1/2 cm sajo. Mode co iko yo ringan kapalo deknyo, kok ado angin barambuih taraso nah sajuak kapalo sampai ka kuduak karajo tukang cukuapun ndak barek do tingga mainkan pisau cukua elektrik tu stel posisi panjang 1/2 cm tingga sakandak hati tukang cukua mamainkan guntiang cukua elektrik ko dikapalo ambo Biasonyo ambo potong rambuik yo di barber shop sajo nan kebanyakan punyo urang awak dan tukang cukuanyo urang awak juo kalau cukua rambuik di barber shop urang awak ko sudah rambuik di cukua alias dipangkeh ado beberapa jasa sasudah tu dalam sapaket iko nyo : Jasa mambarasiahkan sunguik, jangguik, garembeh jo pisau nan tajam Sudah cukua rambuik dapek pelayanan mambarasiahkan bulu bulu aluih dikuduak, dakek talingo bisa juo kok ingin mamangkeh habi sunguik, jangguik jo garembeh nan digunokan yo pisau tajam, kalau jaman dulu pisau khusus tapi kini pisau silet nan tajam sakali pakai disapikan sedemikian rupo ka gagang pisau Kok jasa saruman ko yo ambo tulak, antahlah sajak SD ambo secaro psikologis ngeri mancaliak tukang cukua mamainkan pisau nan tajam ko, awak dirabah talintangkannyo dikursi tu, pikiran ambo yo 'agak lia" saketek kok jampang kesurupan tukang cukua ko atau ado panyakik sawannyo pas kambuah sabana tadah bana lihia ambo inyo dabiah, yo takuik ambo jadinyo, bia lah indak habis cukua rambuik ado pelayanan pisau tajam ko.Ambo suruah se tukang cukua ko mambarasiahkan bulu2 dikuduak, pangka talingo dan jangguik jo masin cukua elektrik sarato guntiang ketek semaksimal mungkin asa jan jo pisau cukua nan tajam tu Jasa uruik bahu jo kapalo Kalau jasa nan iko tantu sanang bana ado uruik ketek2 sasudah barasiah kapalo awak, lumayanlah lapang pangana awak deknyo jo pijit2 di bahu dani kiapaliio iikio Jasa mandaruakan batang lihia Ahaa sasudah dipijit2 bahu jo kapalo gak salayang biasionyo dek tukang pangkek diakhiri jo mandaruakan batang lihia, inyo beong batang lihia awak sambia mamacik kapalo awak, kasuok kakida sambia badaruak bunyinyo Kok jasa iko yo ndak ambo ambiak pulo, nan ambo takuik tukang pangkeh ko ndak samo reaksi aksi inyo mambeleangkan batang lihia ambo, diputanyo ka kanan ambo bereaksi kakida sabaliaknyo, yo alun dapek slahnyo dek ambo baa seirama beleang lihia tukang cukua jo reaksi ambo Dulu pernah ambo alami hal iko bukannyo sanang nan didapek tapi sakik lihia dek takilia tiok maengong, sajak tu yo ndak ambo ambiak lai jasa mandaruakan batang talihia ko Lah salasai sagalo jasa ko, tukang cukua mambarasiakan kapalo, lihia , muko dan kuduak ambo dari sisa2 rambuik dan bulu2 nan dipangkeh diakhiri malap jo tissue basah..ya nyaman rasonyo tabuka pangana kapalo nan ringan Ateh jaso pangkeh rambuik dengan segala jasanyo di barber shop urang awak nan baruangan AC ko kanai ambo Rp 15.000 (Dewasa) Murah, meriah dan nyaman kan Tanyato iduik ko sederhananyo, terkadang awak nan suko mampasulik diri awak, kalau awak ndak suko kecekan sajo ndak suko, kalau awak ndak sanang tingga kecekan ndak sanang Salamaik baakhia pakan sanak..sia nan ka pangkeh rambuik di barber shop urang awak silahkan nikmati semua jasa nan ambo sabuik diateh, kalau ndak suko tingga kecekan sajo ka tukang pangkeh saroman ambo 2 jasa nan ambo tulak yaitu mambarasiahkan bulu2, jangguik,sunguik jo garembeh samo pisau tajam jo jasa mandaruakan batang lihia :-) Wass-Jepe Tanggal 10 bulan 10 tahun '10 Sent from my AXIS Worry Free BlackBerry® smartphone -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
