Assalamu Alaikum W. W.
Lah lamo indak kakoto
Kakoto dibulan Syawal
Lah lamo indak basuo
Basuo dirumah dotor Irsyal
Lah lamo indak kakoto
Katampek sanak ditampek rami
Kami basuo dirumah angku doto
Makan lomak dan silaturrahmi
Lah lamo indak kakoto
Koto Marapak jo Banda Kali
Tarimo kasih dari kami basamo
Untuak pak dotor jo bu Laili
Basuo nan sakali nangko yo balain dari nan sudah2. Karano dalam daftar hadir
jumlahnyo 40 urang, mako bundo Nismah dan bundo Isna manyempatkan diri datang
dari Selatan ka Timur melalui rintangan macet nan indak asing lai untuak awak
nan tingga di Batawi ko. Acara pagi bundo nan baru salasai jam 2 siang ditambah
dan peta kami yo indak up to date bana ditambah jo portal nan indak asing dek
awak sahinggo acok sasek dan tapaso manghubungi tuan rumah nan lah bacatat no.
hpnyo lalu kami dituntun sampai ditampek tujuan. Sakali lagi mohon maaf
dipabanyak kami talambek.
Bundo basyukur diagiah Allah SWT kawan bundo Isna Huriati nan samo tujuan
untuak
silaturrahmi dan babuek sesuatu untuak ranah tacinto. Tarimo kasih Isna bundo
mungkin sajo indak pai kalau Isna indak pai jo bundo. Alhamdulillah.
Sanang kiro2 basuo jo anak2 bundo nan baru basuo Reni (rondang boluknyo lomak
dan trims untuk souvenirnyo), Roni (indak sempat basuo di Batam), Andiko dan
Amirah, Mas’ud, dan Buyuang Madahar (jauah2 dari Pekanbaru), Marindo Palar jo
rang rumahnyo nan manih, Ridwan M. Sirin (jauah2 dari Jeddah), Dewi Mutiara jo
junjuangnnyo Fahmy, Afdal Zikri Mawardi (konsultan perpajakan)
Syukur kepada Allah SWT kito lah dipartamukan Allah SWT jo Datuak rajo Sati jo
first ladynyo Yulmatri Rais, dotor Irsyal (ruponyo samo pabriknyo jo Bandaro
Labiah) jo pendampingnyo Laily, Inyiak Lako (Selamat Nyiak untuak kamanakan
awak
nan lah manjadi putra terbaik Agam), Buya Azmi Dt. Bagindo dan Datuak Endang
Pahlawan (pakar adaik istiadaik Minang), Dotor Hilman Mahyudin (lah 3 dotor
spesialis di RN), Bachtiar Muin (sesepuh RN dan Isnet), Add. Zubir Amin Datuak
Rajo Jambi dan add. Martini (Selamat untuk cucunyo nan cantik nan sering basuo
di TV dari inyiaknyo), Sutan Lembang Alam (Bendaharawan RF dan pengarang buku
Anak Manusia Korban Politik), Jendral Purnwirawan Asmardi (Sutan Bandaro
Pahlawan) nan masih bersemangat tinggi. Muchlis Hamid dan Tasril Muis dan
Nyonya2 nyo nan manih.
Anak2ku Miko, Nofen, Siska dan Jingga, Arief Rangkayo Mulia, Zet, Riri (nan
mangikuti sunnah nabi manyayangi kuciang), Syahreza (terkenal dengan Ohio
Yoghurtnya), St. Bandaro Labiah (notaris PPAT nan melestarikan kesenian
Minang)
nan lah absen agak lamo juo.
Karano latar belakang nan beragam ko menambah kekayaan SDM RN. Nan dapek dek
bundo malam ko iyolah:
1. Bundo sabananyo lah lamo kagum ka nagari Sulik Aia. Sabatuanyo anggota
DPR awak indak susah2 dan jauah2 study banding pai sajo kanagari Sulik Aia. SA
yang memajukan pendidikan dengan sekolah dinegerinya. Semoga ditiru oleh
nagari2
nan lain. Suatu waktu nanti kito ikuik pulang basamo ka Sulik Aia.
2. Menjaga kelestarian adat istiadat kita (Datuk Endang dan Buya Azmi Datuk
Bagindo).
3. Meningkatkan parawisata untuk devisa nagari kita. Mungkin kita harus
meningkatkan service, attitude, etika menerima tamu dan keamanan. Menganggap
tamu itu adalah raja. (Add. Zubir Amin mungkin dapat memberikan juklah segala
kekurangan kita dan meningkatkannya.)
4. Menjadikan RN ajang Silaturrahmi dan mencari persatuan Minang dimanapun
anda berada.
5. Menghindari perselisihan dan cemooh serta mencari-cari kesalahan anggota
lain.
6. Memperbanyak silaturrahmi Travel Muhibbah (Mas’ud) serta di Jeddah
(Ridwan M. Sirin)
7. Menjaga kelansungan kehidupan RN dan terima kasih banyak untuk Rang
Dapua
sebab tanpa mereka kita tak kan bisa kumpul2 begini (Miko, Nopen). Terima
kasih
juga untuk Siska yang telah mendokumentasikan pertemuan kita malam ini.
8. Untuk yang belum bisa hadir mungkin belum diizinkan Allah SWT kita
bertemu (Nuraini Prapdanu, Benny Inayatullah,Mohammad Habdi) . Mudah2an dengan
niat baik kita bertemu dilain waktu.
9. Membentuk perwakilan2 untuk silaturrahmi seperti di Batam: Pekanbaru
(banyak), Rita jo Mak Sati (Padang) Rina dan Gusdi, Singapur (Junaidi),
Zulkarnain Kahar (Houston), Ajo Duta (Washington DC), Mak Ngah di Santa Cruz.
10. Terakhir untuak sanak RN nan sadang sakik semoga disembuhkan Allah SWT.
Bundo sakalian manguji ingatan bundo jadi karano umua kok ado namo nan tatingga
tolong bundo di koreksi. Ado ciek bundo lupo yaitu nan hafiz Al Qur'an istri
siapo yo? Sakian dulu corat coret bundo mohon maaf kok talabiah takurang.
Hayatun Nismah Rumzy (72 tahun kurang sabulan 2 hari)
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
