Mak Jepe jo dunsanak lapau, Pernah kami sadang malaju d tangah lauik, tibo-tibo aia lauik rina tengok samakin mamutiah. Tibo-tibo kami lah tacampak kasadoannyo, ado balimo kami waktu tu dalam perjalanan ka Selat Mie daerah lauik perbatasan nak ka Pulau Moro Karimun. Tanyato ado pulau indak nampak di tangah-tangah lauik tu, nan sadonyo bapasie putiah. Indak ciek juo batu karang ataupun tanaman. Permukaan pulau tu hanyo nampak katiko aia suruik habih. Kalo indak suruik habih hanyo suruik biaso permukaan pulau nan landai tu masih ado aia lauiknyo sajangka li. Sahinggo indak nampak dipermukaan pulau laweh bapasie putiah tu. Maklum kami mambaok tekong yang sadang takantuak-kantuak, jadi inyo lupo jo daerah tu. Dek indak ado halangan nampak, mangko dipaculah pancuang ko sambia inyo takalok-kalok ayam. Sahinggo tasakek masin kapa ko di dalam pasie aluih nan indak bitu nampak tu.
Waktu tu kami hanyo bisa maucap syukur Alhamdulillah dek masih tasakek di ateh pasie aluih dan tacampakpun ka aia dangka jo pulau pasie ko. Nyampang kok tahantam batu karang, baa lah kaka. Ciekli ambo nak ka pulang mamancing dari daerah Pulau Petong sekitaran lauik sabalah suok dari jembatan 6 Barelang. Dek nak nio lakeh, kami mamutuihan untuak maminteh lalu di antaro pulau nan baderet tigo disitu tu. Dek waktu ka pai diliek ado lai cukuik bisa dilalui masin kapa ko. Tanyato lah masuak ka antaro pulau tu, karang sansei sajo sapancaliak ka arah muko, tapaso masin dimatikan, bapakai pandayuang lalu manyalo-nyalo di antaro karang nan manantang di bawah kapa tu. Takadang pandangan mato di lauik tu kurang bisa dipacik sahinggo awak musti hati-hati, dan sarancaknyo malaluik jalur-jalur nan alah biaso ditampuah sajo. Iko dek maleh mamutari pulau mangkonyo bacari jalan nan indak biaso kironyo itu malah ranjaunyo. Waktu perjalananpun jadi lamo dek kapa tapaso di kayuah jo pandayuang. Mamiliah Tekong Panciang sarancaknyo piliah nan alah baumua, sahinggo kayo jo pangalaman. Jan lupo basarah diri dan tawakkal sarato niaik nan luruih. Wassalam Rina, 33, batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
