Mangko Rina aa, Nan partamu, tabik di pak Saaf bana indak tasabuik kato-kato ka paasok-i dapua RantauNet do, sarupo di bawahko (bialah ambo copas baliak).
From: Dr.Saafroedin BAHAR <[email protected]> To: Muhammad Dafiq Saib <[email protected]> Sent: Monday, January 5, 2009 7:49:19 PM Subject: Sumbangan simbolik utk kacio RN Assalamulaikum w.w.Sanak Lembang Alam, Alah ambo transfer malalui Bank Mandiri cabang Cik di Tiro tadi siang, sakadar sumbangan simbolik untuak kacio RN. Mudah-mudahan ado manfaatnyo. Wassalam, Saafroedin Bahar (L, masuk 72 th, Jakarta) Alternate e-mail address: [email protected]; Nan kaduo, ambo mawarihi kunci kacio ko dari almarhum Bandaro (sabanano dulu ambo ikrarkan ka untuak samantaro, manjalang nan labiah ahli dalam mauruih pitihko basuo urangno). Dek alamarhum Bandaro, tantu samupakaik baliau-baliau nan maawali mambukak kacio ko, pitih kacio ko disabuik sabagai dana abadi Rantau Net, buliah dipakai ka untuak panyantuni sia-sia nan patuik disantuni (samampuno pulo) di Ranah. Ambo warihi tugas mangiriman pitih untuak SMK Dhuafa di Padang sabanyak Rp 150,000.00 sabulan, ambo kiriman per duo bulan sabanyak Rp 300,000.00 nan tatap ambo karajokan sampai kini. Di lua itu, katiko tajadi musibah di Ranah, awak bukak bana dompet khusus tapi disinggahan laluno ka kacio ko. Sarupo itu nan awak karajoan katiko tajadi gampo 30 september 2009. Laporan pamakaian / panyaluran dompet khusus ko alah ambo laporan dulu pado wakatuno. Untuak paasok-i dapua RantauNet ko, dulu ado masono, kami-kami dalam lingkungan nan indak banyak bana, (bisa ditanyoan ka Miko), badoncek saketek surang. Sabanano ongkos paasok-i dapua ko indak banyak bana lo doh. Mungkin itu mukasuikno indak basorak-an gadang-gadang bana. Mungkin Miko atau Nofen nan labiah bisa manjawab. Nan katigo, kalau lah Nofend manjua buku (sarupo nan dikarajoan almarhum Bandaro daulu, kalau dek Bandaro iyo bana untuak panambah isi kacio dana abadi rantauNet ko), nan diusaokan Nofend mungkin, agak hati ambo cukuik untuak ka panambah-nambah bali minyak paasok-i dapua tu gak no. Nan jaleh no bana bialah Nofend bana nan manjawab. Di partamuan HbH di rumah angku Irsyal kapatang alah ambo sampaian, dek kini Yayasan RantauNet ko alah dibuek, ta pulanglah ka awak nan basamo, apokoh kacio nan ambo pacik-anko alah ka elok untuak disarah-an ka panguruih Yayasan. Tantu sajo jo catatan sasuai jo amanah nan ambo tarimo daulu, bahaso guno pitih kacio ko iyo agak khusus untuak ka panolong sakadarno untuak badan / usaho amal nan ado di Ranah. Sakitu sajo ka tambahno di ambo samantaro. Biko ambo sambuang pulo kok ado juo lai nan alun jaleh. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: rinapermadi <[email protected]> To: [email protected] Sent: Mon, October 11, 2010 3:01:04 PM Subject: RE: [...@ntau-net] Fwd: Laporan Kacio Rantau Net Mak Dave, Banyak maaf Mak Dave, sangkek sari tu ambo ingek Pak Saaf mangirinan pitih ko sasudah digutiak dek Uni Ambo Ni Ipah, untuak paasok i Dapua kecek Ni Ipah sangkek tu. Indak lamo Pak Saaf kiriman pitih tu ka Kacio. Kalo ka Kacio tantunyo indak sampai untuak paasok i Dapua doh. Sadangkan Dapua paralu di asok i sahinggo Sutan Mudo manjua buku untuak panambah-nambah maasok i Dapua. Tapi kok indak mantun niaik Pak Saaf, tantunyo kan alah digarihnyo tu. Manuruik ambo, kalo memang kacio RN indak diperuntukkan untuak paasok i Dapua, apo lai cukuik hasil penjualan buku tu mamanuahi biaya Dapua? Banyak maaf ambo ko jo kelancangan ko Wassalam Rina -- . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
