Alaikum salam warahmatullahi wabarakatuhu, Maa Inyiak Malako Nan Putiah, Sarato Rang Lapau nan Basamo,
Tarimo kasih banyak Inyiak Lako nan lah maimbau ambo. Kutipan kalimat tantang referensi tu sabananyo dari Angku Asmardi Arbi dalam dialog baliau jo Angku Chairul Djamal nan ambo uleh jo komentari. Susunan postiangnyo agak tabaliak dari biaso. Ulasan ambo tantang Bukik Marapalam di bagian bawahnyo sasudah mangatangahkan kutipan Angku Asmardi Arbi di bagian atehnyo. Babarapo minggu nan lalu, rasonyo dalam Bulan Puaso atau mungkin manjalang Rayo, takana di ambo Inyiak Lako maimbau ambo katu Ota Lapau maningkek angek. Maaf dari tipak ambo, sarato tarimo kasih banyak ka Inyiak Lako, bukan ambo malupokannyo. Ambo cuma tacangak-cangak sajo mancaliak Ayam Gadang-gadang balago-lago. Agak gamang ambo mandakek dek tampak tajinyo bakilek-kilek. Dek ambo urang biaso, sarato kasehatan mangganggu pulo disipak rayo, ambo cubo mainda sajo; ambo sato jo ota nan tawa-tawa pulo. Tiok sudah sumbayang ambo badoa sajo, baiak untuak badan surang maupun untuak Kito nan Basamo: Rabbana aatina fiddunya hasah, wafilaakhirati hasanah, waqinaa azaabannaar... Salam, --Inyiak sunguik Sjamsir Sjarif Di Rantau Jauah Di Tapi Riak nan Badabua Di Santa Kuruih, Kalipornia --- In [email protected], inyiak.mal...@... wrote: > > Assalamualaikum ww > > Nan ambo hormati kanda Sjamsir Sjarif dan dunsanak ambo Duta Mardin Umar sarato dunsanak di palanta nan dikasihi Allah rabbul alamin . > > Sabana sanang ati ambo mambaco posting Mak Ngah jo Ajo Duta tantang sitawa sidingin dan pencerahan KKM . > > Ambo ulanglah sabagian tulisan Mak Ngah , jo tulisan Ajo Duta , nan manggaritik emosi ambo ( maaf ) . > > Baa bana aratino ABS SBK tu , sulik bana mancari riferensi tatulih ABS SBK tu . Akan labiah baiak kalau ado nan tatulih dan dimusyawarahkan oleh urang Minangkabau . ( Dari Mak Ngah - maaf kok salah2 saketek ) . > > Terciptanya masyarakat madani di ranah Minang kalau masyarakat Minang berkembang sasuai jo potensi budaya, adat dan agamo Islam ( maaf Ajo Duta kalau salah mangutip ) . > > Alah lamo kito marasokan dan mangaluahkan kondisi di ranah Minang bakambang kaarah nan balawanan jo nilai2 ABS SBK > > Apokoh LKAAM , MUI dan budayawan dan Seniwan intektual nan ado diranah Minang lai marasokan dan bausaho mampabaik i no ? > > Cukup banyak dan alah lamo tulisan nan dilewakan di milis RN , bahaso budaya baru nan hidup subur diranah kini , baralek dihibur orgen tungga jo tari disko sapai parak siang , diidangkan pulo minuman kareh paundang setan, dikambangkan pulo lapiak tampek mancabuik batuang si anam jo iyu babak . Apokoh iko nan disukoi oleh para tokoh adat dan agamo di ranah Minang ? Apokoh di Luak Nan Tigo lai bakambang bak itu pulo ? Indak dapek disasa kalau musajik samakin langang prostitusi bak tindawan tumbuah dimusim hujan . > > Lah samo2 kito simak di milis RN ko , bahaso gagasan dunsanak kito di parantauan nan disponsori Gebu Minang maadokan musyawarah besar Minangkabau atau KKM , untuak mambuek referensi tatulih sabagai pidoman penerapan ABS SBK nan Mak Ngah mintak tu ditantang dan ditolak oleh tokoh Adat, Agamo dan Budayawan di ranah nan tagabuang dalam GM KKM ( Apokoh baliau2 tu mawakili saluruh masyarak Minang nan ado di ranah ) . > > Ambo agak heran mambaco apokoh iyo pak Azwar Anas Dt Rajo Suleman , ikuik manolak dan indak mangarati visi dan misi KKM tu ? Ambo hadir dalam FGD di kantua Dep Pariwisata Jl Merdeka Barat tgl 6 Juni 2010 , pak Azwar Anas mambarikan paparan buah pikiran balaiau mandukuang rencana Panitia KKM dan mambarikan arahan jo saran2 nan banyak, sasudah SC Panitia manjalehkan konsep KKM tu . > > Babarapo kali ambo mancubo mandinginkan emosi angek kaduo belah pihak , supayo musyawarah besar Minangkabau tu talaksana, tapi sio-sio sajo , karano kaduo balah pihak sadang kahilangan kasadaran bahwa baliau tu adolah contoh tauladan bagi generasi nan mudo . > > Tarimo kasih banyak kanda Sjamsir Sjarif dan Ajo Duta, marilah kito doakan mudah2an Allah swt mambarikan pitunjuak dan jalan nan bana ... Amin ya rabbal aamin M > > Wassalam dan maaf dari : > Inyiak Malako Nan Putiah, > L - 74 , suku Malayu, asa dari Baso , kini kandas di Depok mungkim kakaram disiko kapa rasono. > Sent from my BlackBerry® > powered by Sinyal Kuat INDOSAT > > -----Original Message----- > From: "sjamsir_sjarif" hamboc...@... > Sender: [email protected] > Date: Fri, 15 Oct 2010 16:30:58 > To: [email protected] > Reply-To: [email protected] > Subject: Paralu Sitawa Sidingin: Re: [...@ntau-net] KKM mohon pencerahan lanjutan. > > > --- In [email protected], "Asmardi Arbi" asmardi.arbi@ > wrote: > > > > Sanak Chairul Djamal jo sanak di Palanta, > > > > Wa 'alaikumussalam, > > > --- > > > > Wakatu itu ambo mangalami kesulitan referensi tatulih, baa bana isi > ABS-SBK > > nan disepakati dek kaum adat jo agamo di Bukik Marapalam tu., alun ado > nan > > manulis dibuku lai. Itu nan ambo rasoan bana sajak tahun 1977 sampai > kini. > > Jadi awak tau dari muluik kamuluik sajo, .... > ---- > > Bana, > Itulah nan ambo kecekkan salamo ko. > Saroman Marapalam kecek Urang, > Marapalam lo kecek Awak... > tapi dimaa bana Marapalamnyo > sia bana nan basumpah > bilo, di tampek maa bana satie basumpah > indak surang juo dapek mancarah ... :) > > Salam, > --Nyiak Sunguik -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
