Assalamu'alaikum Wr. Wb. Maaf sato snek...
Saketek nan ambo tahu, kalau disabuik masakan India, tampaknyo samo sajo jo awak babicaro masakan Indonesia. Dalam artian, inyo tadiri dari berbagai macam pulo. Katiko awak secara umum mangatokan masakan Indonesia, disinan bisa tamasuak masakan Padang, masakan Jawa, masakan Manado, dll nan mungkin sangat balain cito raso nyo. Walaupun mungkin ado pulo nan bersifat umum, sarupo nasi goreng... :) Baitu pulo kalau kito manyabuik masakan India, kito akan tahu angin-angin cito rasonyo kalau lah tabayang pulo apokah itu masakan South India, North, West, Andhra, dll. Sahinggo kalau kito katokan curry atau kari India secara umum, masih alun jaleh bana tabayang apo bumbu atau raso gulai tu lai, tagantuang kari dari daerah mano, Gujarat? Punjab? Tamil? Bengal? dll ..... :) Ambo maliek jenis masakan India ko dapek digolongkan dari berbagai aspek. Nan pertamo berdasarkan kepercayaan nan dianut, kaduo berdasarkan etnis, dan katigo berdasarkan latak geografis. (kalau mamungkinkan malah mungkin bisa berdasarkan kasta ...). Mayoritas urang Hindu (dan Budha) cenderung vegetarian, samantaro nan baagamo Islam umumnyo makan daging, tantu sajo cuma daging kambing atau domba, karano peraturan resmi India, sapi alias jawih indak buliah didabiah... :) Tapi yo itu tadi, dengan masyarakat nan multi etnis dan multi kepercayaan, ado hal-hal khusus pulo. Khusus di Hyderabad misalnyo, ado satu tampek pemotongan hewan nan buliah mamotong Jawih, hal nan sepertinya mustahil, karano samo sakali indak tajadi di negara bagian lain. Namun itu nyata, mungkin izin dari administratif kota Hyderabad tu didapek karano mereka yakin khusus di sekitar itu banyak muslim, dan tajamin daging jawih tu indak ka basinggungan jo urang Hindu. Sahinggo di kota Hyderabad tu pulo lah, tahun 2009 nan lalu, ambo sakali-kalinyo salamo di India sempat manggulai kalio/randang dari daging sapi... :) Hal nan mustahil ambo karajokan di New Delhi atau di kota lain manapun, bara bana lah dulu taragaknyo jo daging jawih... :) Masakan/makanan dari daerah India agak ka utara/ tengah, menu mereka labiah banyak abuih atau uok sayuran. Mayoritas mereka adalah vegetarian. Cubolah sakali sakali diundang makan ka rumah penduduk di New Delhi nan agak ka utara dan sekitarnya, dan mintak masakan nan umumnyo dimasak sahari-hari. Ijan kaget kalau nan tatonggok di ateh meja makan adolah nasi atau makanan umum pengganti dari gandum sarupo parata, capati, atau roti (bukan roti secara umum di awak) di tambah abuih kantang (alu), uwok labu kuniang, di tambah sagalo nan matah, antimun, wortel, plus tomat, dan tantu sajo dahi (plain yoghurt). Indak ka ado bagai talatak kari tu tu doh.. Karano memang kari bukan makanan mereka sahari-hari... Makanan nan lah di North bana atau di North East, cita rasa makanannyo lah balian bana pulo, sabab lah dipengaruhi oleh makanan cino. Sahinggo makanaan sarupo momo, bak pau, mie dll adolah menu sahari-hari mereka pulo. Lagi-lagi faktor kepercayaan memegang peran. Penduduk nan baagamo Hindu/budha momo nan dimasaknyo pasti terdiri dari sayuran only, samantaro nan indak, atau pendatang biasonyo momo nyo mutton momo. Maklumlah nagari dingin di puncak himalaya, kalau ndak makan daging tantu energi kurang (kecuali karano faktor kepercayaan/agamo). Kalau takana itu kadang ambo jo kawan-kawan galak juo, katiko manyusuri kota-kota di pagunungan himalaya salamo 2 minggu tahun nan lalu, otomatis 'jatah' daging domba nan masuak paruik kami masing-masingnyo sakitar hampia duo kilo sa hari... itupun masih kurang... :) Secara umum, masakan India nan disabuik-sabuik dan terkenal di 'luar India', itu adolah makanan dari India Selatan dan India Barat, nan banyak gulai jo bumbu-bumbu nan 'dahsyat', sahinggo paruik ambo nan indak tahan jo lado ko iyo indak kuat... :( Sakitu se dulu dari ambo, dek di awal email ambo bajanji cuma sato 'snek' sajo, hehe... Salamak bacarito 'lidah' India parintang wakatu di hari Minggu... :) Salam kuliner, Rita Lukman ------ Pada 17 Oktober 2010 01.34, sjamsir_sjarif <[email protected]> menulis: > MakNgah suko makan-makanan India. Kok rindu-rindu jo kari kambiang, iyo > pai lah ka resotran India/Pakistan. Tadi malam sabalun pai mandanga kaji > "Galak Nabi" ambo makan Karachi Goat Curry. Iyo lai padeh karano baminta > suapayo padeh. > > Dek indak habih sadonyo, saparo dibawo pulang. Tibo dirumah, diramu baliak, > dicampuang jo cubadak. Ondeh lapeh taragak awak. > > Cubadak badakak-dakak > Antimun batali-tali. > Sabalun ka seminar salero tabukak > Dek mamakan Kari Karachi > > > Kok karik barik ka India tu kan lah samo didanga juo: > Dakek mancari Ibu, Jauah mancari Indu. > Mungkinistilah "saparinduan" ado hubuagannyo bukan jo induak sajo > tapi jo Indu, India. > > Kok ka manjejeh-jejehan salero takan Kari caliaklah: > > http://www.google.com/images?client=firefox-a&rls=org.mozilla%3Aen-US%3Aofficial&hl=en&source=imghp&biw=1024&bih=568&q=curry+recipe&btnG=Search+Images&gbv=2&aq=f&aqi=&aql=&oq=&gs_rfai= > > Kok ka mancubo-cubo resepnyo caliak pulo salasatu link ko: > http://www.curryfood-recipe.com/ > Banyak macamnyo nan lain, tanyo ka MakGugel jo "Curry Recipe". > > Salam, > --MakNgah > > --- In [email protected], Hendra Messa <hdme...@...> wrote: > > > > > > dunsanak sadonyo, saketek carito, > > di rantau abu dhabi ko, sambuah bana urang india, dima2 ado restoran > india, > > sakali waktu ambo pai ka suatu tampek, saat makan siang di food court, > indak basuo restoran nan pas yo salero awak, ambo caliak2 sajo, ka tampek2 > menu dihidangkan di food court tsb, eh ternyata basuo ada restoran india, > dari daerah hyderabad judul nyo, menu yo caro menghidangkan nyo, mirip bana > yo restoran minang ?.. > > > > dek indak ado nan lain, ambo cubo2 sajo pasan ka sinan, ambo pasan sajo > menu nan saroman yo gulai daging, istilah nyo mutton curry ( gulai kari > daging ).., lah dicubo, ondeh mandeh samo bana rasonyo, yo gulai daging di > restoran minang. > > > > mahota2 yo kawan org india, menu gulai tsb, cukup terkenal dan jadi menu > standar di daerah india selatan ( tamil , kerala , malabar ) yg beragama > islam ( ingat org india hindu, tak boleh makan daging sapi ) > > > > ma- ingek makanan2 khas minang lain nyo, spt karak kaliang, martabak, > roti cane, teh talua dll, jadi tambah yakin sajo ambo, bahwa banyak kuliner > masakan minang berasal dari india, > > > > satu hal lain , nan menarik bagi ambo, sering bergaul yo urang india ko, > ternyata sebagian karakter urg india, ado mirip pulo yo karakter urg minang, > spt hemat ( sampilik ) , kreatif / banyak tak-tik ( rada2 licik lah kira2) > dan big mouth ( gadang hota ) > > > > malihek dari kesamaan kuliner dan karakter, jadi tambah yakin ambo, bahwa > banyak budaya minang, berasal dari india...?? > > > > salam dari gurun pasir abu dhabi , > > HM malin sinaro - palembayan, kab. agam. > > http://hdmessa.wordpress.com > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
