Karupuak Ubi Sungai Tarab
Kami dapek kiriman karupuak dari kampuang, kecek etek Etek urang rumah ambo di bali di Sangka (karupuak sangka) lalu ambo posting foto ko ka BBM Group Alumni sakolah ambo jo Palanta RN Karupuak ubi ko ambo agiah judul "Karupuak Ubi Sungai Tarab" karano nan terkenal memang dari kampuang si Andiko Sutan Mancayo, tapi adiak kelas ambo "protes" keceknyo alun tantu lai Kanda karupuak tu dari Sungai Tarab, bisa jadi dari kampuang ambo Koto Panjang (nan nota bene masuak kecamatan Sungai Tarab juo) jawek ambo karupuak ko bisa jadi dibuek urang Sangka, Sungayang, Gurun dan nagari-nagari di tanah datar tapi kok namo dagang yo lah terkenal karupuak Sungai Tarab Ambo ibaraikan sajo ka adiak kelas ambo ko " Kabau nan punyo susu, jawi juo nan dapek namo" jadi Karupuak ubi ko kok dijua dek urang di pakan kamih Sangka yo disabuik sajo Karupuak Sungai Tarab apo nan masih mantah atau nan lah di goreng walau indak produksi urang kampuang di kanagaraian Sungai Tarab. Nan menarik juo komentar dari Da Riri, keceknyo digoreng jo minyak karambia atau microwave sajo (goreng jo microwave sapandapek jo komentar kawan kuliah ambo nan babisnis kuliner di jakarta labiah rancak, kering, crispi dan non kolestrol) Batua bana apo nan disampaikan Da Riri ko, sejatinyo jadul karupuak ko taraso lamak dan gurihnyo dek digoreng jo minyak goreng dari bahan baku karambia (kopra) didalam kuali gadang nan minayknyo taganang-taganang, tantu ambo ingek minyak goreng jadul nan di dalam belek ko terkenal mereknyo Arrow atau tabaco Arau nan balambang panah di produksi di Paberik Simpang Haru atau Paberik Hadis Didong kalau sabun cucinyo bamerek Cap Tombak. Kecek salah seorang Pren ambo memang masih ado juo produksi minyak karambia ko nan paberiknyo di Simpang Haru kemasannyo dalam belek bisa jadi juo minyak curah dalam bentuk eceran dijua (kebanyakan kini minyak gorengkan dari bahan bakunyo CPO dari Kelapa Sawit) Lalu komentar Doto Rahyusalim taringeknyo "sadu sadan" makan karupuak ko, jajanan jadul katiko SD Karupuak ubi ko dilepoh jo kuah sate, ahaa tantu persis bana jo kenangan ambo sangkek ketek tu, ado sate si Du merek sate gerobaknyo SGT (Sate Gunung Tembus) tibo dek anak ambo nan SD lah baganti namonyo manjadi SBY (Sate Berkat Yakin) nan mangkal dimuko sakolahnyo :-) Jadi si Du ko ado jua karupuak ubi nan dilepoh kuah sate ko, ndak do lai sabana impresif dek anak2 jajanan ko, tibo kawan kalene nan gak "preman" lah ditapuaknyo pulo nan sadang talamak mandaram karupuak kuah sate si Du ko..edannn..badarai jatuah kuahnyo lah baselamak peak ka baju sakolah, bisa jadi bacakak dek ulah kawan SD nan "preman" ko (terbaca : nan bagak diantaro anak-anak kalakuan jaek utak gak ongok raya pulo) Terakhir yo takana ambo jo Almarhum Uo (Nenek) ambo, kalau hari Kamis pai ka Sangka babalanjo oleh2 nan kami nan ketek2 manunggu dikampuang dari Uo kami ko ataupun etek2 kami salain kue2 basah sarupo kue mangkuak (apam) adolah karupuak Sungai Tarab nan lah di goreng. Bia lah dicubo kaduonyo beko, di goreng jo minyak ciek lai "digoreng" jo microwave, di daram sambia mangalai-ngalai dirumah mangana-ngana maso ketek dulu jo Karupuak Ubi Sungai Tarab ko Salam-Jepe The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
<<image001.jpg>>
