Assalamualaikum warahmatullahi wabaraaakatuhu, Oh, ambo pun batarimo kasih ka Angku Z.Chaniago nan mangatangahkan bahaso Baliau nan Baduo ko ado manjadi anggota Rantaunet.
Kalau baitu, kok buliah ambo manyampaikan kapado Baliau nan Baduo Tarimo Kasih dan Selamat dalam bapailah batinggalah tu. Tarimo Kasih khusus ka Baliau Angku Aristo Munandar (Pak Bupati Agam nan ka pai) nan salamo duo maso jabatan tu, lah mampacaliakkan cangkaman kuku, indak namuah baranjak dalam ago-maago sabagian Nagari-nagari kuliliang Bukittinggi nan dimasuakkan urang ka dalam kota, walaupun undang-undangnyo lah dicorohkan dari pusek. Selamat ambo ucapkan, cap jempol tangan kami Rang Kampuang basamo-samo dalam bayangan ambo. Kapado Angku Indra Catri, Panghulu di Nagari kito, nan ka manjawek mamaciak pucuak bulek urek tunggang Kabupaten Agam, iyo sabana mamintak ambo, kok bulieh ateh namo kami Rang Kampuang kuliliang kota Bukittinggi supayo tatap dapek basiindak taruih mancangkamkan kuku pulo supoyo Nagari-nagari awak indak dipaso-paso urang supayo dilulua kota Bukittinggi. Tarimo kasih labiah dahulu. Indak ado bagi kami bedanyo jadi Urang Kota jo Urang Kampuang. Listrik lah masuak kampuang untuak lampu indak baminyak, talipon lah indak batunggak kawek lah banyak dipadapek. Tingga manayamoparonokan hal lain-lain lai saketek-saketek, labuah batembok jo aia mambasuik (running water) ka rumah masing-masing. Kok ka bakumputer tv radio lah bisa langsuang dari pondok-pondok awak di Kampuang. Kito lah samo-samo mambaco di Lapau ko Carito Fiktif Ulang Tahun ka-30 "SMA Ampek Karek" dengan bateh kota "Kecamatan Ampek Lakek" dengan sagalo khayalan nan mungkin, nan dipostiangkan Angku Taufiq Rasjid. Iyo sabana manggegek ambo dinyo. Angku Taufik minta ambo mangomentari, tapi sabana alun taleso dihati lai, masih taibo hati mambaconyo, manggigia batang tubuah maagak-inyo. Sakali lai Selamat dan Tarimo Kasih ka Baliau-baliau Bupati Baduo Nan Tingga jo nan ka Pai. Salam, --Nyiak Sunguik Sjamsir Sjarif Rang Ampek Angkek Di Tapi Riak nan Badabua Santa Cruz, California --- In [email protected], Z Chaniago <z.chani...@...> wrote: > > Assalamu'alaikum WW > > Mungkin pado saaik basamoan jo ambo mangetik email ko sadang ado acara sarah > tarimo Bupati Agam di Lubuak Basuang , untuak itu ambo ucapkan tarimokasi ka > Bpk Aristo Munandar nan alah manjabaik sabagai Bupati Kabupaten Agam salamo > duo periode , ado babarapo buah tangan Bapak nan lah lakek di Kabupaten Agam > dan satu-duo mungkin ado nan indak samparono tetapi sakali lai ambo ucapkan > tarimokasih ....semoga buah tangan Bapak jadi amalan dan Bapak > tatap berkarya di ladang nan lain......dan tidak berurusan dengan KPK > setelah selesai menjabat..... > > Dan ambo sampaikan ucapan salamaik manjalankan amanaik dari Rang Agam untuak > mamimpin Kabupaten Agam untuak Pak Indra Catri dan ukuran kesuksesan bukan > wakatu Bapak tapiliah dan diangkek jadi Bupati....tetapi disaat bapak nanti > manyarahkan mandat baliak nan mambari amanaik... pitaruah indak batunggu-kan > semoga dapek mamajukan Kabupaten Agam mulai hari ko dan sataruihnyo... > > Kaduo Bapak iko ado sato di RN....CMIIW .... > > Wassalam > -- > Z Chaniago - Palai Rinuak > > Alam Minangkabau semakin memukau oleh kemilau Danau Maninjau . > > Sayangi Danau Maninjau - -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
