He..he..iyo barek juo tanyo sanak iko Nan jaleh pareman kini rasonyo indak samo jo maso 30 tahun nan lapeh atau sabalunnyo
Sabab kalau daulu, pantangan dek mereka ka barulah dikampuang Kok iyo lai kareh pangka langannyo, ba terai iyo dikampuang urang. Walau mereka ado gengnyo, tapi sering kelihatan sebagai single fighter Ado kenalan ambo nan sabana elok bakampuang, capek kaki ringan tangan. Kok ado acara gotong-royong atau apapun keperluan nagari inyo capek tibo Dikampuang inyo mangecekkan karajo duo tigo kali sapakan mangirim sayua ka Jambi-Riau. Acok sudah sumbayang asa lah barangkek dari rumah Tapi kemudian inyo mati dipalokokkan urang dilua daerah. Dek karano mambongka rumah urang ditangah malam Itupun dek inyo sangajo lari ka persawahan, untuak ma agiah kesempatan anak buahnyo lari ka ateh bukik Alah lamo tatangkok, lah pasai urang manangani, inyo masih galak juo Sasudah dilacuik jo batang kaladi baru mamakiak jo mararau mintak ampun, akhirnyo hancua kanai lokok Ado juo dek karano harago makanan balipek digalanggang maso pacu kudo, dibaonyo kamanakannyo baranam makan kanyang Lah salasai makan jo mintak rokok Ka kalua lapau, bukannyo mambukak dompet mambayia nan tamakan. Tapi mintak pitih pulo ka rang Lapau. Keceknyo :" Maa sonsong pitih cako" Nan urang lapau lah patuah sajo-tapukau. Tapaso manyarahkan isi kotak pitih Salah satu murik mangaji Umi ambo dulu, sajak paja2 iyo alah agak lain coloknyo Meningkat remaja jadi tukang cangkuak jo smokel di tapi Batang Siak Pakan Baru Batambah kaji, manyubarang ka Semenanjung jadi gangster di KL-Malaysia sampai Bangkok Kemudian melebarkan sayap sampai ka Hongkong Walau inyo punyo rumah mewah di Batawi jarang ditempatinyo Kok datangpun pengawalnyo pakai Fortuner dimuko-balakang Baitu juo indak talok pulang kampuang Kok nan maraso jagoan maso dulu, sabana harimau ma handokkan kuku. Kalau indak tapaso bana jarang nampak sentak kakinyo Labiah banyak mangalah sambia galak manih Tapi..kok lah tabedo kanainyo. Baru nampak siapo baliau... Ado juo jagoan nan main tangan dengan alasan mamaga kampuang. Supayo indak basilanteh angan urang masuak Tapi umumnyo masih one by one untuak ma uji ilimu Itulah jagoan maso daulu Kalau nan kini ambo caliak memang baju, jaket jo topi baret nan labiah Bahkan uniform kadang labiah bakilau pado upeh nan lah marasai dek latihan Banyak manggaregak mintak uang takuik, bahkan ado nan taruih tarang mintak pitih bali minuman Sakurangnyo mintak uang keamanan tiok bulan Lucunyo itu banyak dilakukan dek nan mangaku putra daerah terhadap urang nan bausaho dikampuangnyo Apo lai salain Miras ado kawannyo nan labiah menjanjikan yaitu narkoba serta kehidupan remang2 lain Sabana mancoroh pitih masuak Selain ba baju seragam jo bajeket, sabananyo ado pulo nan babintang mamaliharo mereka. Nan bisa juo dianggap pelindung mereka nan tantu lah ado pulo etongan jo setorannyo Ambo raso itulah kemajuan pareman maso kini. Karano lah ado organisasi nan menaungi. Paliang tajadi cakak banyak kok barabuik tampek nan basah Kalau dulu kok tatangkok sadang mancacak. Paliang awak surang atau ditambah jo tukang bola nan marasai Ado juo pancacak nan dapek lawan, indak sanggup mancabuik tangan di saku urang. Tapaso maratok mintak ampun jo maaf, dek lah satangah ari dibao urang manguliliangi pasa sambia diarak urang balai Itu dulu nan takana, beko disambuang pulo --TR Sent from my BlackBerry® powered by Sinyal Kuat INDOSAT -----Original Message----- From: Eri Bagindo Rajo <[email protected]> Sender: [email protected] Date: Fri, 29 Oct 2010 21:30:13 To: <[email protected]> Reply-To: [email protected] Subject: [...@ntau-net] Mohon Pencerahan Kanti, mamanda, uda uni dan adiak adiak. Nan hiduik alah samo samo kito cubo, dikampuang , di kiktinggi, di rantau.. alah baranak, alah bacucu gai sabagian dari kito.. tantu alah banyak kito basobok jo pareman atau jagoan atau urang bagak.. ambo ingin batanyo apo lah beda PAREMAN, Jagoan dan Urang Bagak.. Tarimo kasih kalau ado kawan kawan nan ma agiah komentar EBR,53, Jkt mantan kutu balai pasa ateh -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
