Assalamualaikum Wr. Wb. Sharing carito dari Radio.
Bismillahhirrahmanirrahim, Setiap Mamak/Uda/Adiak/Kakak di Palanta RN iko
punyo 4 Pendamping sebagai berikut :
1. Uni AS yang sangat setia dan telah mendampingi Sanak sejak awal jadi
saumua.
2. Uni Asni yang juga sangat setia tapi kadang2 suka bertengkar karena
punya keinginan lain
3. Uni Har yang sangat cantik dan disayangi
4. Uni Hana adalah pendamping yang paling cantik dan awet muda.
Sifat2 mereka sangat spesifik, seperti
1. Uni AS yang sangat setia dan manarimo apo sajo kehendak Udanyo.
2. Uni Asni tergantung situasi dan kondisi kadang bisa manarimo keadaan
tapi bisa juo bacakak jo Udanyo, kadang-kadang mangarati kebutuhan Uni AS
tapi bisa juo indak mau tahu Uni AS.
3. Uni Har iko sangat cantik serato mangkilek dan Udanyo bakarajo kareh
manyegehkan Uni Har iko tanpa kenal lelah dan wakatu.
4. Terakhir Uni Hana nan sangaik membutuhkan perhatian Udanyo setiap saat
dan hebatnyo Udanyo iko mati2an memenuhi keinginan Uni Hana dan nampaknyo
Uni Hana sangat serasi kerjasamanyo jo Uni Har.
Sampailah kejadian luar biasa dengan datangnya surat khusus dari Kejaksaan
dengan pengawalan dari Kaplosek memberitahukan bahwa si Uda telah diputuskan
untuk ditahan dan telah disiapkan tahanan khusus untuk si Uda. Karano
panggilan itu merupakan japuik tabawo membuat si Uda menggigil dan indak
siap menghadapi keadaan yang tidak disangka-sangkanyo iko.
Si Uda mina wakatu untuk memberi tahukan ka pasangan2nyo dulu sia nan bisa
mangawani ka Panjaro
1. Nan patamo dipanggia pasangan mudo nan rancak tu Uni Hana. Uni Hana
sangat kaget melihat ketakutan pasangannya, baa uda kok bantuak ko bana! Kok
manggigia ketakutan? à Bantuok ko dinda Hana sayang, ambo alah dipanggia
kejaksaan untuak ditangkok sarato alah tasadio kurungannya, bisa kah dinda
mangawankan ambo ka panjarotu? à Undeh Uda, kalau untuak ka Panjaro yo
indak diambo doh. Ambo masiah mudo dan bisa mancari pasangan lain jadi
pailah uda sorang kasinan. Sadiah bana mandanga penolakan dari Uni Hana nan
alah habih tandeh si Uda mampajuangkan permintaan dinda Hana nan
disayanginyo itu. Tasimbak Tangih sarato tambah manggigia si Uda.
2. Dipanggia pulolah dek si Uda pasangan nan katigo Uni Har. Takalonjek
Uni Har mancaliak Udanyo nan salamoko tegar kok bisa manangi sarato
manggigia katakutan, Dipaluaknyo Udanyo sambia ditanangkan, Baa kok uda
sadiah bana kiniko apo nan tajadi Uda? à Bantuok ko dinda Har sayang,
ambo alah dipanggia kejaksaan untuak ditangkok sarato alah tasadio
kurungannya, bisa kah dinda mangawankan ambo ka panjarotu? à Uni Har
batanyo baa kecek Uni Hana Uda? lai amuah nyo uda ajak? Itulah masalahnyo
dinda Har, indak amuah inyo mangawankan ambo doh, inyo alah lari untuak
mancari laki baru dek inyo masiah mudo. Kalau bantuak tu Uda, ambo kawankan
Uda sampai ka Halaman Panjaro yo, sasudah tu ambo pai pulo, paliang kurang
ambo ado paratian ka Uda. Langsuang malolong tagang si Uda, duo urang
pasangan nan disayanginyo indak ado nan amuah mangawaninyo ka Panjaro doh,
alah abih wakatu sarato tanago untuak kaduonyo tapi bantuak tu balehannyo.
3. Dipanggia pulolah Uni Asni, Uni Asni basobok jo si Uda, manangih
panjang sarato mamangku si Uda nan alah tagolek sambia batanyo kok baintuak
ko bana Uda kiniko apao nan alah tajadi Uda?à Bantuok ko dinda Asni
sayang, ambo alah dipanggia kejaksaan untuak ditangkok sarato alah tasadio
kurungannya, ambo alah maminta Uni Hana dan Uni Har untuak mangawani tapi
nan baduo itu indak amuah doh, bisa kah dinda mangawankan ambo ka panjarotu?
Uni Asni tamanuang sarato manangih mangecek ka Udanyo, ambo sabana sadiah
mancaliak parasaian Uda ko, baiklah ambo kawankan Uda sampai kadalam
Panjaro, ambo lalokkan uda didalamnyo, tapi sasudah itu ambo kuncikan pintu
panjaronyo dan pulang baliak yo. Tambah sadiah hati si Uda, alah tigo urang
pasangan nan dimintanyo, hampia 100% wakatu dan tenaga nan diabiahkan si
Udan untuk pasangan nan batigo ko, tapi indak sorang juo nan amuah
mangawankan inyo di Panjaro.
4. Akhirnyo baru ingek si Uda ado pasangan nan paliang tuo dan jarang
dicaliak wakatu barado, dipanggianyolah Uni As. Uni As datang dengan
tergopoh-gopoh dan sangat seang sekali dipanggia si Uda. Mancaliak si Uda
alah talalok lameh sarato manangih panjang, langsuang dibarasiahkan dek uni
AS dan ditanyokan dengan lemah lembut apo nan tajadi Uda? à Bantuok ko
dinda AS (indak ado kato sayang doh), ambo alah dipanggia kejaksaan untuak
ditangkok sarato alah tasadio kurungannya, bisa kah dinda mangawankan ambo
ka panjarotu? à Tamanuang Uni As mandanga kisah si Uda, dan managih uni
AS sambia mangecek, Uda ambo akan mangawani Uda dipanjaro tu, ambo jago
lalok Uda, ambo pangku Uda kalau kadinginan, dan Ambo usia nan akan
mangganggu Uda. Tapi Uda ambo indak ado tanago sarato kekuatan doh Uda,
buliah dikecekkan Uda mancaliak ambo jo sisa-sisa wakatu bilo takana, tapi
namun baitu ambo akan kawal uda di panjaro itu dengan sisa2 tenaga dan ado
diambo yo Uda, tananglah.
Untuak Mamak/Uda/Adiak/Kakak di Palanta RN, carito diateh adolah perumpamaan
tibo panggilah malaikat maut, dan panjaro itu kuburan awak masiang2 nanti,
hati-hatilah manjago Uni AS iko salamo awak masiah hiduik berikut adolah
sia dan bagaimana masing2 pasangan nan apek urang iko
1. Uni AS adolah kependekan dari Amal Saleh nan jarang dicaliak wakatu
kito sadang coga2nyo, wakatu nan disadiokan hanyolah pabilo taringek saja,
dan Amal Saleh nan akan mangawankan awak dalam kehidupan nanti. Jadi mulai
kini sadiokan lah wakatu sarato tenaga dan harta untuk mamupuak Uni As awak
masiang2
2. Uni Asni adolah Anak jo Istri nan kito habihkan wakatu membina dan
mengarahkan, kalau indak hati2 mereka bisa jadi musuh awak dialam barzah
nanti, jadi binalah mereka menjadi sholeh dan sholeha supayo mereka indak
memiskinkan Uni AS awak beko, kenapa mereka cuma mengantar sampai pintu
penjara, ya itu anak2 akan menurunkan kita kedalam kubur dan menidurkan kita
diliang lahat, setelah itu ditimbun tanah dan mereka secara pelan2 akan naik
kepermukaan sampai kuburan penuh, dan setelah itu ditinggalkanlah kita dalam
kubur.
3. Uni Har adolah kependekan dari Harta Duni, yang kita usahakan mati2an
untuk mengumpulkan dan memamerkan, kenapa sampai halaman saja, karena Mobil
yang mengkilat dan Rumah yang metereng itu hanyalah akan mengantarkan kita
sampai halaman kuburan saja, setelah itu mereka dibawa pergi.
4. Terakhir Uni HANA adalah kependekan dari Hawa Nafsu, kita berkawan
erat dengan Uni Hana dan mengikuti kemauannya sehingga habis tenaga dan
pikiran kita dibuatnya, kalau sudah diakhir hayat, sewaktu Uni Hana
membisikkan minta makanan enak, kita bilah tidak, minta ini itu kita bilang
tidak, dan melihat itu Uni Hana langsung pergi karena tidak bisa
mempengaruhi kita lagi.
Itulah kisah nan kami dangakan di Radio Palanta Jakarta sawaktu manuju
Musajik untuk sholat maghrib, dan ambo kiro rancak juo dicatatkan di Palanta
RN untuak nan alun mandanga kisahnyo.
Wassalam Wr. Wb.
Darwin Chalidi, 61, Bintaro Jaya
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
