Assalamu'alaikum Wr. Wb. Dunsanak sapalanta, Mambaco diskusi nan basumangaik antaro Da Zorion, Riri, Armen dll tantang duta pariwisata nan akhirno sampai juo ka peran nagari.
Dalam HBH RantauNet peran nagari ko ampia jadi topik tunggal dek di agiah sumangaik dek Da Rainal. Nan ambo tangkok dalam pembicaraan itu kita memajukan SumBar jo memajukan nagari awak masiang2, dengan tiok nagari ko maju dalam segala bidang otomatis SumBar pun akan maju. Jo alasan sbb: banagari jauah labiah gampang dari pado ba kabupaten/kota apolai ba SumBar, resistensi labiah saketek, urang no saling kenal, latar belakang, persoalan dan kebutuhan relatif samo dll. Sinergi antaro masyarakat nagari jo parantau no masiang2, dengan penggeraknya adalah parantau adalah jalan untuak mancapai tujuan tadi. Untuak itu diparalukan ado organisasi parantau nagari kalau bisa bantuak SAS nan akan dijadikan percontohan. Jo parantau lah bisa saiyo sakato akan labiah mudah pulo baranjua jo masyarakat di kampuang. Lah sampai disiko lah bisa pulo di inventarisir masalah, kebutuhan, mamajukan pendidikan umum/agamo, ekonomi dll. Dibuekkan daftar prioritas dan dikarajokan sasuai jo kamampuan nan ado. Insya'allah dimuloi jo langkah ketek, terarah, konsisten dan ba iyo2 apo nan dituju akan bisa dicapai. Da Rainal lah acok sangaik ma agiah sumangaik dek baliau jo SAS lah bisa melakukan itu dan ingin berbagi. Dalam kesempatan iko ambo ingin pulo saketek bacarito tantang Banuhampu dan duluno barasa dari Kalarasan Banuhampu. Kemudian bagabuang jo Sungai Pua (asano Kalarasan Sungai Pua) jadi kecamatan Banuhampu - Sungai Pua. Taun 1999 ado pemekaran, dipisah pulo baliak jadi 2 kecamatan Banuhampu dan kecamatan Sungai Pua. Parantau Banuhampu di Jakarta lah mamuloi organisasi awal taun 50 an, organisasi nan ado Yayasan Pendidikan Banuhampu berdiri taun 1952, Ikatan Keluarga Banuhampu berdiri taun 1951dan Gerakan Pelajar Banuhampu berdiri taun 1954. Dari berhimpunnya masyarakat Banuhampu dalam organisasi mulailah dipikirkan kebutuhan anak2 Banuhampu nan akan melanjutkan pendidikan di PT terkemuka Indonesia saat itu, dalam wakatu nan indak baitu lamo taun 1958 lah ado Asrama Mahasiswa Banuhampu di Jl. Notoyudan Jogja, Jl. Cisitu Baru Bandung dan Jl. Kenari (Salemba) Jakarta, lokasi2 tadi sangaik dakek jo kampus UGM, UI sa'at itu dan ITB. Untuak di Banuhampu sendiri lah ba ansua2 pulo di muloi SMP dan SMA Banuhampu di Padang Lua. Parantau di Medan, Pakan Baru dan Padang pun ikut bergerak dan mengikuti langkah parantau nan di Jakarta, gedung pertemuan/serbaguna sampai area pemakaman pun tapikiakan dan di adokan. Dengan ado no asrama2 tadi badatangan lah pelajar/mahasiswa untuak bapacu masuak PT terkemuka saat itu yaitu UI, ITB dan UGM dan nan ambo caliak taun 70 an di Banduang tiok taun anak Banuhampu bisa sekitar 30 urang masuak ITB, baitu pulo di Jogja, Jakarta, Padang dan Medan. Sinerji tajadi pulo dengan sekolah Sumatera Thawalib Parabek jo YASIM no Kini kalau di etong lah ribuan sarjana (Prof., Dr, S2, S1) dari sagalo bidang ilmu nan di hasilkan secara langsung atau tidak langsung oleh aset2 tadi tu. Kini mengingat Banuhampu lah jadi kecamatan nan tadiri dari 7 nagari dan jumlah parantau terutama di Jakarta lah labiah dari 10.000 urang, persatuan nagari dan jorong pun mulai berdiri dan organisasi Banuhampu pun mulai berobah dengan berbasiskan nagari. Sebagai contoh Yayasan pendidikan Banuhampu punyo 7 Pembina dan 7 Pengawas nan barasa dan di tunjuak oleh persatuan nagari masiang2. Tiok ari Minggu Pagi di Musajik Sunda Kelapa lah ado kapling2 pertemuan dan arisan dari nagari2 dan jorong2 tadi. Itulah kiro2 kesimpulan ambo dari pembicaraan wakatu HBH RantauNet dan sekilas tantang perjalanan sinergi parantau jo kampuang Banuhampu Kalau memang bisa disepakati "mambangkik batang tarandam" dan mamajukan baliak SumBar ko dengan basis nagari, banyak pulo contoh nan lain bisa di parambiak seperti Koto Gadang, Guguak Tabek Sarojo dan pasti banyak pulo nan lain. Untuak dunsanak nan punyo pulo sukses story banagari ko rancak bana di kamuko kan nak batambah banyak pulo refferensi awak. Sado contoh awak parajai, ambiak nan elok buang nan buruak, dan disasuaikan pulo jo kondisi nagari masiang2. Tantukan Misi dan Visi, malangkah jo kebersamaan dan keyakinan. Insya'allah. Kalau lah memungkinkan awak iyak pulo sinergi nagari dalam kecamatan, kabupaten, kotamadya dst nya. Insya'allah kamuko organisasi ko bisa ba tingkek2. Kecamatan berbasiskan nagari, kabupaten/kotamadya berbasiskan kecamatan dan organisasai nan mamakai kato Minangkabau berbasiskan nan dibawah no pulo. Labiah representatif kecek urang Mungkin atau indak mimpi2 di ateh tu tantu babaliak pulo ka awak basamo. Wassalam Tan Ameh (52+) Ketua Yayasan Pendidikan Banuhampu. Sent from my BlackBerry® powered by Sinyal Kuat INDOSAT -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
