Assalamualaikum warahmatullahi wabqarakatuhu, Baru sajo awak mandanga betita Angku Mochtar Naim dilando Honda patang, Ummi (almh) Urang Rumahy Buya Mas'ud Abidin, Rangkayo Tati (almh), Angku Muzirwan (alm) sabalunnyo dan barito duka batirik-tirik sabalunnyo, baitu juo MakNgah tapana-pana sajak disipak Rayo kini baru agak ka elok, kini awak dikajuik-i pulo jo barita sakiknyo Angku H. Rainal Rais Dt Rajo Sati Nan Mulie.
Dari Jauah MakNggah iyo ikut mandoakan mudah-mudhan Angku Rainal Rais lakeh kalua dari rumah Sakik dan dapek sehat elok-elok baliak saroman salamo ko. Wakatu masih dalam Rumah Sakik tampaknyo Angku Rainal lai pulo manganaan ka Kito nan Basamo tantang Pasa Sulik Aia nan Raminyo Ari Jumaat. Pangana MakNgahpun jadi malayang-layang ka Sulik Aia, nan jauah dari sagi jarak geografis (di baliak bumi) sarato jarak wakatu Satangah Abad (1958-2010). MakNgah indak manapek-i haripakan di Sulik Aia Air Agus 1958 tu, karano masuak dari Bulakang Bukik Kanduang, dari Padang Gandiang, lah sampai agak sanjo. Malamnyo langusang basuo jo Pak Wali wakatu itu, dan kami maadokan Penerangan suasana sakito itu di Musajik nan sangat rami dikunjuangi hadirin. Itu satu acara penjalanan tugeh MakNgah di Solok wakatu itu, lai indak digaduah-gaduah dek musuah. Lain halnyo di Cupak jo Saningbaka, MakNgah harus turun podium sadang mangecek, dan dilarikan urang rundo untua ijok keselamatan karano kama pai tamopaknyo taruih dibauni pihak lawan wakatu itu. Panjang pulo carito biko, pangana indak sakali tumbuah, kiro-kiro indak sakali datang. Di Tanjuang Balik memang MakNgah mangalami Hari Pakan, tapi lupo harinyo. Hari aa lah pakannyo eh? Mungkin Angku Juneidi takana tu. Wakatu di Tanjuang Balikpun MakNgah mangalami pulo suasana "Bandera Rabah" di Puncak Bukik, tando "ijok" Tantara Pusek ka masuak. Kami ijok pulo mancirupuih kateh bukik di Tanjuang Balik. Samantaro ijok, Rang Kampuang manggunokan wakatunyo untuak mananam Cangkeh. Malaksanakan papatah "tagak maninjau jarak, duduak marauik ranjau." Mudah-mudahan Cangkeh Maso Darurat tu lai berhasil jadi devisa setempat sasudah itu. Kawan MakNgah nan indak lupo sampai kini di Tanjuang Balik adolah Angku Rusli Dt. Tumangguang, Urang Tanjuang Balik nan sabalun ijok karajo di Kantua Gubernur dan kami berkenalan di Bukittinggi. Kabanyo baliau lah dahulu pulo di Jakarta babarapo wakatu nan lalu. Takana pulo mandi di Batang Aia Katialo. Sakitulah dahulu, lakeh-lakehlah sehat sarato salam ka Urang Rumah. Salam, --MakNgah Sjamsir Sjarif --- In [email protected], Darwin Chalidi <dchal...@...> wrote: > > Ya Allah, hanya kepadaMu kami memohon ampun dan hanya kepadaMu kami mohon > pertolongan, dan bantulah kami untuk segera menyembuhkan sahabat kami Uda > Rainal Rais dari cobaanMU dengan penyakit yang dideritanya ya Allah. Amiin. > > Darwin Chalidi, Bintaro > > 2010/11/8 Ephi Lintau <ephi.lin...@...> > > > ya Allah...sembuhkan bapak kami ini dari penyakitnya,.. jadikanlah > > penyakitnya tsb sbg penembus dosa2nya yang telah lalu, amin....ya > > robbal alamin.. > > > > Yuhefizar aka Ephi Lintau > > > > On 11/8/10, tasril_mo...@... <tasril_mo...@...> wrote: > > > Berita dari Da Datuak Marah Bangso di BBM > > > > > > Aww, Info nan ambo tarimo dari Uni Yul melalui BB SAS barusan > > manyampaikan > > > bahaso Uda Rainal dirawat Inap di RSPI nan disebabkan trombositnyo > > manurun. > > > Ambo selaku Pengelola ROS atau selaku pribadi warga SAS Palembang > > mendoakan > > > semoga Uda Rainal capek normal kembali trombositnyo dan capek cegak > > seperti > > > sedia kala .. Amin. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
