Assalamu'alaikum Wr. Wb. Wakatu sato mangawani urang rumah bareuni gadang 1 Abad SMP 1 Bukittinggi di auditorium TVRI ari Minggu kapatang, sabana banyak basobok jo dunsanak, kawan2 dan senior2. Sempat ma ota jo Da Taufik Ismail, Nofrins , Da Hasyim Djalal, Da Gustaf Abbas, Da Junir Abbas, Da Herman Zein (nan wakatu demo mahasiswa taun 71 paruk no kanai cucuak sangkur tentara) dan banyak nan lain no. Makan siang jo nasi kapau duduak sameja jo Da Prof. Maizar Rahman (bakeh sekjen OPEC) baradiak kakak langkok pulo jo nyonya baliau2, lapeh makan sambia marokok di lua ado pulo Da Yasir Denhas nan jadi pembawa acara waktu live di TVRI dan kakak baliau Da Hasdan Denhas bakeh Dirut Bank Nasional. Lah lapeh tangah ari jo sumbayang lohor, masuak pulo acara hiburan banyanyi jo main kim. Dek sangaik enjoy bana apo lai main kim duduak sameja pulo jo artis2 panyanyi SMP 1 Minang Triana jo Yossi Denhas, lah sato pulo ba dendang2 jo ba sorak, goyang2. Coki sabana acok tapi nan sampai urang lain juo. Sadang asik galak2 ko ado Apak2 nan manyapo sambia senyum, iko Tan Ameh yo. ha tagalenjek awak dek gala bana nan di sapo dek Apak ko. Ambo Masrur Sidik dari Banduang. Masya'allah lansuang ambo paluak Da Masrur, bia pun baru sakali ko basuo tapi namo baliau indak asiang bagi ambo di Banduang dulu dan senior awak pulo di RantauNet ko. Sayang indak bisa ma ota panjang dan sampai sudah acara indak basuo pulo baliak.
Wassalam Tan Ameh (52+) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
