Sato lho ciek dih angku Saib Inyiak ambo alah almarhum, Dt Koto Nan Tuo, punyo paliharoan Inyiak Balang. Anak dari harimau tuo nan alah gaek ouluhan taun umuenyo kecek inyiak kutiko awak ketek dulu. Anak arimau kho bapaliharo dek inyiak di ladang, induakno ditolong dek inyiak katiko tapakno dicucuak duri salah. Ba ubek jo giliang daun sicerek campue jariang lawah, babaluik co kain paco. Lamo2 sanang kakinyo, anaknyo ciek tungga, ayahnyo mati ditembak urang baburu di bukik tambun tulang. Inyiak bacarito tando tarimo kasi induak arimau ko, panah di elonyo kijang nan luko ditangkoknyo ka tapi ladang, sdh tu ditangkok inyiak dan didabiah untuak dimakan. Dagiang kakinyo bapanggang dan bacamoue nasi batakkan ditapie Btang Kalu tapi ladang. Dimakannyo dek induak arimau ko jo anaknyo. Anaknyo alah tabiaso makan nasi di tapi ladang. Kutiko ambo baralek thn 77 dulu, anak arimauko alah gadang, palharoaanno bralaiah ka ayah ambo dek inyiak alah maningga. Arimau kho mangungkuang di tapi samak dibalakang rumah, kecek ayah ambo, "antaanlah nasi kuniang jo ayam singgang ciek, ibo awak induakno alah mati", kecek ayah Ambo antaan jo daun pisang k rumpun sariak, ambo indak takuik dek kecek ayah, iko poaliharoab kito, inyo indak ka manggaduah, manjago kampuang dari urang jaek. Kiniko manuruik umueno anak arimau ko alah tuo
Katiko ambo pulang thn 2007, ambo tanyoan ka amak ambo, "lai iduik juo lai inyiak balang, ' Lai acok juo mangungkuang di tapi batang aie", kecek amak ambo. Sanjo ambo antakan nasi sapiriang jo talue ayam 3 butie, ka tapi batang katiak kasangannyo," Oi nyiak, makanlah rasaki ko a, jkok lai iduik juo inyiak lai, ambo pulang dari Jkt. Inyiak balang ko disarahkan ayah ka ambo sabalun liau maningga, pakai do'a di tapi ladang Di kampuang ambo kamanakan sadonyo tau kalo ambo dapek amanah manjago pusako iduik ko, tapi kabaalah awak marantau jauah. Bado'a kan sajo mudahan umueno dipanjangkan Tuhan, karano umue arimau samo lamonyo jo umue manusia, kecek inyiak ambo Dt. Koto Nan Tuo dulu (Sakadar tambahan carito di palanta, mhon maaf kalo ado nan indak suko) Wass, DAN Sent from my BlackBerry® powered by Sinyal Kuat INDOSAT -----Original Message----- From: Muhammad Dafiq Saib <[email protected]> Sender: [email protected] Date: Thu, 25 Nov 2010 05:26:11 To: [email protected]<[email protected]> Reply-To: [email protected] Subject: Re: [...@ntau-net] Harimau Sumatera Kelilingi Harimau Yang Terjerat Assalaamu'alaikum wa rahmatullaahi wa barakaatuhu Taragak sato pulo ambo bacarito. Indak ka sapanjang carito mak ngah. Dan rasono alah panah ambo caritoan sari bana di Palantako. Di kampuang kami ado surang guru silek marangkap jadi dukun. Gadang ketek maimbau baliau mak tuo..... (jo namo baliau, indak ambo tulih, baliau alah almarhum). Manuruik carito dari urang ka urang, mak tuo ko mamaliharo inyiak balang nan sakali gus sabagai asisten palatiah silek. Konon anak murik mak tuo nan ka mamutuih kaji silek, bacubo basilek jo inyiak balang ko. Sarupo itu carito nan sangaik populer di kampuang kami. Sakali katiko, di tahun 1960an (alah sudah parang PRRI), ado etek kami baralek. Mako abih pulanglah mak etek, mak tangah kami nan tingga di Padang maadok-i alek tu, mambao oto dinas baliau surang-surang. Oto ko baparkir badirik-dirik di laman rumah tampek baralek. Di kami paja-paja ketek katiko itu, sanang bana ati diijinan mak etek/mak gadang ko lalok di oto di malam hari. Maklumlah kami anak-anak urang kampuang. Ambo lalok batigo di ciek oto sedan ketek. Di muko oto tu ado lo oto lain, jo supir nan lalok di atehno. Tangah malam, kanti (dunsanak) nan samo lalok di oto ko mancagoan ambo dek awakno tasasak nak ka buang ayia ketek. Ambo pun jago. Sabalun turun tasarobok di mato ambo ado duo buah cahayo sarupo cahayo lampu senter agak redup di dakek dapua rumah di muko dari rumah tampek baralek. Jarakno dari oto mungkin tigo ampek meter sajo. Kaduo cahayo tu bageser sarantak kaduono kasuok atau kakida. Masih tampak-tampak di ambo roman cahayo kambatu. Kamipun turunlah. Sasudah kanti ambo salasai karayia, kami masuak baliak ka oto manaruihan lalok. Pagi-pagi kami ditanyoi dek supir nan lalok di oto di muko. 'Sia nan turun karayia tadi malam?' jano. Ambo jawablah apo adono. 'Indak nampak diang ado sarupo lampu senter di dindiang dapua tu?' jano manunjuak ka dindiang dapua. 'Lai,' jawek ambo. 'Apak nan manyenter?' tambah ambo pulo. 'Lai tau ang. Nan tadi malam tu inyiak balang. Iyo bagak, ang, talok diang turun. Aden alah tabik paluah dingin mancaliak,' jano. Iyo badabok darah ambo sudah itu. Nan inyiak, punyo mak tuo ko jadi carito urang nan labiah tuo dari ambo bahaso ano sato manjago kampuang. Indak panah sakali juo tadanga no manggaduah baiak ka urang ataupun ka taranak di kampuang. Tapi kiniko indak tau ambo apokoh masih ado juo inyiak balang panjago kampuang ko. Sabab mak tuo alah lamo mandaulu di sampiang kampuang kini alah tarang jo lampu listrik Katambah-tambah carito sajo. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi From: rinapermadi <[email protected]> To: [email protected] Cc: Sent: Thursday, November 25, 2010 9:58:39 AM Subject: [...@ntau-net] Harimau Sumatera Kelilingi Harimau Yang Terjerat Untuak Tuo-Tuo Di RN, Dulu ambo pernah dapek carito dari nenek Di daerah BUkik Barisan tapeknyo di Tilatang Kamang nenek barumah saisuak, katiko masih mudo kato nenek pabilo hari lah malam. Acok tadanga mandanguih ka suduik dapua di balakang rumah. Biaso no dek nenek bakaluakan nasi jo samba dipiriang untuak Nyiak Balang. Manuruik nenek nan mandanguih kareh di balakang rumah tu adolah Inyiak Balang nan jikok malam matonyo cando senter tarang no. Samanjak nagari alah aman, alah jarang lo Inyiak Balang mandaguih ka suduik dapua. Kiro-kiro apokoh pernah Mak Ngah basobok jo keluarga Inyiak Balang wakatu manjalajah rimbo saisuak? Kalo carito Papa Rina nan kalua masuak Rimbo lo dek jadi kurir Pak Imam. Kalo lalok di tangah Rimbo biaso no baiduik an api untuak basangai dek dingin no ari. Pabilo alah tarang ari nampaklah bakeh lalok Inyiak Balang di bakeh abu api nan iduik malam no. Alun pernah basobok lansuang jo Inyiak Balang tapi kok jo Karo gadang, kandiak, Ruso, Kijang, Ula gadang alah pernah. Baa Mak Ngah? Caritoan lolah Mak Ngah, Pak Jacky atau Nyiak Lako? Wassalam Rina Nan sanang jo carito Inyiak jo Neneknyo tantang nagari saisuak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
