Asw, mano dunsanak kasadonyo nan ado di palanta ko, ado carito pangalaman ambo
babarapo hariko.
Pado hari minggu kapatangko ambo ado acara rapek di Padang, salasai rapek kami
pai makan malam muaro kaditapi lauik tapeknyo dirumah makan Nelayan, salasai
makan ikan baka jo udang baka nan lamak bana harilah jam 21.30.
Tibo2 sabalun kami baranjak pulang datanglah 3 urang anak ketek mamintak
sidakah dg manyandang buntie putiah dan mamakai kupiah nan alah lusuah,
padohal hari alah cukuik malam.
Ambo tanyo kaanak2 tu kalian dari ma, dari Batusangka Pak jawab mereka, ambo
tanyo baliak bilo kalian ka Padang, tadi siang pak jawabnyo, jam bara kalian
pulang tanyo ambo lanjuik, kami kamalaman pak indak ado oto utk pulanglai
jawabnyo, lalu ambo tanyo baliak kalau baitu dima kalian lalok beko, alun tau
lai pak mungkin kami cari munsajik nan lai tabukak jawabnyo pulo.
Mandanga kalimat tu dado ambo taraso sasak, lalu ambo tanyo, kalian lah makan,
jawabannyo tadi siang alah pak tapi pitih kami indak cukuik utk makan malam lai
makonyo kami lanjuikan minta sumbangan dan sampai kamalaman indak bisa baliak
ka Batusangka katonyo, tapeknyo dari Panti Asuhan Aisiyah Sungayang.
Mandanga carito bantuaktu kami suruah anak2tu makan, sambie makan ambo tanyo
kalian nio baliak pulang ka Sungayang atau nio lalok di Padang, kalau bisa kami
baliak pulang pak jawabnyo sambiai mangaluakan aie mato katigonyo, sakaliko
kami kamalaman pak katonyo krn alun dapek pitihlai utk babaliak tambahnyo.
Salasai makan kami suruah anak2ko naiak ka oto ambo sambie bajalan mereka
bacarito, untuak membiayai anak2 di Panti Asuahan pengasuhnyo acok kekurangan
biaya pado hal hampia sadonyo basikola nan paralu biaya, alun lai kondisi panti
nan rusak kanai gampo nan kapatangko.
Hasil dari minta sumbangan itulah sebahagian utk biaya mrk tu dan utk
mampaelok-i panti katonyo.
Salanjuiknyo kami menuju arah tabiang utuak mancari oto kok masih ado nan
kabisa mereka tumpangi utk baliak ka Batu sangka, tapi mmg indak adolai.
Alhamdulillah tibo dimuko htl Basko ado trafel avanza nan mancari panumpang nan
kebetulan sopirnyo lai urang Batusangka pulo, lalu anak2tu kami titipkan
kasopirtu agar dianta sampai ka alamat, ongkosnya kami baie dan diagiah uang
saku sakadarnyo.
Dunsanak sadonyo itulah kondisi anak2 di panti asuhan nan adi dinagari kito,
mereka kurang mendapekan hiduik nan layak cando anak2 lain.
Lai ado panti asuhan nan amuah manampuang tapi biayanyo antah darima pulo
datangnyo.
Anak yatim nan manangih kelaparan, nan merintih tangah malam, nan sapanjang
hari baibo hati, nan babaju bekeh palasah, nan makan siso tabuang, nan
basalimuik jo angin malam, nan mandi jo aie mato, kok bajalan
manyisiah-nyisiah, kok bamain manjauh-jauah, nan salalu talupokan.
Anak yatim adolah tanggung jawab kito basamo, semoga jadi renungan.
Tks, Afrijon Ponggok Kati Basa Batuah, suku Pisang, asal Batipuah Tanah Datar,
tingga di Pakanbaru Riau.
Powered by Telkomsel BlackBerry®
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
