Wassalamualaikum WW
Sanakmbo Arman Bahar, Katik Basa Batuah, Tan Naro, sarato mamak & dunsanak
komunitas r...@ntaunet lainnyo nan dirahmati Allah dan taruih ambo cintoi dunia
akhiraik.
Izinkanlah ambo si m.m untuak sato baliak sakaki babagi ranuangan jo Sanak
saiman dan saakidah di siko.
Samanjak ambo bagabuang jo milis ko, dan babarapo kali dapek (masukan) surek
listrik dari Dunsanak lain (lansuang) via ja.pri, untuak samantaro dapek
dibuhua
sentak bahaso topik nan kito kamukokan ko SABANA PARALU DIBACO DAN DIPADALAM
MASUAK KA KALBU dunsanak awak kasado alahe. Dan, bake Sanakmbo nan (mungkin)
agak mampunyoi kalabihan dalam ilimu akhiraik, ijan panah bosan dan latiah
mangaluakan pandapek via alam maya ko.
Apokoh lai dapek tanggapan atau hanyo masuak talingo suok kalua ka talingo
kida,
biakan sajo. Ka baa nyano awak. Baitulah baru pamahaman Dunsanak awak (di
r...@ntau
net ko) manyangkuik ugamo nan dipaluak mulai dari niniak moyangnyo hinggo ka
awak sabagai anak cucu generasi penerus. Sakali lai ambo ulangi, Sanak
taruihanlah manulih atau mambahas atau manyiram kalbu urang awak via milis ko.
Mudah-mudahan sajo, dari tujuah ratuih labiah nan mambaco, mudah-mudahan
sapuluah duo puluah urangnyo lai tasaintuah dan mandapek Hidayah dari Allah
untuak sabana ka'fah dalam baagamo. Mukasuik ambo, indak cuma tahu dan paham
sajo bahaso Islam itu rakhmat lil alamin, tapi dalam hiduiknyo pun musti pulo
mambalakukan rumuih bahaso makan babi haram, dan 'makan' babu juo haram...!!!
Sarupo nan panah ambo tulih via milis ko babarapo bulan nan lalu, ambo liek,
baiak "Si Padang" nan di lapangan (manggaleh dari pagi sampai malam hari) atau
"Si Padang" nan manjadi birokrat di kantua-kantua nan ba-AC, atau "Si Padang"
nan hilia hilia mudiak (supir oto AKAP) manyangkuik pawujudan ajaran Islam
dalam
kahidupannyo sahari-hari sabana manyadiahkan. Namun, karano hiduik di dunia
fana
balakangan ko (indak di rantau, indak di kampuang halaman) balaku kredo "lu di
lu, gue di gue", akhianyo banyak urang awak nan indak tapanggia untuak
mancikarauannyo.
Mayoritasnyo, sarupo Dunsanak awak di NAD (Aceh) urang Minangkabau tu memang
dikenal, di sampiang cadiak, cerdas dan cendikia... wanyo juo paham bahaso
"innaddi na indallah hil islam" (sasungguahnyo, agamo nan bana di mato Allah
adolah ugamo Islam). Namun..... karano kuaiknyo bisikan setan di talingo
Dunsanak awak tu satiok datiak, satiok tarikan oksigen nan masuak ka paru-paru,
mako balaku pulolah perilaku "Si Padang" nan salah dan parah : "Buliah indak
sumbayang asa lupo, buliah bazina asa suko samo suko, dan buliah mancilok
kutiko
tapaso...." Nah, pahaman ugamo nan main-main ko nan banyak dipacik dek umaik
Islam sahinggo sarupo kondisi kinilah jadinyo.
Dulu, kutiko ambo rinuak di Minangkabau (1960-1970), memori kapalombo masih
alun
lupo, kutiko ado duo remaja nan bajalan di labuah gadang bairiangan baduo,
saluruah induak-induak dari rumah nan dilaluinyo mancaliak jo mato tabulalak.
Kutiko Unimbo (anak Pulisi di Piaman) mancibo naiak sepeda jo kawan
laki-lakinyo
(1965) kawan-kawannyo samo-samo gadang basorak : "Ooiiii malu awak,
Piak....!!!".
Baitu pulo kutiko maso remaja mantah ambo tingga di Gaduang (Papa kami pindah
baliak ka Bukiktinggi, 1968. Padohal 1948-1960 Papa bakarajo di Bukiktinggi),
ambo sempat maliek baitu pedulinyo pamarintah daerah bake rayaiknyo. Di tampaik
nan rami (mulai dari Jambuaie, Birugo, Stasiun KA, Pasabawah, Pasaateh, Ngarai,
Panorama, Kampuangcino, Tembok... sampai ka Simpang Mandiangin) ukatu tu di
Bukiktinggi dipasang "rambu-rambu" barupo peringatan. Digambarkan laki-laki
barambuik gondrong mamakai sarawa sampik (merek Benlon?) nan tatulih di
bawahnyo
PANTENGONG (pandia, tengak, ongok). Nah, sarupo rambu-satire nan dipajang Pemda
Bukiktinggi tulah kondisi pamahaman ugamo Islam nan dipaluak sabagian urang
awak
hari ko...!!!
Alah duo tahun ambo mamparatikan, bahaso sagalo macam topik lai namuah dimamah
dek komunitas r...@ntau net ko, namun manyangkuik soal ugamo akidah nan
mandasar
buek urang Minangkabau ko memang saroman ko lah baru minaik "Si Padang" untuak
mancibo sharing. Kabanyakan dari awak, lai ikuik mambaconyo, tapi untuak ikuik
basoal jawaok tantang masalah ugamo, biasonyo dunsanak kito ko sagan dan barek
muluik kalau alah manyangkuiksharing soal ugamonyo. {Mungkin karano kasado
alahe
'paham' sapanjang urang Islam tu indak syirik (indak manyambah Bossnyo di
kantua
supayo capek naiak pangkaik, indak manyambah pitih dari subuah sampai malam
hari
supayo capek kayo...) pasti masuak sarugo...???) He he he....
Cubo Sanak bandiangkan kitiko topiknyo mampagunjiangkan masalah duniawi (nan
manuruik ambo hanyo soal ceremene dan acok malah manyangkuik pribadi linteh
konco (kawan lamo) --sarupo nan panah dikatokan adiakmbo Riri M.Chaidir---
sarancaknyo indak paralu dipalewakan bana ka komunitas r...@ntau-net nan dibaco
dek
sakitar 740-an urang di alam maya. Tapi topik soal surang duo urang ko nan
malah
hobi bana dipalewakan Dunsanak awak nan "narsis" (?) tu via alam maya, kabaa
nyano awak???
Astaghfirullah al azim.
Baliak ka subject di ateh, ambo harokan bake Dunsanak nan 'tapanggia' untuak
babagi pangalaman jo ilimu soal akhiraik via r...@ntau net ko, taruihanlah jo
hati
nan ikhlas, Bia indak bara bana nan "mambaleh sharing awak" (reply) indak
paralu
baketek hati.
Untuak manutuik milismbo pagi hari ko, ambo mancibo mangutip papatah Yahudi nan
dalam bahaso Ibraninyo si m.m indak tahu : "Nan ditulih abadi nan diruokan akan
hilang'...!!!!!
Salam......................,
mm***
lk-2; >50th; Bks.
suku : Koto Datuak Tumangguang
gala : Sutan Rangkayo Kaciek
________________________________
From: Arman Bahar <[email protected]>
To: [email protected]
Sent: Thu, December 23, 2010 7:07:27 AM
Subject: Bls: [...@ntau-net] Sarak mangato, adaik mamakai ? (2)
Assalamualaikum ww
Kisanak AP Katik Basa Batuah, St Sinaro, MM sarato mamak & dunsanak nan
dirahmati Allah
Sanak Katik, salam kenal dari ambo, iyo taraso bana kaji Katik mah, apo nan
katik sampaikan lah kaji nan sabana kaji bana tu mah
Kito2 ko kan iyo sangaik mangaku Islam tapi indak ado komitmen taradok Islam,
bak kato urang juo go eh, badan diri awak barado dilembah nan lain samantaro
Islam berada dibukik nan lain pulo, sakalipun terlahir dari rahim ibu yang juga
Islam, Islam awak Islam katurunan
Awak kan iyo indak mamahami bana Islam tu doh apolagi mangarati apo bana
konsekwensinyo kalau kito lah mangaku Islam
Kaji Katik sarato mamak & dunsanak lain selalu dinantikan dek umat ko
wasalaam
abp58
________________________________
Dari: "[email protected]" <[email protected]>
Kepada: rantaunet <[email protected]>
Terkirim: Rab, 22 Desember, 2010 23:55:37
Judul: Re: [...@ntau-net] Sarak mangato, adaik mamakai ? (2)
Wa'alaikum salam WW,
Manyo Mamak Sutan Sinaro dan dunsanak sadonyo di Palantako
Kok santanonyo negara Minang Kabau tantulah bajalan syariat Islam sacaro utuh,
hukum qishas untuak pambunuah, potong tangan untuak pamaliang, rajam jo dera
untuak pazina dll sataruihnyo sasuai manuruik hukum syariat.
Tapi sangaik disayangkan para pendahulu kito indak namuah mempertahankan
sekaligus memperjuangkan hak istimewa istimewa Minang Kabau sorupo Aceh jo
Jogja
tu, sahinggo kini Minang Kabau nan bapaga adat tingga namo bak macan ompong,
ngaum gadang tarianglah patah urang nan indak takuik lai, kok dulu manjadi rajo
hutan kini manjadi hiasan dindiang atau koleksi di mesium.
Satantangan mamiliah pamimpinlo mamak sabuik, sarak alah mangatokan adaikpun
ado
maundangkan taga dek kito mada jou indak diambiak kapidoman, bukan budinyo nan
dicaliak, indak taatnyo nan dipandang, jujur jo amanah balupokan, tapi pitihnyo
nan paralu...??? Eeee.... nan nasib awak baitu juo indak barubah sampai kini.
Baa kaindak Mak sutan, kito mangaku urang Islam tapi alergi jo syariat Islam dg
alasan Indonesiako bukan Negara Islam jadi indak cocok syariat Islam jadi
landasan Bangsako do !!!....
Kok kalimat itu kalua dari muluik urang kapie badarai diawak indak kamanjadi
masalah bana do, tapi nan sangaik disayangkan kalimat macamko kalua dari
muluik
tokoh2 Islam pulo, inyo sasek rakyaik disasek-annyo pulo.
Kito lupo Indonesia mmg bukan negara Islam tapi Indonesiako bumi Allah dan nan
paliang cocok mengatur bumi Allah ko adolah aturan Allah sandiri.
Kalau dihimbau wajib mamiliah partai Islam dikatokannyo jan mancampukan politi
jo agamo, padohal indak ado satu sisi kehidupanpun nan buliah tanpa dilandasi
syariat atau agamo.
Sapanjang bumi nan kito tumpangiko indak dikelola jo aturan Allah nan
manciptakannyo mako salamo itu pulo kehancuran, kerusakan, keberantakan
kekacauan akan tetap terjadi, karano Allah nan manciptakan mako caro Allah
pulolah nan labiah elok dan pantas untuak mengaturnyo, yg adil dan bijak
hanyolah hukum Allah, sapanjang hukum nan dibuek manusia nan balaku mako
hukumtu
akan tetap tergantung kepentingan.
Sakian dulu dari ambo mak Sutan Sinaro dan dusanak sadonyo, kok elok ado
kagunonyo buruak buanglah kabalakang usah manjadi baban dalam hati.
Tks
Afrijon Ponggok Katik Basa Batuah
43, Pekanbaru
.
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
