Wa'alaikum salam WW Mak Sutan Sinaro dan dunsanak kasadonyo nan dimuliekan.
Tagak bulu ramang ambo mambaco kaji Mak sutan tantang ribako, lah ampie sadonyo manusia dimuko bumiko nan mamakan ribako ruponyo, kok indak di bank di rentenir, atau jo tukang palak tukang karidik alunlai nan sogok manyogok satiok urusan ka kantua sadonyo jo pitih satidak-tidaknyo bali rokoknyo dimintaknyo juo. Hei pejabat kitoko mak katonyo pelayan rakyaik tapi dalam kenyataanyo mintak dilayani oleh rakyaik, katonyo inyo nan mambangun nagariko, pitih dari ma ?.... Kan pitik rakyaik juo tu padohal nan ado pitih rakyaiktu nan disantuangnyo, dibaliannyo ka oto pribadi, pambuek rumah anak e io pulo, salasai rumah anakyo rumah kamanakannyololai karano kalau indak malu awak pejabatmah masak kamanakan rumahnyo ndak tatoloang alunlai pitih biaya kenakalan istilahnyo. Rakyaik badarai bayak nan susah gatang gatang tali ijuak lai patang indak untuak bisuak e e e nan sipejabatko nyo mambuek pesta perkawianan anaknyo dg biaya miliyaran, pitih darima tu ?... Apokoh sadonyo dari gajinyo ? kok io syukurlah. Alunlai pejabat nan dipiliah sakali 5 tahunko sabalun palu kaditokok-an nan untuaknyo dulu nan dipikiannyo kok ndak jaleh ambek cah dulu .... manahan santiang go eh ... awak nan mansyahkan kicek awak, alunlai program pai sinan pai kamari nan ujuang ujuangnyo tatap pitih walau hasilnyo kosong malompong, dima kaado hasilnyo niaik pai studi bandiangtu nanlah salah untuk pai bajalan-jalan kok ndak kini pilololai .... 'a baa pitih nan dimakannyotu tu Mak a. Lai ado nan dari Partai Islamko ciek-ciek tapi ndak bisa babuek banyak karano maambiak keputusan bukanlah berdadsarkan pandapek nan bana tapi pandapek nan banyak jo nan mambaie, kasudahannyo dari pado lapeh kaurang aa satolah saketek baambiak juo pitih sogokko dek nan lamah iman, tapi rato-rato nampak dek ambo kalaulah tibo disito abi lamah iman sadonyo tarutamo kalaulah ka jakarta nan mambaie io jo pitih rakyaik juo. Sangaik sapandapek ambo jo Mak sutan sistim ekonomi nan baaguang-aguangan diawak sistim ekonomi kapitalisme, modal saketek-ketek e untuang sagadang-gadang no indak bapikian halal jo haram nan pantiang 3H (halal haram hantam). Memang kitoko alah magaliamang cirik jo karaie Mak, ndak tapabesoanlai nan halal jonan haram riba jo jua bali, jan kaitu lai Mak jomakan sajo kito alah babuek suhat nan indak jaleh, bangga bana makan di KFC di Pizza hutc makan hambarger makan stiek namonyo tu ? ndan tantu diambo caro inggirih tudo, tapi lai yakin awak kalau ayam jo dagiangnyotu didabiah sacaro syari'at, dimalo katantu dek urangtu syariat dek iyo pitih nan paralumah, antalah ..... Satantangan pitih naik hajiko Mak a.. a io ndak dapek diambo manyabuiknyodo, ambo dulu pai naiak hji tahun 2002 apo tamasuaklotu kok io tu kabaalai wakatutu bantuaktu nan ado, tapi iolah dikicuah tagaknyo awak dek urangko. Tantangan tabungan sangaik sapandapek ambo jo Mak Sutan labiah elok pindahkanlah tampek menyimpan pitih kito ka bank-bank syaria'ah, tapi tetap harus hati-hati karano bank-bank urang kapier badangkang tu alah adolo nan syari'ah katonyo. Mohon maaf kok ado salah tulih, salah kecek, salah sabuik, salah paham dll. Afrijon Ponggok KBB 43, Pekanbaru Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
