Wassalamualaikum WW.
Tarimo kasi ateh "pencerahan" Sanak A.B malalui r...@ntau-net ko. Sakali lai, syukran Sohib. Marilah kito mandoakan, Mudah-2-an Hidayah dan Hinayah Allah SWT dapek mambukakan hati Dunsanak awak nan saiman dan sacito-cito, bahaso nan namonyo IBADAH TU DALAM ISLAM adolah nan DISURUAHKAN DALAM AL QUR-AN dan DICONTOHKAN DEK SUNNAH RASUL. Manuruik pamikiran ambo --nan mungkin fakir-- sarancak dan sabanyak a bana urang nan mangarajokan nan dikatokan "ibadah" ko, kalau indak ado doh DASAR DI A.Q mamarintahkannyo, dan indak adoh pulo Nabi Muhammad SAW mangarajokannyo atau mancontohkannyo atau mampadiakan sajo kutiko Sahabat mambueknyo, mako iko namonyo ibadah sio-sio. Kasanyo, ibadah nantun yo rancak banyano awak sajo. Alasannyo?, kan banyak urang nan mangarajokannyo....? Kalau Sanakmbo lupo, pasal banyak saketek untuak sabagai dalih pembenaran karajo (ibadah awak) di Islam indak balaku doh rumuih demokrasi tu. Meski sagalemeang urang mangarajokan bantuak ibadah tu, tapi lai diparintahkan dan dicontohkan dek sunnah Rasul, mako wanyo adolah nash. Saiah..!! Tantang, zikir(bukan jikir...!!!! Jan Sanak pajawakanpulo lidah "Si Padang" awak tu!!!===>mm), .... mukasuik ambo zikir basamonan akhie-akhie ko sangaik ngetrendilakukan manusia muslim madani di babarapo kota Indonesia, memang indak adoh doh dipabuek nabi Muhammad kutiko baliau mangambangkan ugamo 13 tahun di Makkah, dan 10 tahun di Madinah. Tapi, baa mako "Ustadz" M. Arifin Ilham basarato konco-konco palangkinnyo nan lain (nan sapacokian dalam mangatokan zikir basamo buliah) mambari alasan awalnan ampiang samo sabangun jo alasan nan dipalewakan Sanak TR jo Sanak Arman Bahar dalam komentar-2 sabalun ko...??? Dasar maadokan ibadah baru ko adolah DARI PADO INDAK ADO GABAH BASAMO KUTIKO DAPEK MUSIBAH; DARI PADO BAHURA-HURA MANYAMBUIK TAHUN BARU SARUPO URANG KAPIA, LABIAH BAIAK AWAK ADOKAN ZIKIA BASAMO. Jadi, dari awalnyo sajo, DASAR IBADAH TU INDAK BATUA. Dasar ibadah sasuai kaidah baku NAN DISABUIK IBADAH adolah ADO DIPARINTAHKAN A.Q, DAN DICONTOHKAN DEK SUNNAH RASUL. Dari pado umaik Islam (nan bak kato Nabi awak kutiko mangarajokan "hajji wadda")"ibaraik buiah di lauik nan laweh...",indak bakarunciangan gabahnyo di akhia tahun masehi, atau kutiko indak tantu ojok kutiko sadang ditimpo ujian, mako dikabeknyolah dek "Ustadz" Arifin urang-urang nan pamahaman Tauhidnyo tantang Islam rato-rato dangka, jo acara seremonial dan massal (bahkan bisa mancogok di layar TV bagai) jo sabuah program nan banamo ZIKIR BAJAMAAH. Mulo-mulonyo, kutiko awal partamo ibadah (zikir berjamaah) bikinan tahun 2000-an ko diadokan, niaiknyo memang untuak mangisi ibadah alternatif buek umat nan hobi basamo-samo, basaragam putiah putiah, dan disorot kamera TV kutiko sadang balinang-linang aie mato (He ...he he..). Tanyato "terapi made in Arifin Ilham" ko banyak nan jatuah hati. Mako jadilah wanyo sarupo ko. Apo lai ado nilai marketing nan ujuang-ujuangnyo (indak awak sadari?) bisa jadi lahan pemuehan salero konsumtif anak anak manusia madani. Iklan sponsor masuak, dan sagalo macam taktik Si Yahudi supayo samakin mampadangka pamahaman ugamo dek kaum muslim nan sarupo buiah di lautan tu, samakin mampajauah hakekat sebuah ibadah manuruik Islam nan sabana-bananyo! Karano MUI pun alun panah mangaluakan larangan, atau katokanlah FATWA MANGACU KA AL QUR.AN DAN HADIS, mako "ibadah gaya baru" nan banamo zikir basamo ko pun samakin maruyak kian kamari. Biasonyo, di ma pun situasi dan kondisinyo di dunia nan fana ko, "Suaro kabanaran tu taruih sayuik-sayuik sampai tadanganyo dek talingo nan alah disumbek dek dalih kemayoritasan". Mako bakambang biaklah "ibadah gaya baru" ko sampai ka dunia politik bagai. Sampai datiak ko, di nagari kumpulan kaum bedebah ko, ado namonyo "Majlis zikir SBY"; Majlis Zikir parpol anu; Majlis Zikir Ormas anu; Majlis Zikir LSM anu...., dst. (Tapi, lai Sanak panah tahu, kawan ambo (Si Tole) nan non muslim, panah pulo dapek job-des sabagai Bendahara kutiko tahun lalu ado Program Majlis zikir nan diadokan LSM). Padohal kalau Dunsanak awak tu tahu dan sadar sasadarnyo, kalau iyo baibadah ka Allah SWT nan SATU, nan MAHA ESA, nan MAHA TAHU, dan MAHA KUASO, indak paralu bana doh untuak bazikir tu pakai logo (partai, sponsor produk, baju koko gratis balambang parpol, astghfirullah al azim...!!==>mm), indak paralu bana pakaispeakeratau kamera (supayo kalua di layar TV). Cukuik duduak di sajadah (baso kampuang ambo : lapiak sumbayang....==>mm) di kamar. Kamudian mulailah maetong buku-buku jari suok (indak paralu dibaok pulo doh JARI TANGAN KIDA BAZIKIR..!!!) sabanyak 33 X Subhanallah, 33 X Alhamdulillah, 33 X Allahu Akbar dan 1 X Laa ilaha illallah. Kamudian? Kalau nio batambuah, taruihanlah baliak dari awal sarupo nan partamo. Sampai pagi? Up to you...!!! Ijan lupo Sanak, Allah SWT Sang Khalik tu, indak kamancaliak bagai doh sadang pakai logo a baju kuruang atau baju koko nan dipakai, indak kabisa bagai doh direkayasa BALIAU SANG KHALIK tu jo aia mato balinang-linang dan disorot dek kamera TV, dan musti pakai baju putiah kasado alahe jamaah zikirnyo. Indak kabisa Allah tu direkayasa Sanak...!!!! Justru, kutiko awak zikir di rumah, zikir di ruang tamu/ ruang keluarga kutiko sadang jedah iklan di TV, zikir kutiko sadang manunggu mitra bisnis di lobi hotel babintang, zikir kutiko sadang cigindi jalan tol manuju lokasi proyek, zikir kutiko sadang mananti induak bareh men-delevery makhluk baru ka ateh dunia, zikir kutiko manunggu dipanggie fit and propertest, zikie surang diri mangana ka ESA-an Tuhan, ikolah wanyo nan sabana-bana disuruahkan. Jadi, bukan zikir barami-rami sambia mamamerkan mukenah mutakhir atau baju koko termahal nan Sanak punyoi. Indak itu doh, Sanak...!!! Tantang zikir basamo, nan panah pulo diparkenalkan dek Dunsanak kito dari "Majlis Zikir" Surabaya, sasudah malapetaka gampo di Minangkabau (30092009), alah pulo ambo simpai abih malalui r...@ntau-net ko sakitar Oktober 2009. Dan, pihak nan mampatagak-an zikir bajamaah tu indak baa doh, alah pulo manjawaok di siko. Bahkan, Sanakmbo Ridha (nan ukatu tu sadang di KSA) alah pulo mambari dalil nan nash & sahiah bahaso zikir bajamaah di lapangan gadang tu INDAK ADO DOH DISURUAH DEK AL QUR-AN DAN DICONTOHKAN DEK NABI MUHAMMAD ATAU SAHABAT, nyatonyo dalil Si Ridha tu malah dipencongkan si pandukuang manjadi Khilafiah. Nah, kalau alah babelok ka soal khilafiah...... lamo ka lamoan nan haram pun bisa manjadi "halal". Astaghfirullah al azim. Antahlah, Sanak. Baitulah parjalanan ibadah ugamo nan dipabuek dek kaum muslimin di ateh dunia nan samakin tuo ko. Lagi pulo, nabi awak kutiko malakukan hajji wadda', alah pulo manggaris bawahi bahaso di akhia zaman nanti ado 70 golongan dalam Islam, tapi hanyo ciek golongan sajo nan kaditarimoamal ibadahnyo. Nan lainnyo? Iyolah asal ibadahsajo. Subhanallah. Allahu Akbar. Bake Dunsanakmbo komunitas r...@ntau-net nan saiman dan sacito-cito, ambo mintak maaf sabaleh jo kapalo, kalau dalam tulisan si m.m nan sapanjang tali baruak ko banyak sikuik jo sewainyo. Sakali lai, mohon ambo dimaafkan. Bilo ado nan rancak dan bana manuruik Sanak nan ambo tulih, itu adolah barasa dari Allah SWT, tapi bilo banyak "cirik minyak dan palai kosoangnyo" nan ambo tulihko, itu samato-mato barasa dari si m.m anak urang Darek nan indak lupuik dari kahilafan & sipaik somboangnyo. Salam arek buek Diak IJP, JoDut, JB, MakNgah, Pak Guru Lambau, Bundo Kami, Pak Doto PKU, Tan Ameh, Tan Naro, Tan Sati, AI, Da Saaf, Pak MN, Malin 'Daro, .... basaro aktivis r...@ntau-net lainnyo nan indak panah bosannyo namuah mambaco tulisan si m.m via milis the best from & for Minangkabau's ini. mm*** Lk-2; >50th; Bks suku : Koto Dt, Tumangguang gala : Sutan Rangkayo Kaciek. HP : +62 812 80 33925 SMS only : +62 811 19 91354 ________________________________ From:Arman Bahar <[email protected]> To: [email protected] Sent: Mon, December 27, 2010 8:32:27 PM Subject: Bls: [...@ntau-net] Undangan Anjungan Sumbar TMII Assalamualaikum ww Maaf ambo hanyo sakadar urun rembuq Pak Zultan Bogor, mamak sarato dunsanak sado alah'e nan dirahmati Allah Kito tasuruh bana berzikir tu tumah, sasuai perintah Allah dalam salah satu ayatNYO, dalam surek Al A'raf (surek 7): ayat 205 "Dan berzikirlah (ingatlah) kepada Tuhanmu "dalam hati dan rasa takut" dan dengan"tidak mengeraskan suara", pada waktu pagi dan petang, dan janganlah kamu termasuk orang2 yang lengah" Biasonyo sasudah berzikirko kan kadok juo ditutuik jo doa, tantang doa ko pun kita tasuruah (diperintahkan) sebagaiman dalam surek Al a'raf juo ayat 55 "Dan berdoalah kepada Tuhanmu 'dengan rendah hati dan suara yang lembut", "sungguh DIA tidak menyukai orang2 yang MELAMPAUI BATAS" Ado juo nan lain dan senada yaitu dalam surek Maryam (19):3 "Yaitu dia berdoa kepada Tuhannya 'dengan suara yang lembut" Disurek nan lain ado juo nan sanada bunyi'e, silahkan saja cari sendiri Jadi bajikia2 jo badoa tu, ado kok nash nyo dalam Alquran dan tantu banyak pulo contoh2 dari Rasulullah dan shahih2 hadistnyo Jadi sia nan ingin badoa2, baiak sorang2 dan kapan saja, kok nan rancak tantu sasudah tangah malam, sangaik rancak kok lah biaso mandoa basaratoan jo tangih dan tetesan aia mato, tando seriyus, mudah2an dijabah Allah Ba-samo2 atau ba-rami2 sapanuah ruangan atau musajik pun baitu pulo, ditangah nan rami bajikia badoa tu pun kok ta-isak2 sampai kalua salemopun rancak bana tando lai serius mamintak ka Tuhan, cumo paralu diteliti baliak, istilah ba-rami2 atau ba-samo2 tu dalam kebersamaan yang masing2 atau sorang2 dilakukan, kalau di ambo ma-aratikan sorang2 atau sendri2 "tidak pakai komandan upacara" atau komando Begitu juga istilah dengan suara yang lembut itupun tentu berarti ada nuansa kesyahduan dan tidak keras2 apalagi sampai teriak2 hingga "TERGANGGU" pula urang disubalah awak, muko bulakang kiri kanan hinggo suasana kekhusukan dan konsentrasi atau apolah namonyo kawan2 atau tentangga sapando'aan indak merasa tagaduah dek awak Nan kadok dipraktikkan dek urang nampak dek ambo adolah "pakai kumandan jikir" dan pakai pengeras suara, haa, .... praktik nan co iko iyo ragu ambo deknyo, karano kan jaleh tu indak sasuai jo ruh, isi dan maksud kato2 Allah dalam ayat2 diatas Na ciek lai taraso dek ambo, doa nan ka ambo sampaikan ka Tuhan tu, indak samo bagai jo doa yang diteriakkan sang kumandan, biasonyo kok tasuo nan bantuak iko, ambo lai angkek tangan juo badoa tapi ambo indak ma-amiinkan doa komandan tu doh, ambo lai samo manampuang tangan co jamaah nan lain tapi doa ambo tu iyo doa ambo sendiri pulo Nan praktik ambo ko, lai juo rancaknyo, karano kawan2 atau jamaah nan pro doa bakumandan indak mancaliak manjaliok ka ambo doh, dek disangkonyo kito lai sapacokian atau sa aliran mah, karano dikelompok nan bantuak itu capek bana awak disangkonyo urang Wahabi atau Salafi atau Muhammadiyah, padohal awak indak sato manyato jo nan tigo tu, awak bapidoman ka ayaik Tuhan seperti nan diateh dan contoh yang ada atau Sunnah dari Rasulullah tentang zikir dan doa yang matsur Kecek urang go eh, Rasulullah salamo jadi nabi dalam da'wah Beliau SAW salam 23 tahun hanyo sakali melakukan "doa terkomando" tu, yaitu kutiko musim hangek, hujan lah lamo indak turun, nagari lah masiak lah layu layau sadonyo, Beliau diminta dek jamaah agar badoa mamintak ka Tuhan supayo Allah berkenan manurunkan hujan Kemudian Beliau SAW ma-ajak urang banyak sholat mintak hujan (Istisqo') 2 rakaat sasudah salam baliau badoa dan di-amiinkan dek nan hadir katiko tu, sakalitu nyo Beliau nan jadi kumandan doa dan pada kasus yang khusus pulo yaitu doa mintak hujan, Alhamdulillah, Doa Baliau SAW mukabua, indak lamo antaronyo hujan turun sa-labek2nyo Praktik bantuak iko tasuo dek ambo kutiko haji 2009, agak lamo sekitar 15 minit sasudah sholat subuah tadanga ado suaro imam mangecek sapatah doa patah (dalam bahaso arab nan ambo indak mangarati) sudah tu tampak jamaah tagak ambo pun sato lo tagak, sudah tu tadangan pulo imam takbiratul ihram, baru ambo bisa ma-ngiro2 mungkin iko sholat sunat mintak hujan mah, sasudah salam basambuang jo doa dan ambo sato ma amiinkan sampai salasai, tibo di hotel sekitar jam 8 pagi, mulai hujan turun, lumayan labeklahm, iyo mukabua doa imam Makkah ko kecek ambo kagum dalam hati, baa ka indak kami di Duri pernah juo ma-adokan sholat dan doa mintak hujan, tapi lai indak turun2 hujan nan dimintak tu doh, mungkin kito2 ko banyak doso mako doa indak mukabua Itu pemahaman ambo tantang jikia dan doa, tasarah dek kito tu nyo lai, managahan pun ambo indak, ambo kan sakadar sharing sajo, mohon maaf kok pemahaman ambo kaleru dan indak samo jo mamak & dunsanak wasalam abpmalinbandaro58 ________________________________ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
