(Kucindan Minang)
"Tambuah Ciek Sakali Duo" Ambo punyo kawan kantua panggilan akrabnyo dek kami adolah Totok, asli urang Batak tapi bahaso Minangnyo yo berlapir-lapir pulo, itu dek karano inyo dulu cukuik lamo juo di ranah minang. Suatu katiko ambo jo Totok ko pai makan siang istirahat ka rumah makan urang awak dakek kantua nan bagaya ampera (samba lamak harago manenggang). Lah duduak ambo jo Totok mamasan nasi ampera sasuai jo samba nan diminta, katiko nasi ko baru duo tigo suok dek kawan ambo ko nan badannyo iyo "kelas berat" bana, kok paruiknyo jaan disabuik nampaknyo dek ambo paruik Bang Totok ko yo labiah maju juo dari karirnyo (hi hi hi) basoraknyo inyo ka tukang sanduak nasi ampera "Tambuah ciek sakali duo, Da !!" Ahaa yo gak tagalenjek ambo jo tukang sanduak mandanga sorak Totok ko minta tambuah ko. "Gak lain gaya Bang Totok mah minta tambuah, .yo padek..apo tu maksudnyo" tanyo ambo "aiii Pak Jepe co ndak tahu pulo, baranti se lah jadi urang Padang, kok ndak tahu "tambuah ciek sakali duo" kecek Totok "Iyo..apo tu mukasuiknyo" Urang awak kalau makan nasi ampera ko kalau minta tambuah kan basorak "tambuah ciek, Da", samolah kok baranti awak naik oto siti di Padang basorak ka sopir "siko ciek Da" bisa juo "siko ciek Da, duo sakali turun, lai jaleh dek Pak Jepe tu" Totok manarangkan ka ambo jo bahaso padangnyo nan berlapir-lapir "ohhh..jadi mukasuik Bang Totok minta tambuah ciek ko tapi duo piriang sakali turun mah yo ka meja awak dibaok tukang sanduak" "haaa yo co itu, lai tinggi antene Pak Jepe mah apo nan ambo mukasuik" " He he he..kok co itu bialah ambo sorakan pulo ka tukang sanduak ampera tu dulu pak Totok" "Da..Da... ambo iyo lo..tambuah ciek sakali duo" sorak ambo ka tukang sanduak nasi "Yop..sakali duo" kecek tukang sanduak "minta sebeang Pak Jepe, talua dadar nan taba tu ciek baduo awak" kecek Pak Toto "Oppss tu ndak sebeang namonyo tu Pak Toto, ciek sambanyo mah tapi bakarek duo" :"He he he iyo ..yo..yo.".tambuah samba ciek bakarek duo" Pak Jepe" Nan tambuah ko tetap juo disabuik "tambuah ciek" tapi dimeja kami lah turun 4 piriang ketek nasi tambuah , samba talua dadar nan taba kami karek duo, lah bajadi suok cepak cepong kami makan kok taraso auih jo padeh batulak juo sadaguak-sadaguak aia Teh Es Goyang. Salam-Jepe 45 Thn, L (lagi di Kerinci-Pelalawan) The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
