Assalamualaikum ww Kisanak Ryan Firdaus, Ramadhanil Pitopang, Afrijon KBB sarato mamak & dunsanak nan diramati Allah
Gambaran betapa militant (bahaso sanak Ryan bajibaku atau jihad dalam da'wah) nan alah dibukakan saketek tu sudah bukan ditahap teoritis kini lai doh tapi alah banyak diaplikasi urang disakuliliang kito dan hasilnya sungguh sulit untuk manggambarkan rasa sukur dan tarimo kasih kito ka pencetus da'wah metode tarbiyyah ko Asy Syahid Hasan al Banna al Hafidz 83 tahun lalu (Maret 1928) di Mesir Pengalaman sipiritual pribadi ambo betapa sebelum berkenalan dengan metode ko ditahun 2004 kutiko usia ambo masuak 52 tahun (lah bagabung juo ambo di milis RN ko sajak 1999), iyo sangaik taraso bana bedanyo, betapa jauh sangat kurangnyo kualitas ukhrawi ambo kutiko tu, kok sumbayang subuah lah satangah tujuah, kok lah takaja dek talambek jago dan takuik talambek pai karajo, lamak sajo indak sumbayang subuah tanpa merasa bersalah sedikitpun, luhua paliang capek satangah duo bisa2 ampia satangah tigo, kok asar bajulek sajo jo mugarik nan isya acok tingga dek mato lah panek nonton HBO baitu pulo kok ka jumaik, tagageh2 kok lah tadanga suaro adzan tando katib alah naiak mimbar Kok bulan puaso sasudah babuko badan tasanda lamang dek kakanyangan, nan anak2 jo bini dihalau supayo bagageh pai tarawiah kamusajik nan awak ma-ngalai2 kakanyangan sambia manontoh pilem terbaru Hollywood di channel HBO, biasolah kakobeh nan taralah sumbayang Isya namuah pulo tingga kok indak bakarajoan ta-gageh2, kok tuma'ninah usah disabuik, bajakaik lai alun lai kok basidakah lai indak sampilik bana doh Walau wakatu ketek lai juo baraja mangaji tapi dek indak tuntas dan indak mamutuih namun lai indak buto aksara Alquran bana doh, kok disuruah mangaji pastilah ter-bata2 alias ma-ijo2 dek sajak indak lai baraja mangaji wakatu kelas 4 SR saisuak sampai SMP, SMA, S1 sampai lah baranak 4 indak pernah lai doh mambaco Alquran, pado indak lai juo tahun 1975 ambo baco2 surek Yasin istilahnyo tapi nan ambo baco2 adolah ayat kursi nan disuruah induak ambo, itupun dek ambo sakaluarga dapek rancaman ka di guno2 atau sejenisnya dek gara2 keluarga kami manulak lamaran urang nan ka ma-ambiak ambo jadi minantunyo, buku saku nan banamo surek yasin istilahnyo sajak itu manjadi kawan setia ambo, namun nan surek yasin tu bana sangaik jarang ambo baco sahinggo ambo suatu hari kena batunya kutiko 1980 ado tetangga sabalah rumah dikomplek rumah perusahaan dapek musibah anaknyo maningga, tantu lazim urang2 bat'ziah mambaco yasin ba-samo2 karumah duka tu, dek awak mambaco indak lancar kutiko urang alah salasai Yasin, nan awak baru saparo nan sudah tapi dek jujur tantu ditaruihkan juo mambaco, mako tadangalah dek kawan2 tetangga nan awak tanyato indak pandai magaji, indak tangguang malunyo ambo kutiko tu, kasudahannyo kawan nan duduak subalah ambo mambacokan dan ambo iriangkan supayo capek sudah maklum dilua rumah duka alah manunggu pulo rombongan giliran berikut nan kamasuak pulo mambacoan yasin tu Walaupun ambo indak pandai mangaji, raso ingin pandai tu tatap ado, ka baa lah ka baraja awak lah taraso malu dek awak lah gaek juo, dek ingin juo pandai bak urang mako dibalilah sapaket kaset2 mangaji kok lai ka mambantu, tantu sajo caro iko indak manyalasaikan masalah terbata2 tu doh, cumo kalabiahan ambo lai suko mambaco buku2 agamo, batahun2 ambo balangganan majalah PANJI MASYARAKAT Buya Hamka dan rajin mambali buku2 agamo Tahun 1983 ambo malanjuikkan kuliah Fekon di Universitas Islam Riau setelah bangkalai kuliah di UNRI 1973-1974 dek dapek karajo Caltex, tantu kampus tu jauah dari Duri Suatu hari dek hari lah dakek ka puaso kampus mengadakan "Penataran 2 hari Mubaligh Kampus" tantu sajo ambo sato ciek, kami ditatar dari pagi sampai manjalang mugarik salamo duo hari tu agar bisa terjun ka masyarakat sebagai da'i pengisi kegiatan ekstra kurikuler selama bulan Ramadhan, ruponyo indak lamo sudah tu dek takadia Allah musajik dakek rumah ambo di Tampan Pakanbaru, ustadz nan ka mambari ceramah / santapan rohani Ramadhan indak pulo tibo dek hujan sangaik labek katiko sadang sumbayang isya tu, mako bisiak2lah para pengurus musajik dan katiko protokol tagak dipodium mambari tahu ustadz nan indak datang tu diminta saudara kita Arman Bahar manggantikan, mungkin pengurus tu manyangko UIR sam jo IAIN jadi ambi dianggap bisa manggantikan ustad nan berhalangan, pado hal kuliah ambo kan Ekonomi, mako tabik paluah kuniang ambo deknyo, mandingin mangiok2 raso tulang sandi ambo sakutiko, dek bajak lah tibo di halaban indak bisa bakilah lai, ambo kuek2an hati langsuang tabukak pangana, dek awak cako siang lai sempat mam-baco2 majalah Panji Masyarakat tantang Islam dunia Islam serta Ukhwatun Hasanah, bangkik PD ambo, indak dapek aka lai babusa(na) muncuang ambo dek sumangaik mambari ceramah, lah bak raso ustad kondang bana ambo rasonyo kutiko tu dan talabiah respon jemaah positif pulo dek ambo bumbui saketek jo joke2 ringan, kok indak mangana ka sumbayang tarawih lai, lupo ambo baranti, namun dari semua itu ado taraso kurangnyo ciek, dari sapanjang tu ceramah ramadhan ambo tu, indak sapotong ayaik ataupun hadist pun nan ambo kaluakan, bak kecek urang go eh "Ustadz Kontemporer, curito ustadz ba-lapia2 soal agamo tapi sapotong ayat pun indak ado nan kalua dari muncuangnyo Tahun 2002 ambo pai Haji namun dalam kondisi indak pandai juo baco Alquran namun nan pegangan ambo buku saku surek yasin tu, lai alah pandai ambo mambaco yaa siin agak kancang saketek, itukan dek acok di-baco2 tantu hapa dek ambo danguang dan panjang pendeknyo tapi kok di-aliah kaji ka nan lain, ha iyo bodoh ambo baliak alias ter-bata2 atau ma-ijo2. Di Masjidil Haraam urang salasai sumbayang fardhu mambaco Alquran betapa iri hati ini maliek urang Pakistan disubalah ambo mambaco Alquran capek dan lancar bak ngebut dijalan tol, ambo caliak pulo urang rumah ambo, lancar habiizzz pulo mangaji maklum tamatan PGAN tantu ambo indak namuah kalah ambo tintiang pulo mambaco surek yasin buku saku ambo nan setia tu dan tantu sajo indak kalah gaya ambo doh, lancar abizz pulo, salamo disinan mungkin sudah ratusan kali nan surek yasin nan ciek tu nan ambo ulang2 pokoknyo jan sampai kalah jo jamaah lain, ngebut urang mangaji sampai khatam ber-kali2 salamo ditanah suci nan ambo pun baitu pulo indak namuah kalah, kok urang khatam Alquran 30 juz nan awak katam Yaa Siin, indak taetong kali nyo doh tapi kan iyo lai itu ka itu sajo nyo, jadih juo lah pado indak, kecek awak mahibur diri dalam hati Mulo bagabuang ambo di pengajian (Halaqah) Jamaah Tarbiyah tagun 2004, iyo tamalu awak sakali lai karano sabalun masuak kaji materi halaqoh satiok peserta tarbiyah (mutarabbi) wajib mambaco Alquran (tilawah) labiah kurang 5 sampai 10 ayat surang mako tabukaklah rahasio bahaso pak haji awak nan ba-umua 52 tahun ko alun juo pandai mangaji alias ter-bata2, apa boleh bua, the game must go on, dipinggirkan raso malu, mangaku awak memang indak pernah mangaji, tapi dalam hati baraja bana lah awak sudah ko dirumah kan bini awak lai anak PGA nan santiang mangaji, baa nan salamo ko awak lalai kok malu baraja ka urang, bukankah sang istri tercinta lai pandai, kenapa tidak berguru saja sama dia, emangnya gengsi, makan banalah di ang gengsi tu sudah ko Alhamdulillah sejak bergabuang di Jamaah Tarbiyah, Arman Bahar yang dulu begok mangaji kini lah kancang co urang Pakistan tu, kok dulu pai haji tahun 2002 perbendaharaan ayat2 sumbayang awak 7 surek pendek sajak dari Qula'uzubinnaas, Qula'uzubirabbilfalaq, Qulhuallahu ahad, Tabbattiadaa, Izzaja'aa, inna a'taina, walashri tidak lebih, Insya Allah kini indak co dulu lai, kok juz 30, 29, dan 28 alah dilua kapalo, acok indak sungkan2 didaulat urang jadi imam kok imam berhalangan hadir, kok ditugaskan pai ta'lim atau ceramah ka kampaung2 tamasuak ceramah ramadhan dan merangkap imam tarawiah alah kaji manurun (kok dikota tantu agak galiang juo awak dek dikota banyak urang nan santiang2 dari awak, bialah kelas awak ka kampuang2 sajo, kan urang kampuang bisa dipatakuik gai dek awak) Alhamdulillah kutiko pai haji baliak 2009 awak lah PD bana mangaji, lai samo kancang jo urang Pakistan tu bahkan sajak 3 hari sabalun kabarangkek sampai 1 jam manjalang mendarat di Bandara Madinah awak khatam Alquran lo baliak, tapi nan sakali ko sungguah mengesankan dalam hati, khatam diatas pesawat raksasa berlantai dua SAUDI AIR diatas udara Allah Tanah Suci Kota Suci Nabi Muhammad SAW sang Guru/Murabbi handal awak sadunia Syukur Alhamdulillah, semoga Imam Asy Syahid Hasan al Banna al Hafizd dan semua ustadz/murabbi/naqib yang telah membimbing dan membina sosok tua ini mendapat limpahan rahmat dan ditempatkan se-mulia2nya disisi Allah SWT mohon maaf kok talongsong wasalaam abp58 ________________________________ Dari: Ryan Firdaus <ryanfirdau...@yahoo.com> Kepada: rantaunet@googlegroups.com Terkirim: Ming, 9 Januari, 2011 20:24:06 Judul: Re: Bls: [...@ntau-net] Metoda Dakwah islamiyah - Tarbiyah suai wak tu pak Ramadhanil Pitopang... kok iyo nio bajibaku mengemban tugas Dakwah ko...nan teoritisnyo alah banyak di kaluakan dek Pak Arman Bahar jo sanak Afrijon, paralu kito cari Ulama warisatul Anbiyak nan bertaraf Mursyid...sarato anggota nyo nan menjadi bayangan ilmu dan pribadi pemimpin tersebut.....Seperti juga Rasulullah yg mempunyai para sahabat nan setia yg menjadi cermin Rasulullah...ada pula Jemaah yg di pimpin oleh Ulama tersebut sebagai contoh masyarakat Islam yg mengamalkan Islam sebagai 'Way of Life'....insyaAllah kalau kito2 bagabuang manjadi penguat untuk dakwah yang telah di mulai... Kok baru ka mamulai dari bawah lo liak.....agak payah.... iko pandapek pribadi ambo se..bukan untuak mampaketek2an buah pikiran mamak2,angku2,sanak2 sabalum ko... wassalam, Ryan 43 Ipoh ________________________________ From: Ramadhanil pitopang <pitopang...@yahoo.com> To: rantaunet@googlegroups.com Sent: Fri, January 7, 2011 10:08:32 PM Subject: Bls: [...@ntau-net] Metoda Dakwah islamiyah - Tarbiyah Ass.ww. Sanak Afrijon, baitulah nan banyak tajadi kini. Urang berdakwah jo muluik nyo sajo, nan hati jo kalakuan "jauah panggang dari api". Rasulullah berdakwah bukan dengan perkataan yang bertubi-tubi, tetapi dengan Perilaku dan AkhlakNya yang Akhlakul Karimah. Semua perilaku, perkataan dan akhlak Rasul adalah cerminan Alquran. Untuak itu tugas kito pulo mancari seorang Ulama Warisatul Anbiya, nan indak maharokan amplop dalam menegakan panji-panji kebesaran Islam Mulia Raya. Wassalam, Ramadhanil Pitopang Palu- 47 tahn --- Pada Jum, 7/1/11, Afrijon Afrijon <aafri...@yahoo.co.id> menulis: >Dari: Afrijon Afrijon <aafri...@yahoo.co.id> >Judul: Bls: [...@ntau-net] Metoda Dakwah islamiyah - Tarbiyah >Kepada: "rantaunet@googlegroups.com" <rantaunet@googlegroups.com> >Tanggal: Jumat, 7 Januari, 2011, 11:15 AM > >Wa'alaum salam WW. >Mak Arman Bahar dan dunsanak nan lainnyo di Palanta nan berbahagia >Tarbiyah (Prndidikan) memang da'wah harus mendidik, seorang juru da'wah harus >lebih memahami, menguasai dan mengamalkan lebih dulu baru mengajarkannya >kepada >orang lain inilah yang dicontohkan oleh Rasulullah, dalam ajaran Minangpun >juga >dianjurkan bahwa seorang pemimpin itu harus sarupo "mamnadi-an kudo awak >dulu tajun ka aie baru taranak mairingan, bukan sarupo mamandikan kabau >taranak >disuruah masuak aie nan awak tagak di pamatang". > > >Mungkin iko juo salah satu kurang efektifnyo dakwah karano masyarakat >kekurangan >panutan seperti nan dilakukan oleh Rasulullah, para sahabat dan tabi' >- tabi'in sarato para ulama-ualama panutan zaman dulu. > > >Para ulama dan muballihg zaman kini alah banyak nan multi fungsi tidak lagi >fokus kepada tugas da'wah, sudah terpengaruh dengan materialis dan duniawi, >berda'wah lebih kepada serimonila, promosi, layaknya seperti selebrity >sehingga >target dan sasaran da'wah tidak lagi menjadi tujuan, mungkin iko nan >dimungkasuik oleh Rasulullha "akan datang suatu masa kepada ummatku tidak akan >kenal kalian dengan 'Ulama kecuali apa bila melihat pakaiannya" (Wallahu >"alam). >Satu-satunya jalan memang adalah kita harus "irji'i ila sabili Rabi warasuli" >kembali kkejalan Allah dan Rasul. > > >Tks >Afrijon Ponggok KBB >43,L,Pekanbaru -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.