Assalamu'alaikum WW
Mamak Arman Bahar, sanak Yasrul Huda sarato dunsanak nan lainnyo di Palanta RN
nan dirahmati Allah.
Kalau kito berbicara soal juru da'wah yang ideal, seorang 'ulama nan akan
memberikan fatwa, mako apo nan disampaikan dek sanak Yasrul Huda tu memang
batua, seorang da'i harus menguasai ilmu 'alaq, qawa'id (nahu, syaraf, mantiq,
ma'ani, balaghah) dikarenakan referensi-referensi ilmu ke Islaman nan original
datang dari Rasulullah, para sahabat, tabi' - tabi'in, imam-imam mazhab dan
pemikir-pemikir Islam lainyo umumnyo ditulis dalam tulisan arab.
Sedangkan untuk memahami dan mendalami tata bahasa dan sastra arab indak
cukuik sekedar pandai berbahasa arab sajo dengan mengartikan sacaro leterlet
nan tasurek didalam kitap/bukunyo, karano bahaso arap ampai samo jo bahaso
minang "didalam nan tasurek ado nan tasirek dan dalam nan tasirek ado pulo nan
tasuruak" disitulah latak maana sabananyo.
Memang banyak dan sangaik banyak para juru da'wah zaman kini nan indak
menguasai ilmu 'alaq sahinggo kadang-kadang dalam mengaluakan fatwa bisa-bisa
malah menyesatkan ummat, iko nan disabuik "dhallu wa adhallu" inyo sasek urang
disasekkannyo pulo.
Pandai berbahasa arab sajo juo alun tantulai bisa jadi 'ulama atau da'i nan
ideal buktinyo indak seluruh urang arab nan mangarati jo hukum-hukum dan ajaran
agamo makonyo mereka tetap juo paralu baraja dan indak sadonyo nan manjadi
'ulama atau da'I, karano untuak memahami bahasa Al-Quran, hadist, dan
kitab-kitab islam lainnyo diparalukan beberap ilmu diantaronyo adolah : 1. ilmu
'alaq/qawa'id, nan didalamnyo ado nahu, syaraf, mantiq, ma'ani, bayan,
balaghah, 2. Ilmu tafsir dan asbabunnuzul, 3. Ilmu hadist dan musthalah hadist,
4. Ilmu fiqih dan ushul fiqih, ilmu tauhid dll.
Untuak menguasai berbagai ilmu itu memang indak gampang dan indak bisa dalam
waktu satahun duo tahun dan paralu kesungguhan untuak menekuni mampalajarinyo.
Untuak mampalajari ilmu bahasa arab (ilmu bahasa arab berbeda dengan bahasa
arab) indak pulo paralu pai kanagari arabtu do, dikampuang kito cukuik banyak
tampek barajako dan sampai kini masih ado walau angok-angok bauag pulo dek
karano urang awak alah manomor sapuluahkan mangaji kitabko, kito masih punyo
Tarbiyah Muhammad Jamil jaho dan Thawalib di Padang Panjang, Tarbiyah Buya
Labai Sati di Malalo, Tarbiyah Umarbakri di Pariangan, Tarbiyah Pakandangan di
Pariaman, Tarbiyah Buya Ramli di Gurun Batu Sangka, Tarbiyah Painan di Balai
Salasa, Tarbiyah Buya Bakhtiar Daut di Kampar dan banyak lagi nan lain.
Sapangatahuan ambo di madrasah-madrasah nan dulunyo manjadi kebanggaan Minang
Kabau tampek baraja para 'ulama-'ulama besar disebahagian besar Nusantrarako
malah sampai dari manca negara juo baraja agamo disiko sampai kini masih
mamakai kitab-kitab nan originil ambo tau karano ambo pernah baraja di beberapo
madrasahko sewaktu mangaji dulu, walau kini muriknyo lah bisa dihetong jo jari
dan bahkan ado nan alah mati namun guru-guru dan generasinyo masih ado.
Sungguahpun baitu walau indak memenuhi standar nan ideal namun nan da'wah kan
indak buliah baranti "sampaikanlah wlaupun sapotong ayat" dan untuak berdakwah
saat kini tidak harus lagi mambaco kitap kuniang karano alah bayak
terjemahan-terjemahan dalam berbagai bahasa nan diparalukan namun kito tetap
harus selektif dalam mancari dan mamiliah referensi.
Tks dan bayak maaf
Afrijon Ponggok Katik Basa Batuah
43,L,Pekanbaru, asal Batipuah Baruah Tanah Datar.
Powered by Telkomsel BlackBerry®
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
