PANGGILAN TANAH KALAHIRAN Jatuah badarai aia matoden Sasudah mancaliak Kodak Singgalang Tadanga lo diden lagu “Kampuang nan jauah dimato Gunuang sansai bakuliliang Den takana jo kawan-kawan lamo Sangkek den basuliang-suliang…”
Tabayang diden baliak Maso tingga di Ranah bundo Gadang dipangkuan kasiah sayang bundo dan dunsanak Di kampuang nan indah permai Sawah ladang mambantang Bapaga Bukit Barisan Maso tumbuah dan bakambang sampai SMA Di nagari bak kapiangan sarugo Kawan banyak Makanan lamak Huduik panuah kacariaan Katiko jadi mahasiswa Maso aden baraja tagak surang Bapisah dari bundo Tapi masih di bawah asuhan bundo Tamaik den kuliah Den pacik pituah lamo “Karatau madang dahulu Babuah babungo balun Karantau bujang dahulu Di kampuang babungo balun” Jatuah badarai aia mato den Katiko kapa Karinci Mulai maranggang di Taluak Bayua Sambia diiriangi lagu “ Selamat tinggal Teluk Bayur Permai…” Tangan den malambai-lambai Kakaluarga nan sato malapeh den pai marantau Tampak di den bundoden maratok lo di darmaga Saroman jo parantau umuno Den hadanglo rantau batuah dun Kok taragak den jo nbundo Den bae malagu “ Tinggalah kampuang ranah Bukittingi…” Alah tataklukkan di den rantau Rupono aden takluk pulo Ka nan punyo sanyum nan manih Jo tutua katono nan lambuik Sarato sikapno nan santun Indak mempan nasiaik bundo Kalau aden akan tagadai nanti Anak-anak den indak basuku Ati den kanai .. kabaa juo.. Kato Ustazd Maut, jodoh, rasaki, … DIA yang menentukan Kabaa li… mantun nasib den Den tarimo sen Bekolah urusan budaya dun Kini den jo kaluarga manataok di kota dingin Pindah dari kota panas Tapi bahaso nan kami pakai tataok samo Bahaso ibu anak-anak den Reuni alumni SMA 2010 Mambuek aden maraso tabao liak Kasuasana katiko di kampuang Bahaso Bukiktinggi nan kental Taraso mambunuah den Panggilan tanah kalahiran Mambuncah didado den Sayuik-sayuik tadanga diden lagu “Kok tadanga saluang laruik malam Raso kampuang maimbau pulang Tabayang Marapi jo Singgalang ….. “ Tapaso samantaro den malagu “ Mandeh basaba mandeh dahulu Lai taragak denai nak pulang Nak basuo ayah job undo … “ 17 Januari 2011 (Yang berperan jadi Chandra Budi) Hanifah Damanhuri -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
