Ombak puruih takato jo dabua no nan kareh, tadanga sampai ka Alai. Dulu, saalun tahun 80 kabawah, banyak pagi-pagi urang/nelayan maelo jalo, banyak kapa/sampan parkir di pantai, banyak lauak segar nan bisa kito cari disinan.
Kini lah langang, sarik dicari lauak nan segar, kalau adopun harago lah sampai ka langik. Apo nan tajadi duh, apokoh indak namuah lai urang manjapuik rasaki di lauik tu. Atau mungkin dek lah kalah jo nelayan Thailand? Mungkin batua juo kali, lah kalah kito. Buktinyo kito maimport tapuang ikan untuak pakan ayam dan udang. Uda mbo mangecek, inyo mambali tapuang untuak makan ayam rasnyo nan di piaman indak dipiaman doh, dan indak dari bagansiapi-api, tapi dari pabriknyo di medan - charonk phak phan (mudah2an tulisan no batua) - dari perusahaan konglomerat Thailand. Kalau dikatoan aneh yo ganjia lo awak ko. Padohal kito punyo lauik nan laweh, tapi isinyo di japuik urang. Kecek mantari kelautan, tiok taun ndak kurang 5 milyar dollar ikan kito di "cilok" urang. Tapi dek karano kito "kayo" yo ndak taraso harato lah diansua-ansua kawan. Jadi ambo raso, usaho manjapuik rasaki dari lauik ko paralu di "sariusi" dek pemda nan bateh daerahnyo langsung jo lauik. Kalau indak ado pitih, Bank Nagari ambo raso namuah mancorohan pitihnyo untuak program "Kembali Melaut". Itu kalau namuah. Salain kito manjua dabua ombak, ikannyo juo bisa digarap lo. Wallahu a'lam. DN Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
