Assalamualaikum ww Sanak Masrur Siddik dan para sanak sa palanta, Izinkan ambo manyalo, khususnyo tentang perbandingan urang awak jo urang Batak, nan dikomentari Sanak Masrur Siddik, nan ambo kutip di bawah iko Alah lamo masalah ko manjadi paratian ambo, khususnyo karano ambo sangat baminat ka tema etnologi/antropologi dan sosiologi Indonesia, walau latar belakang ambo bukan antropologi dan sosiologi, tapi pemerintahan Kalau buliah izinkan ambo manyampaikan pengamatan ambo salamo iko tantang masalah nan dipatanyokan Sanak Masrur Siddik Sasudah ambo sigi bana dan ambo talungkuik talantangkan, ado satu hal nan sangat menyolok, nan mungkin marupokan faktor penyebab dari baitu lungganyo hubungan dan apresiasi antaro awak samo sama awk, dan baitu areknyo solidaritas antaro urang Batak Hal itu adolah karano sangaik jaleh dan masih bafungsinyo sistem dan struktur kekerabatan urang Batak, bukan hanyo antar-marga, tapi juo antar-pribadi Sadonyo batumpu pado sistim kekerabatan 'dalihan na tolu' [ dalam etnologi/antropologi dulu dinamokan asymmetrische connubium] nan dicatat sacaro rapi Dalam hal iko urang Batak sangaik baruntuang karano mampunyai huruf surang, samo jo urang Rejang Lebong, Jawa, dan Bugis/Makassar. [Catatan hubungan struktural kekeluargaan nan sarupo juo ado di urang Cino] Inti dari sistem dan struktur 'dalihan na tolu' iko adolah adonyo hubungan perkawinan se arah antaro tigo marga Batak, artinyo warga satu marga bukan sajo indak buliah kawin jo sasamo warga marga nan samo, tatapi juo hanyo buliah kawin jo marga lain tertentu. Malalui sistem dan struktur itu, mako unit kekerabatan urang Batak tadiri dari tigo marga: warga marga A hano buliah kawin jo warga marga B, sadangkan warga marga B hanyo buliah kawin jo warga marga C, dan warga marga C buliah kawin jo warga marga A Mereka nan marupokan warga dari tigo marga nan takabek jo ikatan perkawinan iko, punyo kewajiban untuak saliang tolong manolong, bukan hanyo di tanah Batak, tapi juo di perantauan. Dengan sistem dan struktur kekerabatan nan tacatat sacaro rapi itu, tiok urang Batak tahu persis baa hubungannyo satu samo lain, dan sairiang jo itu apo hak sarato kewajibannyo sacaro perseorangan dalam hubungan 'dalihan na tolu'
Aturan indak buliah kawin sasuku samo jo urang awak. Nan babeda adolah indak adonyo sistem dan struktur nan jaleh, dan indak adonyo catatan nan langkok, dari warga suatu suku urang awak nan satu jo suku urang awak nan lain. Mungkin ikolah nan manyababkan antaro sasamo urang awak -- walaupun sukunyo samo tapi nagari balainan - taraso hubungan kekeluargaan kurang arek dan kurang dakek, dibandiangkan jo urang Batak dan urang Cino. Dalam hiduik ko kito tapaso 'bertempur' sendirian Saparati nan Sanak Masrur tulih, bahkan taradok urang awak nan sukses indak salalu ado pangakuan, apolagi penghargaan Baa caronyo supayo kito urang awak bisa maraso labiah dakek ? Maambiak tuah ka nan manang, manuruik pandapek ambo, mulailah manulihkan sia sajo nan punyo hubungan kekerabatan iko sacaro langkok, mulailah jo kekerabatan nan batali darah [bisa disusul jo nan batali budi, dan supayo labiah langkok, tambah jo nan batali ameh'] Tantu sajo, sasudah hubungan kekerabatan iko ditulihkan sacaro langkok, indak baitu sajo keadaan langsuang manjadi baiak Diparalukan adonyo komunikasi dan suasana saliang mandukuang dan saliang picayo mampicayoi, dipimpin dek pamimpin dan amanah Kalau dimuloi kini, mungkin duo sampai tigo generasi nan akan datang -- sekitar 20-40 tahun -- akan mulai timbua solidaritas nan arek antaro sasamo urang awak sarupo nan alah ado di urang Batak jo urang Cino Apo sadonyo urang awak indak punyo perasaan nan dakek sarato saling picayo mampicayoi tu ? Tantu ado pengecualian Nampak dek ambo, urang Sulik Aia jo SAS-nyo dan urang Piaman jo PKDP-nyo alah mancapai taraf yang labiah teratur dibandiangkan jo urang awak lainnyo Pandangan ambo iko mungkin salah. Supayo ijan salah, rasonyo paralu ado studi mendalam dan bakalanjutan tantang sistem dan struktur kekerabatan Minangkabau Apolagi sampai kini bara banyaknyo jumlah suku dan baa hubugan antaro satu suku jo suku nan lain alun jaleh Wallahualambissawab Wassalam, Saafroedin Bahar Soetan Madjolelo (Laki-laki, Tanjung, masuk 74 th, Jakarta) Taqdir di tangan Allah, nasib di tangan kita. : From: masrursiddik masrursiddik <[email protected]> Sender: [email protected] Date: Thu, 3 Feb 2011 22:39:40 +0700 To: <[email protected]> ReplyTo: [email protected] Subject: Re: [R@ntau-Net] Cerita lagi Sabana banyak rang wak nan cerdik cendekia, andai dapat dihimpun bagaikan ‘sapu lidi’—motto nan dipakai sanak Ajo Duta---, alangkah besar manfaatnya. Pertanyaannya siapa yang dapat ‘mengikat’ semua orang-orang potensial itu sehingga bersinergi dengan baik. ....... Namun terkadang, banyak rang wak nan --katakanlah kurang-- menghargai prestasi cemerlang dari putra terbaik MK. Namun kenyataan lain, awak sering mandanga komentar rang wak juo terhadap seorang MK nan sukses ; “Kuati nyolah, jadi Dirut sen lah surang. Ndak ka mamintak gai den doh”. Apolah sabab no coitu bana ? Mungkin karena rang wak nan ‘egaliter’ , yang merasa bahwa maju dan berhasilnya atas kerja kerasnya sendiri. Antahlah…….. ..... Tapi agak berbeda dengan rang sabalah rumah, nan justru mahimpun sanak kerabat. Ado juo kaitan kekerabatannyo, maka mereka siap diminta-tolongi……. dan mereka saling menolong dimana saja, kapan saja, malah terang-terangan. Segala cara dilakukan, termasuk memanfatkan ‘kekuasaan’ yang melekat di tangannya. Tak segan-segan mereka mengangkat seorang ’kepala’ kendati pangkatnya/ DUK jauh di bawah. Lihatlah dimana-mana tersebar, baik lokus mau pun levelnya —terutama pada level tinggi dan strategis— banyak terisi oleh mereka kini. Kita simak, manakala ada diantara mereka yang ‘terancam’ atau ‘tersudut’ , maka bagaikan paduan suara mereka siap membela.Walau pun pembelaan itu bagaikan menegakkan‘benang basah’. Wassalam Masrur Siddik 69+ di Bandung -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
