Salam Dinda Andiko, Aha....sabalun barangkek mangecek ampek mato jo duo hati bana lah dulu jo mantialau (urang rumah) Adinda he he. Atau kababo urang rumah bagai? Sabab gadih2 rusia ko rancak2 haha. Sadang ambo kurang labiah dup minggu di sinan cameh tapatiang dek Svetlana Kramarova, hehe (buka rahasia): bamacam2 rono e, ado nan bantuak Barat bana, ado kombinasi Cino jo Barat, ado nan pitok bana. "Warnanya rame", maminjam istilah anak Jakarta kini. Budaya e ado raso Asia saketek, babeda jo Eropa Barat. Ambo alun pernah lai, Andiko, manampuah trayek Moscow - Beijing lewat trans Siberia ko. Bantuak nan ambo sambuik tadi: ambo baru mancubo trayek Moscow - St. Petersburg (kaba e kota ko didirikan dek perantau minang SUTAN PATABUAK). Tapi tantu suasananyo kurang labiah samo antar karektan panjang Moscow - Vladivostok, dan tantu lain saketek dari Vladivostok - Beijing, karano lah balain pulo negaranyo. Soal biaya kurang jaleh lo dek ambo. Wakatu 1996 tu kalau ambo ndak salah ingek kuricih pulang baliak sakitar 200 Rubel. Kini tantu lah naiak pulo. Namun samantang pun baitu, ambo cubo tanyo ka kawan di St. Petersburg. Basaba Andiko mananti. Nan jaleh, kok jadi Dinda manapaktilasi jalur Beijing, St. Peterburg ko, tantu rancak dibao kamus Rusia jo kamus Cino ga ciek: kamus praktis. Sabab di jalan acok basobok urang nan indak pandai bahaso Inggirih. Rancak diapa sakadaro kato2 nan penting untuak batanyo dan bakenalan. Dan jan lupo pulo mambao tabuang kopi angek. Kopi angek harus sadio taruih: kok gak dingin ambiak saloki kopi angek dari tabuang e. Bilo rencana tu ka bajalan, Andiko? Kok jadi, ampia saparo kuliliang duya mah. Co caliak pidoman lamo sabalum barangkek: cari palangkahan nan elok. Wassalam, Suryadi
--- Pada Jum, 11/2/11, andiko <[email protected]> menulis: Dari: andiko <[email protected]> Judul: Re: Bls: [R@ntau-Net] Trans Siberia Kepada: [email protected] Tanggal: Jumat, 11 Februari, 2011, 6:10 PM Ondehhh ajo, makin manggia jantuang ambo, ba dabok darah dek curito ajo. Ambo bausaho malobby kiri kanan, di kantua jo dirumah, supayo pulang manikam jajak Tan Malaka ko indak di tunggu surek pemecatan jo surek panggilan pangadilan agamo. Pngalaman ajo, kalau dari Moscow sampai Beijing bara hari dan bara kiro-kiro isi kampia nan paralu ?. Salam andiko -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
