pak Suryadi, iko sekedar berbagi carito pengalaman ambo mambawo turih dari denmark. Setelah bakuliliang babarapo nagari di Sumbar salamo 4 hari, kami kembali ke Padang liwaik Sitinjau Lauik. Baa kecek rang denmark ko katiko ambo manyetir oto, "sensasi perjalanan darek di siko sabana babeda jo nagari ambo & pemandangannya luar biasa". Ambo hanyo tersenyum sajo, sabab nagari denmark ko tingginyo indak labiah dari 200 meter dpl, hehehehe.
wasalam AZ/lk/32th Padang ________________________________ Dari: Lies Suryadi <[email protected]> Kepada: [email protected] Terkirim: Jum, 25 Februari, 2011 00:46:48 Judul: Re: [R@ntau-Net] Camp Pemuda Minangkabau - Wisata Nagari Talang Babungo Sanak Armen jo dunsanak di lapau, Tabayang dek ambo satu program tipi di Ulando yang kurang labiah mirip2 jo program ko: satu keluarga Ulando tingga di satu desa di Asia, biasonyo desa nan dipiliah agak tapancia. Untuak Indonesia pernah tapiliah Mentawai jo kampuang urang Dani di Papua. Keluarga bule (ayah, ibu, jo anak2nyo) nan biaso maajan duduak sarato makan jo sendok-gurapu ko tapaso ikuik caro masyarakaik setempat. Pernah ambo liek nan dikirim ka suku Bushman di Namibia, lah pandai lo maidu2 jajak singo di tanah. Judul program ko UIT RIMBOE (dari Rimba). Tantu di mato urang ulando, kalau ado batang kayu nan gak tenggi setek lah nyo sabuik rimbo, he he. Ado gundukan tanah saketek sagadang cekuih di Maastricht, itu lah nyo sabuik gunuang. Gadang lai Guguak Marando di tapi sawah di kampuang ambo. Program UIT RIMBOE ko sangaik laris manih. Banyak keluarga nan antri mendaftar, dan mereka mambayia untuak itu. Kito harapkan bana Program nan digagas dek Dinda Armen ko terwujud. Nan partamo ambo bayangkan sasarannyo anak2 mudo Minang nan lahia dan gadang di rantau sajo dulu. Dek karano tu, rancak kironyo kalau dibuek kontak2 lansuang ka organisasi2 urang awak di rantau. Melalui organisasi2 ko para urang tuo perantau Minang di rantau jadi baminaik mangirim anak2nyo ikuik dalam program ko. Sacaro budaya, tantu iko sangaik bamanfaaik, dalam arati, anak2 mudo Minang 'produk' rantau tadi mandapek kesempatan untuk kembali mengenal ranah bundo ayah-bundonyo sarato adaik-istiadaiknyo. Kok lah tampak hasilnyo beko, program ko dapek ditawarkan ka komunitas2 perantau Minang di nagari jiran Malaysia bagai. Wassalam, Suryadi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
