Aha...batambah banyak tukuak tambah dek Mak Ngah soal perbedaan dialek Taeh jo Simalanggang ko. Antah alah ado kolah ko kajian bahasa nan maliek struktur bunyo suatu bahaso jo keadaan geografis tampaik tingga panuturnyo. Nan tabayang dek ambo, kalau awak tingga di tampek2 nan agak lereng, tantu suaro acok basabuang jo buni angin nan sadang basiru. Jadi, tapaso dikoreh'an saketek. Tapi iko takok2 uwok ambo sajo nyo ko. Baa mangko suaro urang Batak gak kareh, misalnyo, samantaro suaro urang Sundan kombuk? Padohal daerah Batak jo Sunda samo2 ado gunuang. Wassalam, Suryadi
--- Pada Jum, 25/2/11, sjamsir_sjarif <[email protected]> menulis: Dari: sjamsir_sjarif <[email protected]> Judul: Re: [R@ntau-Net] Apo Mukasuiknyo Kepada: [email protected] Tanggal: Jumat, 25 Februari, 2011, 1:13 AM Kato Malereng ... MakNgah remaja di Payokumbuah, bakawan jo Urang Taeh Bukik jo Taeh Baruah sarato jo Urang Simalanggang. Kapatang ko katu pulang malah maherak-herak pulo ka dokek-dokek PekTen, ka Tanuang Padi jo Sarilamak. Baitu juo MakNgah urang di Ateh (Agam Tuo) dapek mambedakan aluran suaro Rang Sungai Pua jo Banuampu. Sasuai jo katarangan Angku Suryadi dan cucua paparan angku TR, memang antaro Taeh jo Susngaipua dibandiangkan antaro Simalanggang jo Banuhampu sabana tapek sasuai kaduonyo. Kaduonyo di lereng bukik, nan ciek Gunuang Bungsu, nan cciek Gunuang Marapi. Nan agak sabalah lereng kateh (Taeh jo Sungaipua) agak kareh suaronyo dari nan agak sabalah lereng ka bawah (Simalanggang jo Banuampu. Dalam area geografi nan agak laweh antaro Urang Di Ateh (Agam Tuo) jo Urang Di Bawah (Payokumbuah) pun tampak sterotip ko. Urang Diateh agak pahariak saketek, Urang di Baruah agak lombuk. Garah MakNgah nan tadanga maso saisuak, ado anak gadih Koto nan Godang maago lado di Pasa Payokumbuaah. Panjua lado Urang Diateh. Tajadilah dialog: Gadih Suaro Lombuk: "Bogha lado saonggok Mak?" Tukang Jua Lado Suaro Kareh: "Limo Ratuh!" Gadih Suaro Lombuk: "Eeh baa dek bongih-bongih se Mak ka awak maago?" Tukang Jua Lado Suaro Kareh: "Iyo! Baa ka indak! Agau maago cando Urang ka Matttii!" In retrospektif sasuai jo pameo tu, barangkali elok pulo dipacaruik-i Godih Lombuk ko dari pado disapo Rang Suaro Kareh. ... :) Adokoh relasi ungkapan "kato malereng" ko jo lereng-lereng gunuang jo bukik? Salam, --Makngah Sjamsir Sjarif --- In RantauNet@ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
