Adidunsanak palanta jo pak Amir,
Bialah Rina ulas baliak carito ko agak mendetail dek Mama Rina alah sato pulo bacarito sebagai saksi hidup waktu tu. Etek Diana jo Bang Pen (2 th) dibaok Mamak ambo pai ikuik kalua yaitu daerah Palupuah. Antah dek Tukang Tunjuak ko, waktu tu mereka batigo sadang di kampuang nan banamo Limabuang. Di dalam pondok tu disergap dek Tantara Pusat. Nan Mamak ambo lari ka arah rimbo sambia ditembak i dek Tantara Pusat nan sarombongan tu. Manuruik carito Mamak, badasiang-dasiang paluru di suok kidanyo, patah-patah rantiang batang kayu mairiangi larinyo ka dalam rimbo. Alhamdulillah Mamak salamat dan sampai kini masih sehat. Nan Etek ko dibaok mereka ka Kantua Tentara di Bukittinggi sampai akhirnyo di pinjaroan di Biaro. Alah duo hari tadanga kaba ka kampuang kami penangkapan Etek tu, pailah Nenek, Inyiak, Ayah, Ibu jo Mama Rina manyilau. Lai basobok jo mereka di Birugo tu, nan abang ko lai juo basamo jo Etek. Pas ka pulang ado tentara nan piket di pintu ka masuak kantua tu, nyo dakek i nenek tu dibisiakkannyo : " Buk, kalo Ibuk kamari, kamari selah jan dibaok cucu pulang." Jadi kondisinyo waktu tu, mrk alah tau samo tau jo parangai tentara di kantua tu, mungkin dek mancaliak rombongan urangtuo ko lai tasintuah hati tantara nan sorang ko. Alah sapakan diantaronyo Etek dibuliahan dibaok pulang. Tapi diharuskan malapor satiok minggu. Antah kali nan ka bara sakali tu, Bang Pen ko damam, jadi batitipkanlah abang ko ka amak liau, nan Etek barangkek jo Apak liau. Kutiko itulah alah sajam di dalam indak juo kalua-kalua doh. Ditanyoan Apak ka nan manjago, katonyo Etek alah pulang. Sajak itu kaba Etek indak ado samo sakali laih sampai kini Rina tulis carito ko. Abang yang dulu ditinggakan waktu baumua 2 tahun digadangan ayah liau nan stlh batahun-tahun setelah itu dapek istri baru dan alah ado anak bbrp urang. Kini Alhamdulillah Abang alah punyo kehidupan nan cukuik mapan sekarang mengelola sebuah Optik di kota Payakumbuh dan telah memiliki 6 orang anak. Abang selalu datang setiok Rayo juo sabalun puaso, satau Mama indak pernah sakali juo absen. Jadi Mama sebagai satu2nyo dunsanak padusi dari 5 basaudara tu manjadi tampek singgah di tiok ari gadang sajak taisuak. Dari pangamatan Rina, abang alah manjadikan Mama sosok pangganti ibu liau nan indak pernah dikenalnyo. Untuak batanyo banyak jo Mamak Rina yang kini jadi Datuak di suku kami, iyo agak garik Rina nyo. Kok maungkik trauma Rina bekoh. Mungkin sakitu dulu. Wassalam Rina,33+, batam From: [email protected] [mailto:[email protected]] On Behalf Of [email protected] Sent: Tuesday, March 08, 2011 2:51 PM To: [email protected] Subject: Re: [R@ntau-Net] Puisi Kak Diana Rina jo dunsanak di palanta nan ambo hormati!! Dulu ambo alah mandanga carito kak diana ko,, di tulisan Rina Saisuak, nan kato Rina inyo hilang sajak tantara jawa masuak ka kampuang awak,, Tapi mambaco puisi Rina ko tagak bulu kuduak, baragam rasonyo, misteri Diana, pilu, kekecewaan pd parang, dan sosok kak Diana nan penuh nestapa, perempuan minang nan rancak, jadi korban parang,, Rina, iyo sampai kini Kak Diana kok ndak tau rimbonya,, ?! Alah sagadang apo si buyuan nan kini ditingakan Kak Diana ko kini, diman tingga nyo?! -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
