Dr Yoichi Aota adalah salah seorang associate professor tulang belakang di Yokohama City University. "Welcome to Yokohama..." kecek Dr Aota manyambuik ambo nan alun lapeh tarangah baru tibo dan mancaliak gedung Yokohama City University nan batalian jo Gedung Yokohoma City University Hospital. Ambo diajak masuak ruangannyo nan ado di lantai satu gedung university. Di sinan ambo dikenalkannyo ka staf orthopaedi dan staf non medik nan sadang tampak serius bakarajo. Jumlah staf kami di orthopaedi ko adoh basalapan urang nan bakutat di tulang belakang katonyo. Masih adoh juo nan lain sarupo joint replacement dsb. Samantaro di UI kami hanyo barampek staf tulang belakang tamasuak salah satu professor nan alah pensiun.
Partamuan ambo jo Dr Aota ko bamulo dari adonyo kerjasama FKUI dengan Kanazawa University dan Yokohama City University. Tahun lalu ambo manjadi host untuk tamu dari Yokohama ko. Wakatu itu salain Aota ado lo salah surang professor di bidang physiology. Aota takana jo makanan padang nan agak padeh katiko ambo ajak makan di restoran natrabu. Cancang jo gulai utak nan inyo suko nyo caritoan baliak. Bagalak-galak kami di kantua tuw. Sarupo kawan lamo bana ambo jo Aota ko. Lah tibo pulo makan siang. Ari alah manunjuak pukua satu. Langik nan cerah indak barawan, matoari tagak indak bagigi manggigik tulang. Tatap taraso dingin. Babedo jo di kampuang ijan cubo2 kalua pukua satu, bisa mangalakak jangek dibueknyo. Bajalan lah kami barampek urang dari kantua Aota ka kantin nan memang disadio an untuk dokter medis dan untuk mahasiswa. Nyo perkenalkannyo ka ambo makanan japang nan tasadio. Nyo caliak annyo model makanan nan bakuah, abuih jo goreang. Makanan Mie jo nasi. Manjalejeh aie liua dek lapa walaupun indak basalero babedo bilo kito mancaliak masakan padang. Tapiliah lah dek ambo makanan goreang tuna jo nasi putih tambah salad. Salasai makan baliak lah kami ka ruangan staf medis dr Aota. Ari lah manunjuak an puku duo siang. Aota mulai maagih ambo itinerary salamo saminggu ambo di Japang. Untuk siang ko keceknyo inyo akan maajak ambo grand round ka salaruh pasien tulang belakang baik nan alah dioperasi maupun nan alun dioperasi. Adoh sekitar 12 pasien nan ka kami kunjungi sore ko. Mulai lah kami bajalan ka lantai 8 gedung rumah sakik nan talatak di subalah gedung. Taraso memang bedanyo rumah sakik awak jo rumah sakik urang. Ambo malewati poliklinik orthopaedi nan langang, taratur nan indak co pasa. Jumlah pasien nan talayani hari itu labih dari 50 pasien. Bajalan ambo maikuik dr Aota ka Admission, laboratorium, radiologi dan berbagai fasilitas pelayanan lainnyo di rumah sakik tu. Satalah melewati babarapo fasilitas, mulai lah kami sampai di lantai lapan rumah sakit. Ambo maraso adoh getaran gedung nan saketek mambuek ambo agak tahuyuang. Ambo pikia mungkin perasaan ambo sajo dek pangaruh pejalanan panjang nan melelahkan. Badatak ati mbo adoh gampo. Getaran ko baulang. Ambo caliak Aota jo stafnyo indak paduli. Inyo tatap bakuliliang sarupo indak adoh apo-apo. Kutiko mampir disalah satu ruangan pasien ambo beranikan batanyo ka Aota. "Did you feel the building thrilling? Is it earthquake?" tanyo ambo ka inyo. Jo senyum inyo jawek "it is safe, it is ok". Oh... kami malanjuik an mamareso pasien dan Aota sarato staffnyo malanjuikan presentasi pasien. Tibo-tibo datang getaran nan labiah gadang dan lamo. Ambo pakiroan adoh sekitr 2 sampai 3 minik. Getaran ko taraso barayun, goyang suok kida, baranti barayun baliak goyang muko balakang, taraso pulo adoh nan mamuta. Taraso goyangan ko makin lamo makin gadang. Ambo paratian sakaliliang ruangan, gedung, kaco, pajangan, lai indak adoh nan jatuh dan pacah. Namun trolly pasien sebagian adoh nan tatunggik. galeh jo piriang nyo kebetulan bukan tabuek dari kaca sahinggo sampai di lantai pun indak pacah. Ambo paratian aktifitas perawat, tenaga non medis. dan beberapo urang nan kebetulan adoh di lantai lapan tu. Tenaga perawat bakonsentrasi maawasi pasien sambi mangabek trolly nan bajalan2 tadi jo mangamankan brankar pasien. Sebagian lain manyiapkan jalan darurat. Tadanga pengumuman dalam bahaso japang nan ambo indak mangarati di tangah2 gampo tuw. Ambo raso pengumuman tuw adolah pengumuman supaya satiok urang indak panik dan batahan di tampek dan basiap-siap manarimo pemberitahuan barikuik. Indak adoh urang mbo caliak balarian inyak inyin. Indak pulo adoh urang nan basorak-sorak. Satiok urang nampak e manunggu aba2 dari pusat informasi nan diumumkan dari pusat informasi rumah sakik. Gampo nan gadang tadi mulai taraso bakurang. Aruh nan tadi raso ka tabang alah pulo mulai agak tanang. Aota mangecek an ka ambo tatap batahan dulu di siko. Kami mamacik bar pegangan nan memang tasadio di satiok ruangan rumah sakik. Sambi manunggu aba-aba salanjuiknyo, kami masih sempat mancaliak roentgen pasien, Aota masih sempat mampakenalan ambo ka pasien. Kemudian baru tadanga pengumunan nan maminta kami turun gedung mengikuti jalan evakuasi nan alah dibuka. Langsuang kami barampek turun ka lantai satu manuju lapangan rumah sakik. Dalam perjalanan ka bawah ambo masih sempat mamoto kondisi katiko gampo alah mulai reda. Dan ambo kirim ka BBM group rantaunet dan BBM Group SMA 3 Padang.... basambuang....(gampo di yokohama (3)) Berbagi Meringankan Derita Bangsa http://rahyussalim.multiply.com/ http://www.msindonesia.org/ http://masyarakatskoliosisindonesia.freeforums.org/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
