Assalamualikum wr wb
Angku, mamak, bundo sarato adi dunsanak sapalanta RN nan ambo muliakan,
Alah tasabuik bahasonyo urang minang ko suko ba organisasi, baiak di majelis
pembangunan masjid, ikatan keluarga minang nan berbasis nagari, lareh,
kabupaten
ataupun skala umum keluarga minang, maupun organisasi dengan interest nan samo
saroman palanta RN ko.
Alhamdulillah alah banyak usaho nan cubo dilakukan taruih manaruih untuak itu,
demi kelangsungan & pencapaian tujuan dari organisasi nan dibantuak.
Mungkin ambo ko masih mudo mantah, maklumlah aka dek kurang, ilmu pun alun
sampai, sabab masih banyak dari angku, mamak, bundo ataupun adi dunsanak nan
lain nan alah mampunyoi pengalaman sarato alah manapakkan kaki kamano sajo
belahan dunia nan ko.
Dari pengalaman nan sudah ambo jalani, ado ciek nan mungkin bisa dilakukan,
yaitu caro manyimpan dana organisasi nan labiah rancak dari pado disimpan dalam
bantuak tabungan dalam rekening bank, baiak bank nan konvensional ataupun bank
nan berbasis syariah Islam.
Pitih nan takumpua dari donatur anggota organisasi bisa dibalikan ka ameh
murni,
baiak nan dijua oleh PT Antam (sabab bersertifikat) maupun nan dijual di kadai
ameh biaso nan basurek. Dari ameh murni nan dibali jo pitih badoncek anggota
organisasi ko indak takanai dampak inflasi, saroman pitik kartal nan nilainyo
taruih manurun saroman Rupiah di nagari nan ko, sabab nilainyo akan marosot
taruih taradok hargo barang.
Dana nan dipakai untuak kegiatan sosial bisa diperoleh dari hasil penjualan
ameh
murni mantun, nan di kadai ameh hanyo dilakukan pemotongan harago bali sebesar
Rp. 5.000,- s.d Rp. 10.000,- untuak per 1 ameh 9 2.5 gram). Bagi kami di Padang
pedagang ketek-ketek ko, satiok manarimo julo-julo ado disisiahkan untuak
pambali ameh kacio untuak hari tuo. Kok lai barasaki bisa dipakai untuak
mambangun rumah, manikahkan anak sarato pai ka tanah suci untuak menunaikan
rukum islam nan ka 5.
Umumnyo, ameh nan dibali ko indak dibawo pulang, hanyo dititipkan di kadai ameh
tampek mambali. Sureknyo sajo nan disimpan. Pabilo alah mulai banyak, baru
dibawo pulang untuak disimpan ditampek nan aman, nan indak dikatahui jo urang,
tahan dari api, gampo jo banjir.
Kok paralu dipakai untuak panambah galeh, bisa dibao ka bank syariah untuak
digadaikan. Nan salamo ko ambo sakaluarga mancubo adolah manggadaikan ameh
mantun ka bank syariah nan dikenai biaya penyimpanan ameh sebesar Rp. 500,-
untuk per Rp. 1.000.000,- pitih nan dipinjam dari bank syariah. Jadi
perhitungannyo adolah :
example :
Kito punyo 10 ameh, nilai dari ameh tsb : Rp. 1.000.000,- x 10 ameh =
10.000.000,-
Dari BNI Syariah untuk ameh dari kadai bisa maminjam 80 % dari nilai ameh
keseluruhan. (untuk ameh sertifkat PT Antam bisa 90 %). Lalu mengajukan
peminjaman sebesar Rp. 5.000.000,-. Biaya simpan ameh nan dibebankan adolah :
Rp. 500,- x 5 x 30 hari = Rp. 75.000,- (atau 1,5 % perbulan dari besar
pinjaman). Jadi pada bulan depan pitih nan harus kito pulangkan ka bank syariah
adolah = Besar pinjaman + biaya penyimpanan emas selama 1 bulan.
yaitu= Rp. 5.000.000,- + Rp. 75.000,-
= Rp. 5.075.000,-
Pinjaman mantun bisa pulo diperpanjang, 2,3 atau sampai 12 bulan. Jadi dana
organisasi yang digunakan untuk modal usaha bisa dilakukan dengan cara
penggadaian emas ke bank syariah, yang setiap bulannya dibayarkan biaya
penyimpanannya. Dalam 1 tahun bisa dikembalikan dengan membayar biaya
penyimpanan emas setiap bulannya sebesar Rp. 500,- per hari untuk Rp.
1.000.000,- peminjaman dana. Nan sanangnyo, prosesnyo indak batele-tele, dan
biasonyo nilai ameh nan kito punyo setiap tahun semakin meningkat dibanding
nilai uang rupiah nan ado di negara ko. Untuk seluruh anggota organisasi cukup
mengetahui berapa jumlah emas yang dimiliki oleh organisasi, sehingga tinggal
mengalikan saja berapa harga emas saat itu.
Akhir kata, semoga bermanfaat amin ya Rabbal alamin.
wasalam
AZ / lk / 32 th
Padang
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
