Ajo Suryadi dan Sanak Palanta Yth, Kalau tak ada aral melintang, ambo ka pai ka Bologna, Italia, tanggal 20 April - 1 Mei 2011 di muko. Ambo jo kawan-kawan, 4 urang diundang mengikuti Festival Layang-layang Internasional di Pantai Cervia, Bologna. Kami ka mambao layang-layang model Minangkabau dengan lambang rumah adat. Ambo mambayangkan baa layang-layang tu bisa mengudaro dengan lambang rumah adat yang mencolok, sahinggo penontonnyo bisa mengingat Ranah Minang. Lalu, awak bagikan lo famlet-famlet tentang obyek wisata dan budaya Sumatra Barat.
Tiket insya Allah lah ado sponsor, layang-layang agak 5 buah x Rp4 juta ciek sadang dicari lo sia nan bisa bantu (kalau ado dunsanak nan kalaibiahan dolar buliah juolah mambantu kami...he...he.....buliah kami masuakkan logo perusahaan sanak di badan layang-layangtu). Cuma, nan ka ambo tanyo ka Ajo kini, dek lai sadang di Ulando, barakoh kiro-kiro harago tiket kereta api dari Scipol ke Bologna tu, apo namo kereta e. Bara jam kiro-kiro perjalanan. Kalau pilihannyo ka Ulando, kami tentu naiak Garuda, untuang-untuang Uda Emirsyah Satar bisa lo berpartisipasi dengan diskon tiket, paliang indak bisa lapeh untuk ongkos kereta api ka Bologna. Manga kok ka Ulando bana mandarek? Giko Jo, istilahnyo, kan indak ciek jalan ka Roma. Kalau langsung ka Roma se, ciek negara se nan wak lieknyo. Tapi kalau ka Ulando, kan ado banyak negara nan ka dilintehi. Lumayanlah, sarupo tahun 2008 ambo naiak bis dari Paris ke Warsawa (samo jarak e antaro Jakarta ka Padang, yo bana panek tulang ikua...he....he....). Nan lain, perkiraan suhu April tu bara tu Jo. Ambo yo agak kurang tahan jo udaro dingin dek alergi hidung. Sagitu dulu Jo. Taragak lo wak makan di kantin Kampus Ajo di Leiden tu ha.....Tapi buku Pak Sebastian lah dapek dek ambo. Wassalam, Syafruddin AL/L48, Wartawan Haluan, Tingga di Bogor -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
