Da Andiko,
Apo nan dicaritokan dek Pak Rusli ko tasobok sado no dek Rina dalam tanyo jawek jo Papa hari Jumat kapatang. Kisah2 Kompol Ben Zadel Berg, sinjato kaliber 12,7 tu. Banaikkan ka Jip tu badorong baadokkan kamukonyo. Jib balarian dari simpang Gaduik Tilatang maluncua ka arah Jirek tujuan Dokabu markas tantara pusek. Tabayang dek Rina jalan-jalan nan dilalui Jip tu kini duh, masalahnyo jalan-jalan tu adolah jalan sakitar rumah di BUkik di Luak Anyia nan talatak dintaro kaduo tampaik tu. Tentang urang nan malarian 'kode' jo masalah pitih bakaruang tu memang jaleh adonyo. Agak celak jadinyo jalan carito permainan catur ko. Wassalam Rina From: [email protected] [mailto:[email protected]] On Behalf Of andi ko Sent: Saturday, March 26, 2011 12:47 PM To: RantauNet Subject: [R@ntau-Net] Cumi-cumi Aie Bangih : Rusli Marzuki Saria Cumi-cumi Aie Bangih "NAN parang siapo?" Parewa manggelengkan kapalo, sasudah parang sudaro usai, urang -urang bacarito nan santiang-santiangsae. Pasukan inyo nan baparang, pasukan inyo nan ikuik bagurilya. "Tantara sukarela. Polisi Zadelberg. TP anak sikola nan masih baingua, itunyo nan baparang. "Malanca bagumam. Takana dek inyo, daerah Tilantang Kamang bisa batuan sataun. Sajak 4 mai 58 sampai Mai 1959. "Baa, mangko Tilatang Kamang bubuih dek tantara Soekarno?" Malanca maetong-etong buah baju di dado. Takana deknyo, sakitar bulan Mai 1959, di Aie Bangih, akan diadokan doroping sanjatolewaik armada ka VII Amerika. Sanjato 12,7 pasukan Zedelberg, di baok ka Aia Bangih. Saregu pasukan Zedelberg, saregu pasukan dari Kompi Mawar barangkek ka sinan. Kuitko tu Malanca nan panah bagabuang jo Kompi Mawar, basuo balik jo panembak LMGSyahrial Ismail di Aia Bangih. Panantian doroping tu di pimpin dek Letkol Aboenawas, komandan Resiman II Utara. Bulan Mai 1959 pasukan-pasukan nan ado di Tilatang antaro lain, BI-2003 B Za-del-berg, di dalam tagabuang Kie Mobbrig 5831, 5152 Pedede, Kie TP dan Kie DBI. Kalau indak salah ingek, Kie Mawar dan Peleton Melati barado di sekitar Vak IV Matur jo simpang Malalak. "Jadi turun sanjato doroping tu?" Parewa mengelamun, takana panah makan sub cumi-cumi udang di Aia Bangih. Malamnyo lalok di dalam kulambu kawek. Kulambu abadi nan dindiangnyo dari kawek. Pagi-pagi sakali ragu bajalan di tapi pantai Aie Bangih lalu naiak ka bukik ketek di mukonyo, sabalun pasang naiak, patang ari babaliak ka Aie Bangih sasudah pasang lauik naiak mampagunokan biduak. "Baa sanjato doroping dari Armada Ka VII Amerika tu?" Malanca mangecek dalam ati. Kadang-kadang tagalak rusuah. Sanjato doroping tu indak panah turun. Bisiak-bisiak manyampaikan, baa aso "Kunci kode" nyo di baok dek salah surang tantara PRRI ka Autralia. "Limpaduak" Kompol Zedelberg, maocek dalam Jeep Wilys nan panah dipunyoi dek BI 2003. di ateh Jeep Wilys tu panah dicongkongkan sanjato 12,7 kasayangan kami di BI 2003. sanjato 12,7 panah marajoi parang di Bukik Kaluang Tilatang Kamang. "Sanjato doroping indak datang. Tilatang Kamang diduduki tantara Soekarno pulo. Buluih awak!" Ocehan sarupo tadanga di stap Komando Vak Tilatang Kamang nan sakaligus manjadi Komando Operasi BI-2003. ado pula curito nan iduik dalam ota di stap komando operasi Bi 2003, baso doroping di Aie Bangih di sakita bulan Mai 59 tu gagal, karano Komandan Intel Pusat Kol. Sukendro tau baaso akan ado doroping di Aie Bangih, inyo ikuik mangamti ka Aie Bangih jo KRI Angkatan Laut RI. "Tantara NRP baa?" Lai inyo ikuik parang?" Parewa indak talok mangecek lai. Tantara nan Banomor Register Pusat (BRP) sakitar bulan Mai 59 tu, banyak nan manyarah, sarato mambaok kepeang bakaruang-karuang. Indak ado taraso ado komando lai! Indak tadanga parintah Panglima, barangkali sajak pambebasan Padang, Malanca rindu jo namo Ahmad Husein, Parewa rindu jo namo Soetan Soeis. Rindu urang-urang mudo nan baru baumua 23 taunan.. Catatan Monolog Rusli "Parewa" Marzuki Saria Haluan, Minggu 11 Nopember 2001 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
