Assalamu'alaikum ww, Uda Syaf, kalo lai buliah awak sato saketek maagiah masukan untuak masalah iko tapi awak bukanlah nan ahli pulo dibidangnyo karano iko hanyo barasa dari pandangan mato sajo nan bak kecek urang mancaliak tuah ka nan manang.
Nan urusan ka balakang ko kan sabananyo sapele tapi bisa serius kalo lah timbua masalah didalamnyo. Dari pancaliak an awak diantaro babarapo tampek nan mampunyoi fasilitas iko ado 3 kalompok nan mangalolanyo : Nan paratamu, masuak perai kalua sibu. Pangalolaan saroman iko biasonyo urang perorang nan tantu sajo samo kito kataui tanagonyo tabateh pulo untuak mambarasiahannyo Nan kaduo, pangalola nan tasambia. Saroman dibabarapo tampek kito caliak masalah iko disarahan ka tukan barasiahan tapi indak dibari tangguang jawab panuah ka inyo karano banyak karajo nan lain nan ka dikakoknyo Nan katigo, pangalola nan punyo team tasandiri nan mangalolanyo nan sampai ciek team ko ado pulo sistim karajo ganti ari nyo nan bagantian pagi jo patang ari saroman nan kito paratian di Mall2 nan gadang sarato parhotelan nan memang kantua team ko disubalah fasilitas bana. Babaliak kito ka pangka kaji, dari gambaran nan ado di BIM mungkin bisa kito caliak (awak alun paranah ka sinan lai), apo sistim nan dipakai pangalolanyo. Kalo kito lah tau jo caro karajo mereka tapi indak jalan sasuai jo nan diarok an barulah kito bisa bakato tapi nan sarancaknyo io jan ka kalompok karajo tapi lansuang kapimpinannyo tapi ado pulo saraiknyo ciek du da yaitu nyo kalo dapek kito bakato ijan sampai manunjuak lansuang ka pokok parsoalan tapi dipakai saketek caro diplomasi supayo indak maraso tagurui pulo pimpinan cako. Kok masalah diplomasi bakato ko mungkin indak pandai pulo awak mangetik annyo do, tapulang ka kito masiang-masiang teknik jo masuaknyo supayo lamak diawak katuju diurang bisa balaku dimaso itu. Sakitu saketek nan bisa awak ketik an manjalang pai makan siang ka rumah mintuo. Tarimo kasih juo bari ma'af awak kalo ketikan iko ado nan kurang pas dalam panyampaiannyo. Wassalam Batuduang Ameh (44) From: [email protected] [mailto:[email protected]] On Behalf Of [email protected] Sent: Monday, March 28, 2011 11:39 AM To: [email protected] Subject: Fw: Tunggu dulu, "Perlu Solusi bukan mampapanjang urek lihie" Re: [R@ntau-Net] IMG-20110319-00011.jpg Sanak di Palanta sadoalahe Yth. Setelah mempostingkan foto salah satu WC BIM yang ndak beres, kran untuak cebok e lah amburadul, ndak ado tisu dan wc duduak tu dipakai untuak jongkok, dan bau pesing, ambo jadi tagalak-galas surang se mambaco tanggapan yang basileweran dari timur sampai ke barat, dari barat ke selatan dan antah kama lai tu painyo ha.... Sampai soal lampang malampang. Sabagai nan mudo, ambo paham bana apo nan dimukasuik Dek Pak Saaf tu mah, paralu kareh maaja pengelola BIM dan juo pemakai nan indak bataratik tu. Tapi kato2 main lampang tu ado yg menanggapi serius, padohal Sanak Firdaus HB nan ka mambao bonek pun sabanyo 'bagarah' sekaligus mamotivasi. Tapi sayangnyo tak ado solusi yang jaleh nan bisa disukuang basamo mengatasi masalah sepele tapi serius untuk kemajuan pariwisata sumbar. Kesimpulan, mudah2an ambo salah atau dek karano ambo bengak manangkok, melempar masalah di rantaunet ko yo jan diarok lo lai solusi yang serius. Abih hari dek bagarah se, sadoalahe santiang.....he....he..... Tapi kalau serius bana, bantuak ka sudah dek awak surng se nagari ko. Yo ndak? Banyak maaf, Salam hormat ambo Syaf AL L48 Bogor Powered by Telkomsel BlackBerry -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
![RE: Tunggu dulu, "Perlu Solusi bukan mampapanjang urek lihie" Re: [R@ntau-Net] IMG-20110319-00011.jpg](/search?l=rantaunet@googlegroups.com&q=subject:%22RE%5C%3A+Tunggu+dulu%2C+%5C%22Perlu+Solusi+bukan+mampapanjang+urek+lihie%5C%22+Re%5C%3A+%5C%5BR%40ntau%5C-Net%5C%5D+IMG%5C-20110319%5C-00011.jpg%22&o=newest){kind=link}
