Maa Angku Afrijon Ponggok sarato Rang lapau nan Basamo, Iko informasi Sejarah nan penting.
Tarimo kasih banyak jo kaba nan sangat informatif mampaluruih kasalahan pandangan urang banyak salamo ko. MakNgah, dan mungkin banyak bana urang awam nan indak tahu manganggap nan bahaso istilah Pariangan Padang Panjang sakadar manunjuakkan kapado dunia umum nan bahaso Nagari Pariangan tu dakek Padangpanjang, namo Kota Padangpanjang nan tapampang dalam peta kini ko. Parak siang ko lah, baru tasintak lalok, tasintak pulo lalok dalam pangaratian Sejarah, mambaco astaqgfirullah, MakNgah baru tahu nan bahaso Pariangan jo Padang Panjang tu adolah DUO Nagari-e, batentangga, badakok-dakok-an atau balancik-lancik-an kecek dunsanak-dunsanak kito di Tapi Riak nan Badabua. Kini lah baru MakNgah tahu, Nagari Padang Panjang dalam kombinasi kato Pariangan Padang Panajang tu, adolah Nagari Padang Panjang Bawang -- nan salamo ko alun MakNgah danga -- nan samo sakali sajak saisuak indak samo jo namo dan latak Kota Padangpanjang nan kini ko. Tarimo kasih banyak mampaluruih pangaratianistilah dan lokasi Sejarah Pariangan Padang Panjang, Salam, --MakNgah Sjamsir Sjarif Santa Cruz, California, USA, Mar 28, 2011 --- In [email protected], aafrijon@... wrote: > > Mamak Safrudin Bahar dan sanak Armen sarato dunsanak di Palanta. > > Nagari Pariangan Padang Panjang talatak setelah Nagari Sikaladi dari arah Kubu Karambia Batipuah Baruh sabalun Simabua, Pariangan adolah Satu kanagarian disiko talataknyo Kuburan panjang Datuak Tantejo Nan Gurano, Sawah gadang satampang baniah, diatehnya mengarah kagunuang marapi talatak Nagari Guguak Sikaladi (kampuang pesaluang legendaris Sutan sati dan pedendang legendaris Samsimar), diateh nagari Guguak dilereng Gunuang Marapi tadapek tungku tigo Peninggalan niniak moyang kito. > > Disabalah utara Nagari Pariangan ko adolah Nagari Padang Panjang (labiah dikenal jo Nagarai Padang Panjang Bawang) kampaung mendiang Buya Umar Bakri dg Yayasan Alhikmahnyo, dan duo nagarikolah nan disabuiak Pariangan padang Panjang asa niniak moyang urang Minang Kabau. > > Diduo nagariko memang banyak ruamah gadang namun kini memanglah banayak runtuah indak aturuihlai karano masing-masing alah mambuek rumah surang-surang. > > Kalau kito bajalan kululiang kampuang di Minang Kabau kini memang alah rato-rato rumah gadangko runtuah indak tauruih, nan lai agak tapaliaoro hanyolah dedaerah solok dan solok selatan itupun lah mulai reot pulo. > > Itu katukuak tambah dari ambo, mohon maaf kalau salah > > Tks > Afrijon Ponggok > 44,L,Pekanbaru -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
